ەلۋ ميلليوندىق اۋديتوريانى جاۋلاپ الۋ ءۇشىن راديوعا 38, تەلەارناعا 13 جىل قاجەت بولسا، عالامتور اتالعان مەجەنى ءتورت-اق ساعاتتا باعىندىرادى ەكەن. ءبىز بولساق، بالاقايلارىمىزدىڭ ءتورت-اق ساعاتتا دۇنيەنى دۇربەلەڭگە سالىپ، استى-ۇستىنە تۇسىرەتىن سول عالامتوردى يگەرگەنىنە ءمازبىز. ولار ورمەكشىنىڭ تورىنداي شىرمالعان ينتەرنەتتەن نەنى تاماشالاپ، نەنى كورىپ ءجۇر؟ وسى سۇراققا جاۋاپ ىزدەيمىن دەپ، جاعا ۇستاتارلىق جاعداياتقا تاپ بولدىم...

بيىل بالامنىڭ جاسى ون بەسكە تولادى. «ون ۇشتە – وتاۋ يەسى» دەسەك تە، ول مەن ءۇشىن، ءبىزدىڭ قوعامىمىز ءۇشىن اۋزىنان ۋىز ءدامى كەپپەگەن ءسابي ەمەس پە؟. سول ءسابيىم «ۆكونتاكتىدە» وتىرىپ الىپ، تىر-جالاڭاش قىزداردىڭ مۇسىنىنە كوز سۋارىپ، پورنوگرافيالىق ۆيدەولار تاماشالايدى-مىس.

كۇندە كەشكىسىن ۇيگە كەلگەندە كومپيۋتەردىڭ الدىنا، ياكي تەلەفونىنا تەلمىرىپ وتىرعانىن كورەمىن. «وسىنى تۇساۋلاعان اتتاي كىبىرتىكتەتىپ، ينتەرنەتكە بايلاپ تاستاعان نە كۇش ەكەن؟» دەگەن ويمەن ەكى-ءۇش رەت تەكسەرىپ ەدىم، اناۋ ايتقانداي «قىلمىسىن» بايقاي قويمادىم. تەك وتكەندە ۇيدە جۇمىس ىستەمەك بولىپ، كومپيۋتەردە ۇزاقتاۋ وتىرىپ قالدىم. بالانىڭ ۆك-سى قوسۋلى قالىپتى. تىق-تىق ەتىپ، حابارلامالار بىرىنەن كەيىن ءبىرى كەلىپ جاتىر. بىرەۋگە كەلگەن حاتتى وقۋعا بولمايدى، ارينە... بۇل بىرەۋ ەمەس، ءوز بالام بولعاندىقتان حاتتاردى شەتىنەن باستاپ وقي باستادىم. ءبىر مەزەت، جارتىلاي جالاڭاش ءبىر قىزدان «مىناعان تىركەلۋىڭدى سۇرايمىن» دەگەن حابارلاما جەتتى. ونىسى – بىرلەستىك ەكەن. سول بىرلەستىكتى اشىپ قالىپ ەدىم، كوز ۇيالارلىق سۋرەتتەر جارق ەتە ءتۇستى.

وسىلايشا «قىلمىستىڭ» ۇستىنەن شىققان مەن دەرەۋ بالامنىڭ جازىلعان بىرلەستىكتەرىن قاراي باستادىم. جۇزدەن اسا بىرلەستىكتىڭ تورتەۋى پورنوگرافيالىق مازمۇندا ەكەن. سوسىن، «بۇزىلعان» مەنىڭ بالام عانا ما ەكەن؟» دەپ دوستارىنىڭ پاراقشالارىن اقتاردىم. ۇلداردىكى ءوز الدىنا، قىزدار دا «ساۋ سيىردىڭ ب...ى» بولماي شىقتى. ونشاقتى قىز بەن بالانىڭ پاراقشاسىن اقتارعاندا تومەندە كورسەتىلگەن پورنوگرافيانى ناسيحاتتايتىن، تەك توسەكتىڭ اڭگىمەسىن ايتاتىن 25 بىرلەستىك بەلگىلى بولدى. قاراڭىز:

