جۇما, 29 ناۋرىز 2024
بيلىك 4883 0 پىكىر 18 قاراشا, 2015 ساعات 11:34

وقو: اۋىلشارۋاشىلىعى كورمەسى وتەدى

وڭتۇستىك قازاقستان وبلىسىنىڭ اكىمدىگى 2015 جىلدىڭ 25-26 قاراشاسىندا 1-وڭتۇستىك قازاقستان وبلىستىق AgroProm Shymkent 2015 تاماق ونەركاسىبى جانە اۋىل شارۋاشىلىعى حالىقارالىق كورمەسىن وتكىزەدى، - دەپ حابارلايدى "وڭتۇستىك قازاقستان" گازەتى.

AgroProm Shymkent 2015 كورمەسى قازاقستان رەسپۋبليكاسى اۋىل شارۋاشىلىعى مينيسترلىگىنىڭ، وقو «اتامەكەن» كاسىپكەرلەر پالاتاسىنىڭ، قازاقستان فەرمەرلەرى مەن قۇس وسىرۋشىلەر وداعىنىڭ بەلسەندى قولداۋىمەن ۇيىمداستىرىلدى.

جوبانىڭ ماقساتى شەتەلدىك ينۆەستيتسيالاردى تىكەلەي تارتۋ، رەسپۋبليكا كاسىپورىندارىنىڭ ەكسپورتتىق الەۋەتىن كەڭەيتۋ، وتاندىق كاسىپكەرلەردىڭ شەتەلدىك ارىپتەستەرمەن ىسكەرلىك قارىم-قاتىناستارىن ورناتۋ جانە ۇلعايتۋ جانە وتاندىق تاعام ونەركاسىبىنىڭ ەكونوميكالىق دامۋىنا قابىلەتتەندىرۋ بولىپ تابىلادى.

وڭتۇستىك قازاقستان وبلىسىنىڭ اكىمدىگى قاتىسۋشىلارعا كورمەدەگى جابدىقتالعان 9 ش.م. الاڭدى تەگىن ۇسىنادى.

كورمەنىڭ نەگىزگى بولىمدەرى: AGRO – اۋىل شارۋاشىلىق تەحنيكاسى جانە جابدىعى، جىلىجايلار، مال شارۋاشىلىعى، قۇس شارۋاشىلىعى، باعبانشىلىق; FOOD – ازىق-تۇلىك، سۋسىندار، جابدىق جانە قاپتاما جانەHORECA – اس ءۇي جانە ساۋدا جابدىعى جانە ساۋدانى اۆتوماتتاندىرۋ.

AgroProm Shymkent كورمەسىن وتكىزۋگە ورىن كەزدەيسوق تاڭدالعان جوق: وڭتۇستىك قازاقستان وبلىسى رەسپۋبليكادا اۋىل شارۋاشىلىعى وسىمدىكتەرىنىڭ ۇلەستىك ءونىمىنىڭ كولەمى بويىنشا كوشباسشى ورىندى الىپ وتىر. رەسپۋبليكا ءوندىرىسىنىڭ جالپى كولەمىندە وڭتۇستىك قازاقستان وبلىسىنىڭ ۇلەسىنە ماقتانىڭ 100% ءوندىرىسى، 71% ءجۇزىم، 66% باقشا داقىلدارى، 51% ماقسىر، 42% جەمىستەر مەن 25% كوكونىس كەلىپ وتىر.

وسىعان بايلانىستى، ازىق-تۇلىكتىڭ نەگىزگى ونىمدەرىن ءوندىرۋ، سۇرانىس پەن ۇسىنىس ارتىپ وتىر. سوڭعى 3 جىل ىشىندە ەت جانە ەت ونىمدەرىن ءوندىرۋ – 14,8%، ءسۇت ونىمدەرى – 13,9%، نان جانە ۇن ونىمدەرى – 13,4% ، سۋسىندار – 26,8 %-عا ارتتى. ايماق ازىق-تۇلىك ونىمدەرىن ءوندىرۋدى دامىتۋدىڭ جوعارى دەڭگەيىن كورسەتتى. ازىق-تۇلىك جانە سۋسىنداردى ءوندىرۋدىڭ رەسپۋبليكالىق ءوندىرىسى بويىنشا ايماقتىڭ ۇلەسىنە 12,7% -دان كەلىپ وتىر.

اۋىل شارۋاشىلىعى جنە سايكەس سەكتورلاردىڭ دامۋ بولاشاعىنا بايلانىستى ايماقتا جانە ونىمەن شەكتەسىپ ورنالاسقان وزبەكستان جانە قىرعىزستان ارقىلى AgroProm Shymkent كورمەسى وبلىستىڭ ەكونوميكالىق دامۋىنىڭ جىل سايىنعى ءماندى وقيعاسى بولادى.

كورمەگە قاتىسۋعا قازاقستاندىق جانە شەتەلدىك كاسىپورىندار – اگروونەركاسىپ كەشەنىنە ارنالعان جابدىقتاردى وندىرۋشىلەر مەن جەتكىزۋشىلەر; مال شارۋاشىلىعى ونىمدەرىن وندىرۋشىلەر، ازىق-تۇلىك جانە سۋسىنداردى وندىرۋشىلەر; ساۋدا جابدىعىن، ىدىس پەن قاپتاما وندىرۋشىلەر شاقىرىلادى.

كورمەگە قاتىسۋ جانە ارىپتەستىك تۋرالى قوسىمشا اقپارات الۋ ءۇشىن مىنا تەلەفوندارعا حابارلاسۋعا بولادى: 8 (727) 2583434, 2583447; e-mail:alena@iteca.kzraushan.massimova@iteca.kz.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3607