«سىبايلاس جەمقورلىقتىڭ الدىنا الۋدا باق-نىڭ، جۋرناليستەردىڭ كينەماتوگرافيالىق مەكەمەلەردىڭ، مادەنيەت قايراتكەرلەرىنىڭ ءرولى» تاقىرىبىمەن قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ وقو بويىنشا دەپارتامەنتى قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىمەن بەينە بايلانىس جۇيەسى اشىق كەلىسىم الاڭى ءوتتى.

ونىڭ ماقساتى – قوعامدا جەمقورلىققا قارسى مادەنيەتتى قالىپتاستىرۋ مەن تاربيەلەۋگە جاعداي جاساۋ. شارا بارىسىندا قر كينەماتوگرافيالىق ۇيىمدارىنىڭ جانە باق-تىڭ بەلسەندىلەرى ءسوز الدى. شاكەن ايمانوۆ اتىنداعى «قازاقفيلم» اق-نىڭ ءباسپاسوز حاتشىسى ا. جۇماعاليەۆ، قازاقستاننىڭ ينتەرنەت قاۋىمداستىعىنىڭ پرەزيدەنتى ش. سابيروۆ، قازاقستان جۋرناليستەر وداعىنىڭ توراعاسى س.ماتاەۆ، قازاقستان كينەماتوگرافيالىق ۇيىمىنىڭ توراعاسى ي.ۆوۆنيانكو ءوز پىكىرلەرىن ءبىلدىردى.

باق باسشىلارى جانە مادەنيەت قايراتكەرلەرى قاتىسقان ءىس-شارادا سىبايلاس جەمقورلىققا قارسى مادەنيەتتى قالىپتاستىرۋ جوسپارى تالقىلانىپ، ۇسىنىستار ايتىلدى.

 وقو-دان اقپاراتتار: قارتتارىن قۇرمەتتەگەن ەل قۇرمەتتى

كەشەگىسىز بۇگىن، بۇگىنسىز ەرتەڭ جوق. كەشەگى ءومىردىڭ ءتىرى كۋاگەرلەرى – قازىنالى قاريالارىمىزدى قۇرمەتتەۋ بۇگىنگى ۇرپاقتىڭ پارىزى. وسى ورايدا «ارداگەرلەردى ارداقتايىق!» اكتسياسى اياسىندا ەڭبەكشى اۋدانى اكىمدىگىنىڭ قىزمەتكەرلەرى ۇلى وتان سوعىسىنىڭ ارداگەرى الەكساندر پروكوپچيكتى 90 جاسقا تولعان  مەرەيتويىمەن ارنايى قۇتتىقتادى.

وتان ءۇشىن وت كەشىپ، بەيبىت ومىرگە ءوز ۇلەسىن قوسقان قارتقا زور دەنساۋلىق، باقىت پەن قۋانىشتى كۇندەر تىلەدى.

الەكساندر پروكوپچيك 1925 جىلى 3 قاراشادا تومسك وبلىسى، پاۆلوۆكا اۋىلىندا دۇنيەگە كەلگەن. 1943 جىلى اسكەر قاتارىنا شاقىرىلىپ، 1 بەلورۋسسيا مايدانىنىڭ قۇرامىندا  جاۋمەن شايقاستى.  مايداندا اۋىر جارالانىپ، دەنساۋلىعىنا بايلانىستى لەنينگراد  قالاسىندا گوسپيتالدە ەم قابىلدايدى. ساۋىققان سوڭ، يۆانوۆ وبلىسى، كينەما قالاسىنا جىبەرىلەدى. 1948 جىلى ەلگە ورالادى. ەرلىگى ءۇشىن مەرەيتويلىق مەدالدارمەن ماراپاتتالدى. تەمىرجولدا، شاحتادا ەڭبەك ەتەدى.

سىي-قۇرمەتكە بولەنگەن مايدانگەر العىسىن ايتىپ، اق باتاسىن بەردى.

Abai.kz