تاياۋدا «نۇر وتان» پارتياسىنىڭ وڭتۇستىك قازاقستان وبلىستىق فيليالىندا «جاس وتان» جاستار قاناتى وڭتۇستىك قازاقستان وبلىستىق فيليالىنىڭ ۇيىمداستىرۋىمەن ەلباسىنىڭ دنەپرودزەرجينسكىدەگى كۋرستاسى تەلمان سپاەۆپەن جاستار كەزدەستى. 

تەلمان سپاەۆ جاستارعا: «پرەزيدەنت تەك ءوز توبىندا عانا ەمەس، ۋچيليشەدەگى ەڭ ۇزدىك تالىمگەردىڭ ءبىرى بولدى، ساباقتى زور ىنتا-ىقىلاسپەن وقىدى. ول ءوزىنىڭ اسا قۇشتارلىعىن بىلەتىن، كىتاپتاردىڭ ءبارىن وقىپ شىعۋعا جان-تانىمەن كىرىسەتىن» - دەپ اتاپ ءوتتى.

كەيىنىرەك، نۇرسۇلتان نازارباەۆ ءوزىنىڭ كىتاپتارىنىڭ بىرىندە بىلاي دەپ جازدى: «كەيىنگى كەزدە ءوزىنىڭ «پرولەتارلىق» تەگىمەن كوكىرەك قاعۋ باسقا ءبىر نارسەنىڭ سالقىنىمەن الماستى: قايتكەندە دە ءوز تەگىنەن «اقسۇيەكتىك» قاسيەت ىزدەپ تابۋ ەتەك الدى. ونداي ءبىزدىڭ تۇقىمدا بولعان ەمەس. مەن – قويشىلاردىڭ ۇلىمىن، نەمەرەسىمىن جانە شوبەرەسىمىن. دەمەك، ەشقانداي اقسۇيەكتەر اۋلەتىنەن ەمەسپىن. مەنىڭ اتا-بابالارىمنىڭ ءبارى دە الاتاۋ باۋرايىندا ءومىر سۇرگەن».

بىراق، كەيىنىرەك ونىڭ اۋلەتىندە ايگىلى ادامدار بولعانى انىقتالعانىنا قاراماستان، نۇرسۇلتان نازارباەۆ ارقاشان ءوزىن حالىق اراسىنان شىققان، حالىققا جان-تانىمەن جاقىن ادام دەپ ەسەپتەيدى جانە قازىر دە سولاي ويلايدى.  حالقىنىڭ قانى ءبىر پەرزەنتى رەتىندە ول بۇل سەزىمىنەن ەشقاشان ارىلعان ەمەس، قايتا جىل وتكەن سايىن ەسەلەي ءتۇستى.

ول ءوزىن ناعىز قازاق، بابالار مادەنيەتى مەن سالتتارىنىڭ مۇراگەرى، جاڭا فورماتسيانىڭ، اركىمنىڭ الدىنان بۇرىن بولماعان مۇمكىندىك اشاتىن عىلىمي-تەحنيكالىق پروگرەستىڭ ىلگەرى باسقان جاڭا ءداۋىرىنىڭ ادامى رەتىندە سەزىندى. حالىقتىڭ ءداستۇرلى تانىمى مەن جاڭا يندۋستريالىق دۇنيەتانىم ونىڭ جان-دۇنيەسىندە ۇيلەسە توعىستى.

نۇرسۇلتان شىنىققان شىمىر جاستاردان ىرىكتەلگەن دومناشىلار توبىنا قوسىلدى. جاس نازارباەۆ بۇلشىقەتى مەن مىنەزىنىڭ مىقتىلىعىن سپورتتا، بالۋانداردىڭ بوزكىلەمىندە دالەلدەي ءبىلدى.

«قازاقتىڭ بالاسىنان تەك قويشى شىعادى، - دەگەن ءسوز قاتتى جۇرەگىمىزگە باتاتىن – دەيدى تەلمان اعامىز -  ەلباسىمەن كەزدەسكەن ءاربىر كەزدەسۋىندە پرەزيدەنت «تەلمان جاستارمەن كوپتەپ كەزدەسىپ تۇر، جاستارعا تاريحىمىز تۋرالى، ەل تۇتاستىعى جايىندا ءاردايىم ايتىپ ءجۇر، جاستار ءبىلسىن، ۇيرەنسىن»، - دەپ ايتاتىنىن ايتتى. قازىرگى تاڭدا ەلىمىزگە ينجينەرلەر، مەتاللۋرگتەر، تەحنيكتەر، كومپيۋتەردى بىلەتىن ازاماتتار كوپتەپ كەرەك ەكەنىن اتاپ كەتتى. قازىرگى تاڭداعى قازاقستانداعى ءبىلىم الۋعا جاسالىنعان بارلىق مۇمكىندىكتەر، ەشبىر ۋاقىتتا بولماعانىن ايتىپ، جاستارعا وقى، وقى جانە وقى»، - دەگەن وسيەتتى قايتا ايتتى.

تەلمان اعامىز وزدەرى ءبىلىم العان ۋكرايناداعى جاعداي تۋرالى «قازىرگى ۋكراينانى ەستىسەم مەنىڭ جۇرەگىمە اۋىر تيەدى» دەپ، ەل تاۋەلسىزدىگى، تۇتاستىعى، انالارامىزدىڭ، باۋىرلارىمىزدىڭ بەيبىت تىنىش ءومىر ءسۇرۋى ەڭ قىمبات جانە قۇندى دۇنيە ەكەنىن ەسكە سالدى.

نۇر وتان پارتياسىنىڭ رەسمي سايتى