بۇگىن استانا قالاسىندا رەسەي فەدەرالدى قاۋىپسىزدىك قىزمەتى ديرەكتورىنىڭ ءبىرىنشى ورىنباسارى – شەكارا قىزمەتىنىڭ باسشىسى، ارميا گەنەرالى ۆلاديمير كۋليشوۆتىڭ توراعالىق ەتۋىمەن وتكەن تمد-عا مۇشە ەلدەردىڭ شەكارا اسكەرلەرى قولباسشىلارى كەڭەسىنىڭ كەزەكتى 74-ءماجىلىسى ءوز جۇمىسىن اياقتادى، – دەپ حابارلايدى قر ۇقك شق ءباسپاسوز قىزمەتى.

ءماجىلىستى قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ توراعاسى نۇرتاي ابىقاەۆ اشتى. توراعا ءوز سوزىندە تمد-عا مۇشە ەلدەردىڭ سىرتقى شەكاراسىندا قالىپتاسىپ وتىرعان جاعداي شەكارالىق قاۋىپسىزدىككە ءتونۋى مۇمكىن قاۋىپ-قاتەرلەرگە بىرلەسىپ قارسى تۇرۋ ءۇشىن كۇش جۇمىلدىرۋدى تالاپ ەتەتىندىگىن اتاپ ءوتتى.

– بۇگىنگى كۇنى ترانسشەكارالىق سيپاتتا بەلەڭ الىپ وتىرعان قۇقىق بۇزۋشىلىق ءىس-ارەكەتەردىڭ ناقتى دەرەكتەرى مەن ورىنداۋشىلارىنىڭ تاراپىنا اسكەري جانە وپەراتيۆتى-ىزدەستىرۋ شارالارىن ءوزارا بىرلەسىپ   جۇزەگە اسىرۋ بويىنشا قارىم-قاتىناستى بارىنشا تىعىزداندىرۋ قاجەتتىلىگى كۇن ساناپ ارتىپ وتىر،  –  دەدى كوميتەت باسشىسى.  – بۇنداي جاعدايلاردا ىنتىماقتاستىق جونىندەگى ءبىزدىڭ ۇستانىمىمىز تۇراقتى، كەز-كەلگەن دەڭگەيدەگى كونسترۋكتيۆتى قارىم-قاتىناسقا ءبىز ءاردايىم دايىنبىز. 

ءماجىلىستىڭ جۇمىسىنا دوستاستىق ەلدەرى شەكارالىق مەكەمەلەر باسشىلارىنىڭ جانە شەكارا اسكەرلەرى قولباسشىلارى كەڭەسى ۇيلەستىرۋ قىزمەتىنىڭ 9 دەلەگاتسياسى، سونداي-اق، تمد-نىڭ ءوزارا ارەكەتتەس ورگاندارىنىڭ جانە حالىقارالىق ۇيىمداردىڭ وكىلدەرى قاتىستى.

شەكارا مەكەمەلەرىنىڭ باسشىلارى كۇن تارتىبىنە 12 سۇراق شىعارىپ، سولاردىڭ ارقايسىسى بويىنشا ءتيىستى شەشىمدەر قابىلدادى.

ماجىلىسكە قاتىسۋشىلار كەڭ فورماتتا وتكەن جىل بويىنشا تمد-عا مۇشە ەلدەردىڭ سىرتقى شەكارالارىنداعى شەكارالىق قاۋىپسىزدىككە تونگەن قاۋىپ-قاتەرلەر مەن ونىڭ ىقتيمالدى دامۋ بەتالىسىن تالداپ، قولباسشىلار كەڭەسى جۇمىسىنىڭ 2015 جىل بويىنشا قورىتىندىسىن شىعاردى، سونداي-اق، قالىپتاسقان جاعدايدىڭ جاڭا ەلەمەنتتەرىن ەسكەرە وتىرىپ، ءوزارا بىرلەسكەن ءىس-قيمىلداردىڭ باسىم باعىتتارىن ايقىندادى.

