تۇركىستان قالاسىندا قازاقستان رەسپۋبليكاسىنىڭ تۇڭعىش پرەزيدەنت كۇنىنىڭ قارساڭىندا وراي ارنايى اپتالىق جاريالانىپ، داتالى مەرەكە كەڭىنەن اتالىپ ءوتتى. بۇعان دەيىن حابارلاعانىمىزداي اپتالىقتىڭ العاشقى كۇنىندە ەلباسىنىڭ كۋرستاسى، تۇركىستان قالاسىنىڭ تۇرعىنى، قۇرمەتتى زەينەتكەر اسەتۋللا كاريموۆ قالا جاستارىمەن كەزدەسىپ، مەملەكەت باسشىسىمەن بىرگە وتكىزگەن جاستىق شاعىنداعى قىزىقتى وقيعالارىمەن ءبولىستى. 
بۇدان كەينگى مەرەكەلىك شارا قايىرىمدىلىق ىستەرمەن جالعاستى. اتاپ ايتقاندا، قالا باسشىلىعىنىڭ باستاماسىمەن وڭىردەگى مەكتەپ جاسىنداعى 150 بالا بىرجولعى الەۋمەتتىك قولداۋعا يە بولدى. سول سەكىلدى جاس بالۋاندار اراسىندا تۇڭعىش پرەزيدەنت كۇنىنە وراي سامبودان وبلىس بىرىنشىلىگىنىڭ جالاۋى كوتەرىلدى. ال، قالا زيالىلارىنىڭ باسقوسۋىمەن وتكەن مەرەيلى مەرەكەنىڭ رەسمي شاراسى شاھارداعى سازدى-دراما تەاترىندا باستاۋ الىپ، ەلباسى ن.ءا.نازارباەۆتىڭ ەل تىزگىنىن ۇستاعان ساتتەن بۇگىنگى كۇنگە دەيىنگى قاجىرلى ەڭبەگىن قويىلىم ارقىلى سۋرەتتەگەن تەاتر ارتىستەرى كوپشىلىككە تەرەڭ وي سالدى. وسىلايشا قالا اكىمى ءا.وسەرباەۆ جانە قالالىق ءماسليحات حاتشىسى ع.سارسەنباەۆ بارشا تۇركىستاندىقتارعا مەرەكەلىك قۇتتىقتاۋىن جەتكىزىپ، بۇل كۇننىڭ ماڭىزدىلىعىن تاعى ءبىر ايشىقتاي ءتۇستى.

وسىنداي يگىلىكتى ىستەرمەن باستاۋ العان تۇڭعىش پرەزيدەنت كۇنىنىڭ قۇرمەتىنە وڭتۇستىكتىڭ تۇلەگى، ەسىمى ەلگە بەلگىلى، قر مادەنيەت قايراتكەرى سۋرەتشى-گرافيك باتۋحان بايمەننىڭ شىعارماشىلىق كورمەسى ۇيىمداستىرىلدى. كورمەگە جينالعاندار باتۋحان ابدىكەرىمۇلىنىڭ ەڭبەگىن جوعارى باعالاپ، ۇلكەن قولداۋ ءبىلدىردى. 
سونىمەن بىرگە، مەرەكە قارساڭىندا تۇركىستاندىق بولاشاق ساربازدار اسكەر قاتارىنا اتتاندى. وتان الدىنداعى بورىشىن وتەۋگە بەل بايلاعان قاسيەتتى ءوڭىر جاستارىنا قالا اكىمى مەن ءماسليحات حاتشىسى ءسات-ساپار تىلەپ، وتان الدىنداعى بورىشتارىن ابىرويمەن وتەپ قايتۋلارىنا تىلەكتەستىكتەرىن جەتكىزدى.