1. «بالالار ۇيىقتاسىن» – 2893 جازىلۋشى: https://vk.com/balalar18
2. قۇپيا رەتىندە – 1572 جازىلۋشى: https://vk.com/kazsex1
3. ءلاززات الۋ – 1434 جازىلۋشى: https://vk.com/public90300429
4. KZ xxx – 574 جازىلۋشى: https://vk.com/public104244533
5. Kyzdariki + 18 – 441 جازىلۋشى: https://vk.com/kyzdariki55555
6. تۇنگى اڭگىمەلەسۋ + 18 – 736 جازىلۋشى: https://vk.com/public99362832
7. جاسىرىن جازبالار – 2280 جازىلۋشى: https://vk.com/jazbalar18
8. ۇياتسىز اڭگىمە جانە فوتو – 3179 جازىلۋشى: https://vk.com/public91683530
9. ەكەۋدىڭ قۇپياسى +18 – 2974 جازىلۋشى: https://vk.com/ekeudinkupiyasy
10. ەكەۋدىڭ قۇپياسى +18 – 1132 جازىلۋشى: https://vk.com/public82937739
11. جىنىستىق ساۋات – 447 جازىلۋشى: https://vk.com/public96781683
12. جىنىستىق ساۋات – 23 057 جازىلۋشى: https://vk.com/urpak_kamy
13. شەكاراسىز سەكس – 1059 جازىلۋشى: https://vk.com/shekarasyzsex
14. ۇلكەن ەمشەكتەر تەك عانا قازاقستان – 1803 جازىلۋشى: https://vk.com/public99473875
15. قۇپيا اڭگىمەلەر +18 – 6823 جازىلۋشى: https://vk.com/kupiya18
16. قازاقشا سەكس اڭگىمەلەر – 1131 جازىلۋشى: https://vk.com/public94219044
17. اشىق سىرلاسۋ – 4232 جازىلۋشى: https://vk.com/awiksyrlasu
18. تۇنگى اڭگىمەلەر – 659 جازىلۋشى: https://vk.com/public97976903
19. اقتاۋ پورنو – 1135 جازىلۋشى: https://vk.com/aktau_porno
20. كەل تارتىل س..... – 6768 جازىلۋشى: https://vk.com/public93622993
21. الماتى سەكس+18 – 575 جازىلۋشى: https://vk.com/public99798194
22. تۇنگى چات اشىق – 536 جازىلۋشى: https://vk.com/gruppaaliya
23. تولكو قىزدار +18 – 920 جازىلۋشى: https://vk.com/public82432670
24. تۇنگى ماحاببات چات – 792 جازىلۋشى: https://vk.com/public100655242
25. مەن سەنى قالايمىن – 9964 جازىلۋشى: https://vk.com/kalaimyn

بۇل بەلگىلى بولعاندارى عانا... (بۇلار - قازاق ءتىلدى بىرلەستىكتەر... ورىس تىلدىلەر بۇدان دا كوپ بولۋى ءتيىس) بەلگىسىزدەرى قانشاما ەكەنىن ءوزىڭىز باعامداي بەرىڭىز...

وسى قىلمىستان كەيىن بالامنىڭ تاربيەسىن شىنداپ قولعا الۋعا كىرىستىم. ونىڭ ءار مينۋتىن ەسەپكە الىپ، عالامتورعا دا رۇقساتپەن، باقىلاۋمەن كىرگىزەتىن بولدىم. بىراق، مەنى باسقا وي مازالاي باستادى. «مەن ءوز بالامدى پورنوگرافيالىق شابۋىلداردان (ينتەرنەتتىڭ قۇلاعىندا وينايتىن اتا-انا بولعاندىقتان) قورعارمىن. وزگەلەر قايتپەك؟. وزگە اتا-انالار «بوپاقاندارىنىڭ» نە ىستەپ، نە كورىپ، نەمەن سۋسىنداپ جۇرگەنىن بىلە مە؟. مۇعالىمدەر شە؟. ءبىلىم جانە عىلىم مينيسترلىگىنىڭ، ەلىمىزدىڭ باس ۇستازى ءسارىنجىپوۆتىڭ بۇدان حابارى بار ما؟»...

وسىدان ەكى-ءۇش جىل بۇرىن قازاقستان پارلامەنتى سەناتى «پورنوگرافيالىق باسىلىمدار اينالىمىنىڭ جانە ولاردى ساۋدالاۋدىڭ جولىن كەسۋ تۋرالى حالىقارالىق كونۆەنتسيانى راتيفيكاتسيالاۋ تۋرالى» زاڭدى قابىلداعان ەدى. ول قۇجاتتا "قازاقستاندا پورنوگرافيالىق سيپاتتاعى ماتەريالداردى تاراتۋ، كوپشىلىككە كورسەتۋ ماقساتىندا دايىنداۋ نەمەسە ساقتاۋ، جەكە ءوزى نەمەسە باسقا ادام ارقىلى اينالىسقا شىعارۋ، بيزنەس جاساۋ جانە ساتۋ ماقساتىندا جارنامالاۋ - قىلمىس" ەكەنى ايتىلعان. 

