حالىقتىڭ زور سەنىمىنە يە بولعان «نۇر وتان» پارتياسى كاسىپكەرلەرگە دە بارىنشا قولداۋ كورسەتىپ كەلەدى. جىل باسىنان بەرى شاعىن جانە ورتا بيزنەسپەن اينالىساتىن ەكى جۇزدەن استام ازاماتتىڭ ماسەلەسى وڭ شەشىمىن تاپقان. ولاردىڭ باسىم بولىگى - نەسيە راسىمدەۋدە قيىندىققا تاپ بولعان جاندار. بۇل پارتيانىڭ وڭتۇستىك قازاقستان وبلىستىق فيليالىنداعى قىزمەتكەرلەردىڭ ارالاسۋىمەن  جۇزەگە استى. ايزادا تورەبەكقىزى اڭگىمەلەيدى. 

وسىدان ەكى ايداي بۇرىن بۇل جەردەن ءوتۋ مۇمكىن بولماعان. جەرگىلىكتى ەمحاناعا كەلۋشىلەر كولىگىن بەي-بەرەكەت قالدىرىپ كەتكەندىكتەن، جۇك كولىكتەرىنە قىزمەت كورسەتەتىن ورتالىقتاعىلاردىڭ كىرىپ-شىعۋ قيىنعا سوققان. تار جولدا كولىك كەپتەلىسى ءجيى ورىن الاتىن. «نۇر وتان» پارتياسىنىڭ كومەگىمەن قيىندىق ارتتا قالدى،- دەيدى سەرىكتەستىك ديرەكتورى. 

مامىت ءالىموۆ، كاسىپكەر: 

«نۇر وتان» پارتياسىنا حات جازىپ، سولارعا ايتقان ەدىك، ولار  ەكى اپتانىڭ ىشىندە وسى جۇمىستى شەشىپ، بىزگە وسى جەرگە كەرەكتى بەلگىلەرىن قويىپ، «ماشينا قويۋعا بولمايدى» دەگەن، سونىڭ ءبارىن شەشىپ بەردى. سونى ءبىز وسى ءبىزدىڭ «كاماز ەۆروسەرۆيس» فيرماسىنىڭ اتىنان ءوزىمىزدىڭ ۇلكەن ريزاشىلىعىمىزدى ايتپاقشىمىز. ۇلكەن راحمەت. 

بيلىك پارتياسى ارالاسقان سوڭ ماسەلەسى وڭ شەشىلگەندەردىڭ ءبىرى  - ۇسەنحان ورازباي. ىسكەر ازامات التى گەكتار جەرگە جەمىس اعاشتارىن وتىرعىزعان. ايتۋىنشا، شىمكەنتتىڭ جاڭا باس جوسپارىنا سايكەس قالاعا قوسىلعان التىنتوبە اۋىلىنداعى جەرىنىڭ قۇجاتتارىن قايتا راسىمدەۋ كەزىندە قيىندىقتار تۋىنداپتى. كاسىپكەر «نۇر وتاننىڭ» قوعامدىق قابىلداۋىنان سوڭ كوڭىلى جايلانعانىن ايتادى. 

ۇسەنحان ورازباي، كاسىپكەر: 

مەملەكەتتىك اكت الا الماي التى اي جۇگىرگەن ەدىم، «نۇر وتان» پارتياسى ون كۇندە شەشىپ بەردى. «نۇر وتان» ارالاسسا، شەشىلمەيتىن ماسەلە جوق ەكەن. «نۇر وتاندى» بۇرىننان دا بىلەتىنمىن، «نۇر وتانعا» سەنىمىم مول. قۇداي قالاسا، سول «نۇر وتاننىڭ» مۇشەسى بولۋعا مەن دە دايىنمىن. 

«نۇر وتان» پارتياسى وكىلدەرىنە ريزاشىلىعىن  ءبىلدىرۋ ءۇشىن كاسىپكەر پارتياعا ارنايى كەلدى. ايتا كەتەيىك، وتكەن ون ايدا 5 331 ادام پارتيانىڭ قوعامدىق قابىلداۋىندا بولدى. ولاردىڭ دەنى الەۋمەتتىك ماسەلەلەر بويىنشا كومەك سۇراي كەلگەن. 

بەرىك وسپانوۆ، «نۇر وتان» پارتياسى وڭتۇستىك قازاقستان وبلىستىق فيليالى توراعاسىنىڭ ءبىرىنشى ورىنباسارى: 

كەلگەن ادامداردىڭ 33 پايىزى ناقتى وزدەرىنىڭ ماسەلەسىن شەشتى. وسى كۇنگە دەيىن تولىق وڭ شەشىمىن تاۋىپ، قارالعان. قالعان ماسەلەلەر كوبىنەسە تۇسىنىكتەمە بەرۋمەن قارالعان. قوسىمشا قازىر ەلۋگە جۋىق قارالۋدا. ياعني ءالى مەرزىمدەرى كەلمەگەن. ءبىز ءتيىستى سۇرانىستى وسىعان بايلانىستى ءتيىستى قۇزىرلى ورىندارعا جىبەردىك جانە ءوزىمىز قاراپ جاتىرمىز. سوندىقتان جاقىن ارادا ول ماسەلەلەر دە وڭ شەشىمىن تابادى دەپ مەن ويلايمىن. 

ايتا كەتەيىك، بيلىك پارتياسىنىڭ وكىلدەرى حالىققا ەتەنە جاقىنداپ، قويان قولتىق جۇمىس ىستەۋ ءۇشىن، وزگە دە جاڭاشىلدىقتارعا دەن قويدى. ياعني ەندى ازاماتتار ۇيىنەن شىقپاي-اق، ءوز شاعىمىن بيلىككە جەتكىزە الادى. ول ءۇشىن «جەدەل جەلى» جانە ۆاتتساپ جەلىلەرى ىسكە قوسىلعان.  

ايزادا تورەبەكقىزى