وزبەكستان ەلى ءۇندى سەريالدارىن كورسەتۋگە تىيىم سالدى. جاستارعا ارنالعان «ەشلار» ارناسىنان  «تەك سەن عانا مەنىڭ سۇيىكتىم» دەپ اتالاتىن سەريال ۇزاق ۋاقىت بويى كورسەتىلىپ، ءبىرىنشى ماۋسىم اياقتالا سالىسىمەن مەملەكەت ونى ودان ءارى قاراي جالعاستىرماۋعا شەشىم قابىلداعان.

نەگە؟ سەبەبى، ءفيلمنىڭ نەگىزگى يدەياسى «ۇلتتىق داستۇرگە، وزبەك حالقىنىڭ سالت-ساناسىنا قاراما قايشى» ەكەنىن انىقتاعان. وزبەكتەرگە كەڭ تانىلعان ءۇندى عاشىقتارى يشاني مەن رانۆەردىڭ اندەرى ۇيالى تەلەفوندارعا توعىز مىڭ رەت جۇكتەلىپتى. سەريالدىڭ قاتتى اسەر ەتكەنى سونشالىق، قىزدار قىنامەن دەنەلەرىنە ءۇندى ويۋلارىن سالىپ، تويلاردا فيلمنەن اندەر شىرقالىپ، حالىقتىڭ ساناسىن ۋلاي باستاعان. ەڭ قىزىعى جاڭا تۋعان نارەستەلەرگە جاپپاي كينونىڭ باستى كەيىپكەرى ء«يشانيدىڭ» ەسىمىڭ بەرىلۋى الا شاپاندى اعايىننىڭ نامىسىن قوزدىرىپ جىبەرسە كەرەك.

يا، كورشى اعايىن اۋرۋدى اسقىندىرماي، دەر كەزىندە الدىن الدى. قاراپ وتىرساق، بىزدە دە بولىپ جاتقان وسى جاعداي ەمەس پە؟ «قازاقستان» ۇلتتىق ارناسىندا «كەلىن» سەريالىنىڭ جالعاسىپ كەلە جاتقانىنا قانشا ۋاقىت بولدى؟! ءبىر كەزدەرى توقتاعان سياقتى ەدى، بەلگىسىز سەبەپتەرمەن قايتا جالعاستى. باسقا ارنالارىمىزدى دا ءۇندى سەريالدارى جاۋلاپ العانى قاشان!

ءبىزدىڭ ەلدە دە يۋتۋبتى اشساڭ قازاق بۇلدىرشىندەرىنىڭ «اناندي»، «يچا»، «مادحۋبالا» بولىپ، سولارعا ەلىكتەگەن كورىنىستەرىن كورەسىڭ. تويلاردا كەزىندەگى «بەتاشار» جىرلارىن ءۇندىنىڭ «اگايا، اگاياسى» الماستىردى. جاستاردىڭ ۇندىشە كيىم كيىپ، ورنەكتەرىن سالعىزىپ، بەت اۋىزدارىن ۇندىشە اشەكەيلەگەندىگىن كۇن سايىن كورىپ جاتىرمىز. ەڭ سوراقىسى «دەۆيچنيكتەردى» ءۇندى ستيلىندە وتكىزۋ سانگە اينالدى. حالىق الدىنا شىعىپ جۇرگەن كامشات جولدىباەۆا دەگەن ءانشىمىز «پيا پيا» دەپ ءۇندىنىڭ اۋەنىمەن ءان سالىپ، «ساريگە» ورانىپ بەينەكليپ ءتۇسىردى. وسىندايدا «وسكەلەڭ جاستار ءوز ءداستۇرىمىزدى ۇمىتىپ، «زومبيعا» اينالىپ بارا جاتقان جوقپىز با؟» دەگەن وي كەلەدى. وزبەك ەلى يدەولوگياداعى ءوز قاتەلىگىن ءتۇسىنىپ، «ۇندىلەنىپ» بارا جاتقان جاستارىن جات تاربيەدەن اراشالاپ الدى. ءبىزدى، جاستاردى كىم اراشالاپ الادى، اعايلار؟ 

نازەركە شاراپاددين

Abai.kz