كەڭەس مۇشەلەرى ۇلى وتان سوعىسىنداعى جەڭىستىڭ 70 جىلدىعىن مەرەكەلەۋ بويىنشا نەگىزگى ءىس-شارالار جوسپارىنىڭ ورىندالۋى تۋرالى; قىلمىسپەن ءوزارا بىرلەسىپ كۇرەسۋ شارالارىنىڭ 2014-2018 جىلدارعا ارنالعان; تمد-عا مۇشە ەلدەردىڭ ەسىرتكى جانە پسيحوتروپتىق زاتتاردىڭ، ولاردىڭ شيكىزاتتارىنىڭ زاڭسىز اينالىمىمەن كۇرەس، ەسىرتكى پايدالانۋشىلىققا توسقاۋىل قويۋ بويىنشا 2014-2018 جىلدارعا ارنالعان; لاڭكەستىكپەن جانە وزگە دە زورلىقشىل ەكسترەميزم بەلگىلەرىمەن كۇرەسبويىنشا 2014-2016 جىلدارعا ارنالعان; ادام ساۋداسىمەن كۇرەستىڭ 2014-2018 جىلدارعا ارنالعان; زاڭسىز ميگراتسياعا توسقاۋىل قويۋ بويىنشا 2015-2019 جىلدارعا ارنالعان مەملەكەتارالىق باعدارلامالارىنىڭ نەگىزگى ەرەجەلەرىن جۇزەگە اسىرۋداعى ءوزارا ىنتىماقتاستىق جونىندەگى اقپاراتتى جوعارى باعالادى.

ءماجىلىس بارىسىندا، وعان قاتىسۋشىلاردىڭ نازارىن ەرەكشە اۋدارعان ماسەلەلەردىڭ ءبىرى –  «تمد-عا مۇشە ەلدەردىڭ سىرتقى شەكارالارىندا تۋىنداۋى مۇمكىن داعدارىستى جاعدايلاردى تارقاتۋ بويىنشا ءوزارا كومەك كورسەتۋدە مەملەكەتتەردىڭ شەكارالىق جانە وزگە دە مەكەمەلەرىنىڭ بىرلەسكەن ءىس-قيمىلدارىن ۇيىمداستىرۋ ەرەجەلەرىن بەكىتۋ تۋرالى» مەملەكەتتەر باسشىلارىنىڭ شەشىمىن جۇزەگە اسىرۋ مەحانيزمدەرىن قاراستىرۋ بولدى.

ءوزارا ءتيىمدى سەرىكتەستىكتى نىعايتۋ ماقساتىندا، قولباسشىلار كەڭەسى ءماجىلىسىنىڭ بارىسىندا «تمد-عا مۇشە ەلدەردىڭ شەكارالىق سالاداعى باسشىلىق قۇرامىن دايىنداۋ، كاسىبي تۇرعىدا قايتا دايىنداۋ جانە كۆاليفيكاتسيالارىن كوتەرۋ بويىنشا» بازالىق ۇيىمىنىڭ ءىس-ارەكەتى تۋرالى حاتتاماعا قول قويىلدى.

ماجىلىستە قاراستىرىلعان وزگە دە سۇراقتاردىڭ قاتارىندا – قولباسشىلار كەڭەسىنىڭ جۇمىسىن جوسپارلاۋ، تمد-نىڭ شەكارالىق ماسەلەلەر بويىنشا نورماتيۆتىك قۇقىقتىق بازاسىن ينۆەنتاريزاتسيالاۋ، شەكارالىق قاۋىپسىزدىك سالاسىنداعى تالاپتاردىڭ بۇزىلۋى ءۇشىن جاۋاپكەرشىلىكتەردى رەتتەۋ بويىنشا قۇجاتتار جوبالارى جايلى ماسەلەلەر بولدى.

شەكارا اسكەرلەرى قولباسشىلارى كەڭەسى 74-ءماجىلىسىنىڭ قورىتىندىلارى بويىنشا بىرقاتار ماڭىزدى ماسەلەلەر شەشىمىن تاۋىپ، بىرلەسكەن شەشىمدەر قابىلداندى.

ۇيىمشىلدىقتىڭ جوعارى دەڭگەيىن، ءوزارا تۇسىنىستىك پەن دوستىقتىڭ كورىنىسىن پاش ەتكەن بۇل باسقوسۋ، تمد-عا مۇشە ەلدەردىڭ سىرتقى شەكاراسىن كۇزەتۋ جۇيەسىن جەتىلدىرۋدەگى تاعى ءبىر ماڭىزدى قادامعا اينالدى دەۋگە تولىق نەگىز بار.

تاۋەلسىز مەملەكەتتەر دوستاستىعى ەلدەرى شەكارا اسكەرلەرى قولباسشىلارى كەڭەسىنىڭ كەزەكتى 75-ءماجىلىسى 2016 جىلدىڭ ءبىرىنشى جارتىجىلدىعىندا تاشكەنت قالاسىندا وتكىزىلەدى دەپ جوسپارلاندى.

اباي-اقپارات