شىمكەنت قالاسىنىڭ اكىمى عابيدوللا ءابدىراxىموۆ شاھارعا قوسىلعان ەلدى مەكەندەردىڭ تۇرعىندارىمەن كەزدەسىپ، پىكىرلەستى. اۋەلى، جۇمىس ساپارىمەن اباي اۋدانىنا قوسىلعان «قىزىلجار» شاعىناۋدانىنداعى حالىققا قىزمەت كورسەتۋ ورتالىعىنىڭ (تسون) قايتا قۇرۋ جۇمىستارىمەن تانىستى. ايتا كەتەرلىگى، مۇنان بۇرىن تويxانا رەتىندە پايدالانىلىپ كەلگەن عيمارات ەندى 118 000 تۇرعىنى بار ەلدى مەكەن xالقىنىڭ قۇجات راسىمدەۋى ءۇشىن قىزمەت ەتەدى.

قالا  اكىمى شىمكەنتتىڭ ىرگەسىندەگى «قىزىلجار» ەلدى مەكەنىنە قاراستى قۇس فابريكاسىنىڭ قاراۋسىز قالعان كارىز جۇيەسىنىڭ ماسەلەسىمەن تانىسىپ، ەكولوگيالىق زارداپتى ءوز قاداعالاۋىنا الاتىندىعىن ايتتى. شىمكەنت قالاسىنا قوسىلعان ەلدى مەكەندەردەگى تۇرعىن ءۇي ماسەلەسى وڭتايلى شەشىمىن تابۋدا. اتاپ ايتار بولساق، مۇندا جاڭا تۇرعىزىلعان ۇيلەردەن بولەك ەلدى مەكەندەردەگى ەسكى تۇرعىن ۇيلەر دە زامان تالابىنا ساي جاڭعىرتىلۋدا. قالا باسشىسىنا العىس ايتقان قىزىلجارلىقتار «مەملەكەت تاراپىنان كورسەتىلگەن كومەكتىڭ ارقاسىندا باسپانامىز جاڭارىپ جاتىر»، – دەپ اعىنان جارىلدى.

اباي اۋدانىنا جاڭادان قوسىلعان جاڭاتالاپ ەلدى مەكەنىندەگى حالىقپەن كەزدەسكەن قالا اكىمى تۇرعىنداردىڭ تالاپ-تىلەكتەرىن تىڭداپ، اۋدان əكىمدىگىنە كوتەرىلگەن مəسەلەلەردى تەز ارادا شەشۋگە تاپسىرما بەردى. كەزدەسۋدە جەر تەلىمدەرىنە قاتىستى ماسەلە دە كوتەرىلدى. مىسالى، وزبەكستاننان كەلگەن قانداستار اتىنان ءسوز العان ءابدىراشيت پاشاەۆ شاھار باسشىسى عابيدوللا ابدىراحىموۆقا العىسىن ايتا كەلە، «اتامەكەنگە ورالعان قانداستارىمىزدىڭ ەلگە ورالۋىنا ەلباسى باستى نازار اۋدارىپ، قامقورلىق تانىتۋدا. وسىدان بىرنەشە جىل بۇرىن وسىندا كەلىپ، ءۇي سالعان بولاتىنبىز. كەيىننەن جولعا تۋرا كەلەتىندىكتەن ءۇيدى سىرىپ تاستايمىز دەپ جاتىر»، – دەپ كوكەيىندە جۇرگەن سۇراقتارىن قويدى.

ءوز كەزەگىندە قالا باسشىسى: ء«بىز بۇرىننان سالىنىپ قويعان تۇرعىن ۇيلەردى بۇزبايمىز. ولاي ىستەۋ قاراشا حالىقتىڭ مۇددەسىنە قيانات جاساۋ. ءبىز مۇمكىندىگىنشە سولاردى زاڭداستىرۋعا تىرىسۋدامىز. سəل سابىر ساقتاپ، بىزگە دە جۇمىس ىستەۋگە مۇمكىندىك بەرىڭىزدەر. قازىر استاناعا وسى ماسەلە بويىنشا زاڭعا وزگەرىس ەنگىزۋ مəسەلەسىن قاراۋ تۋرالى ارنايى ۇسىنىس حات جىبەردىك»، – دەدى.

كەزدەسۋلەردە كوتەرىلگەن ماسەلەلەردى قورىتىندىلاعان شاھار باسشىسى: «شىمكەنت قالاسىنا قانشاما ەلدى مەكەندەر قوسىلدى. بۇل ماسەلە بۇگىن عانا تۋىنداعان ەمەس. سوندىقتان، مۇنىڭ بارلىعى ءبىر كۇندە شەشىلىپ كەتپەيدى. مەن قالاعا جاڭا قوسىلعان ەلدى مەكەندەردى ارالاپ تۇرعىنداردى تولعاندىرعان ماسەلەلەرمەن تانىسىپ كەلەمىن. بار كۇش جىگەرىممەن xالىققا قىزمەت ەتۋگە ءازىرمىن. سوندىقتان سىزدەردەن سابىرلى بولۋدى سۇرايمىن»، – دەپ حالىقتى بىرلىككە ۇندەپ، ءۇشىنشى قالانى بىرگە كوركەيتۋگە شاقىردى.

Abai.kz