سوندا ءبىزدىڭ قۇزىرەتتى ورگاندار قازاقتىڭ جاسوسپىرىمدەرىن كوگەندەۋلى قوزىداي ءيىرىپ وتىرعان "ۆكونتاكتە" الەۋمەتتىك جەلىسىنە سۇزگى جاساماي ما؟ جوق، الدە جوعارىداعى بىرلەستىكتەر «پورنوگرافيالىق سيپاتتاعى ماتەريالداردى تاراتۋ، كوپشىلىككە كورسەتۋ ماقساتىندا جۇمىس جاساپ جاتقان» جوق پا ەكەن؟ بالالارىمىزدىڭ پسيحولوگياسىن، رۋحاني بولمىسىن ۋلاپ، بۇزىپ جاتقان بۇل بىرلەستىكتەردىڭ تىزگىنىن تارتۋ، جويۋ سولاردىڭ مىندەتى ەمەس پە؟ الدە بۇل «بىرلدەستىكتەر ون سەگىزگە تولعاندار ءۇشىن ارنالعان» دەپ، قاۋىپتىڭ بەتىن الماي وتىرا بەرەمىز بە؟ بۇل – ءبىرىنشى ماسەلە...

ەكىنشى ماسەلە... دەنساۋلىق ساقتاۋ مينيسترلىگىنىڭ مالىمەتىنشە، جىلىنا 15-18 جاس ارالىعىنداعى 5 مىڭعا جۋىق قىزىمىز تۇسىك جاساتادى-مىس (بەيرەسمي دەرەكتەردى ويشا ويلاۋدىڭ ءوزى قورقىنىشتى). مىنانداي بىرلەستىكتەرگە تىركەلگەن قىزدارىمىزدان باسقا نە كۇتۋگە بولادى؟... بالا كورگەنىن جاساماي ما؟

ءۇشىنشى ماسەلە... ءبىلىم مينيسترلىگى وقۋشىلاردى پورنوگرافيالىق ونىمدەردەن قورعاۋ ماقساتىندا نەندەي شارالاردى جۇزەگە اسىرۋدا؟ ەلىمىزدە قانشا وقۋشى "ۆكونتاكتە" الەۋمەتتىك جەلىسىنە تىركەلگەن؟ولاردىڭ قانشاسى پورنوگرافيالىق بىرلەستىكتەرگە «ۇرلانىپ» كىرىپ ءجۇر؟

ءتورتىنشى ماسەلە... 2009 جىلى قابىلدانعان ينتەرنەتتى رەتتەۋ تۋرالى زاڭعا سۇيەنە وتىرىپ، قۇزىرەتتى ورگاندار پورنوسايتتاردى جاۋىپ كەلەدى. سولار نەگە وسى ۋاقىتقا دەيىن "ۆكونتاكتە" الەۋمەتتىك جەلىسىندەگى مىنا بىرلەستىكتەردى كورمەگەن؟

بەسىنشى ماسەلە... الەمدە ونلاين پورنوگرافياعا راديكالدى تۇردە تىيىم سالۋ پراكتيكاسى ساۋد ارابياسى، يران سياقتى مۇسىلمان ەلدەرىندە قولدانىلادى. بالكىم بىزگە دە وسى جولعا ءتۇسۋ كەرەك شىعار...

ءتۇيىن

پەدوفيلدەر قايدان شىعادى؟ جىنىستىق زورلىق-زومبىلىق وقيعالارىن ازايتۋ ءۇشىن قازىردەن باستاپ ويلانۋىمىز قاجەت. بۇل ورايدا تاياقتىڭ ەكىنشى ۇشى اتا-انالارعا كەلىپ تيەتىنىن ۇمىتپاعانىمىز ءجون. بالاڭىز "ۆكونتاكتىدە" نە ىستەپ وتىر؟ بۇگىننەن قالدىرماي تەكسەرىپ كورىڭىزشى...

سوسىن... سوسىن جوعارىداعى بىرلەستىكتەردى ءسىز بولىپ، ءبىز بولىپ تىزگىندەۋدى قولعا الايىق...

ءشارىپحان قايسار

Abai.kz