قازاقستان رەسپۋبليكاسىنىڭ تۇڭعىش پرەزيدەنت كۇنىنە وراي، سوزاق اۋدانى، تاستى اۋىلىندا 50 ورىندىق «قىزعالتاق» بابالاقشا قۇرىلىسى اياقتالىپ پايدالانۋعا بەرىلدى. 
جاڭا عيماراتتىڭ اشىلۋ سالتاناتىنا اۋدان اكىمىنىڭ ورىنباسارى س. ەدەنباەۆا قۇتتىقتاۋ ءسوز سويلەدى.  «بالاپان» باعدارلاماسىنىڭ اياسىندا اشىلىپ وتىرعان بالاباقشا اۋىل ومىرىندەگى ەلەۋلى وقيعانىڭ ءبىرى. اتالعان باعدارلامانىڭ ورىندالۋى اۋدان بويىنشا 80 پايىزدى قۇراپ وتىر. جىل سوڭىنا دەيىن، 81,6 پايىز بولادى دەپ كۇتىلۋدە.»- دەدى.  سونداي-اق، اۋىل ءبيى ج. ايتبايۇلى، اۋىل اقساقالى ج. ءجۇنىسۇلى يگى تىلەكتەرىن ءبىلدىردى. قازاق فرانتسۋز بىرىككەن كاسىپورنى «كاتكو» كومپانياسى دەمەۋشىلىك جاساعان بالاباقشا قۇرىلىسى 2013 جىلى باستالعان. سوڭعى ۇلگىدەگى زاماناۋي  جابدىقتارمەن قامتاماسىز ەتىلگەن.  مۇندا، بۇلدىرشىندەرگە قاجەتتىنىڭ بارلىعى بار. ويىن بولمەسى، سالاۋاتتى ءومىر سالتىن قالىپتاستىرۋعا ارنالعان سپورت زالى، ويىن الاڭشالارى، ءتىپتى بالالاردىڭ دەنساۋلىعىن قاداعالايتىن مەدبيكە بولمەسىدە قامتىلعان.  جالپى سمەتالىق قۇنى 203,333 ملن قۇرايتىن نىسانعا قۇرىلىسىن «جاڭاارناقۇرىلىس» جشس جۇرگىزدى. عيماراتقا تيەسىلى جەر كولەمى 5,2 گەكتار،  عيمارات اۋماعى اۋماعى 1000,99 م2 الىپ جاتىر.

سونداي-اق ەلباسى ن.ءا. نازارباەۆتىڭ "قازاقستان جاڭا جاھاندىق ناقتى احۋالدا: ءوسىم. رەفورما. دامۋ" اتتى حالىققا جولداۋىن سوزاق اۋدان اكىمدىگىنىڭ ۇلكەن ءماجىلىس زالىندا، اۋدان  اكىمى م. يساەۆ، اۋدان اكىمدىگىنىڭ قىزمەتكەرلەرى، ماسليحات دەپۋتاتتارى، جەرگىلىكتى بەلسەندى تۇرعىندارمەن بىرلەسە وتىرىپ تىڭدادى. پرەزيدەنت جولداۋىن تالقىلاعان جينالعان قاۋىم، وزدەرىنىڭ ويلارىن ورتاعا سالدى. اۋداندىق ماسليحاتتىڭ دەپۋتاتى ج. ساتىبالدى «بۇگىنگى جولداۋ، الەمدەگى قۇبىلمالى ساياسي جاعدايدا ەلدىڭ دامۋىنا باعىت-باعدار بەرەدى» - دەگەن پىكىرىن ايتتى.
جيىن تۇڭعىش پرەزيدەنت كۇنىن اتاپ وتۋمەن جالعاستى. اۋدان حالقىن ايتۋلى مەرەكەمەن قۇتتىقتاعان ايماق باسشىسى م. يساەۆ: «وسىناۋ كۇننىڭ حالقىمىز ءۇشىن ماڭىزى مەن مازمۇنى ەرەكشە. بۇل كۇن - تاۋەلسىزدىكتىڭ تۇساۋىن كەسكەن، قازاق جۇرتىن الەمگە بەيبىتسۇيگىش ەل رەتىندە تانىتقان ەلباسىنىڭ پرەزيدەنت بولىپ سايلانعان كۇنى» - دەپ، تاۋەلسىزدىك العالى اۋدان كولەمىندە بولعان وڭ وزگەرىستەردى اتاپ ءوتتى. 24 جىلدىڭ ىشىندەۋ اۋدان كولەمىنە 18 مەكتەپ، 24 دەنساۋلىق نىسانى سالىنعان. اۋدان بيۋدجەتى 7 ملرد تەڭگەگە دەيىن وسكەن. مەكتەپكە دەيىنگى ءبىلىم بەرۋ مەكمەلەرىنىڭ سانى 28 قۇراپ وتىر. وسىنىڭ بارلىعى تاۋەلسىزدىك تۇسىندا جەتكەن جەتىستىگىمىز. 
ايتۋلى كۇنى اۋداننىڭ الەۋمەتتىك ەكونوميكالىق دامۋىنا ۇلەستەرىن قوسىپ جۇرگەن بىرقاتار ازاماتتارعا العىس حاتتار تابىستادى. 

Abai.kz