بەيسەنبى, 29 اقپان 2024
بيلىك 3791 0 پىكىر 4 قاراشا, 2015 ساعات 03:00

وقو-دا تاۋەلسىزدىك كۇنىنە ارنالعان «وبلىستىڭ دامۋى فوتوگراف كوزىمەن» فوتوكونكۋرسى باستالدى

وقو-دا تاۋەلسىزدىك كۇنىنە ارنالعان «وبلىستىڭ دامۋى فوتوگراف كوزىمەن» فوتوكونكۋرسى باستالدى، - دەپ حابارلايدى اباي پورتالى. 

قازاقستان رەسپۋبليكاسىنىڭ تاۋەلسىزدىك كۇنىنە ارنالعان «وبلىستىڭ دامۋى فوتوگراف كوزىمەن» فوتوكونكۋرسىنىڭ

ەرەجەسى

1.    كونكۋرستى ۇيىمداستىرۋشى:
وڭتۇستىك قازاقستان وبلىسى ىشكى ساياسات جانە ءدىن ىستەرى باسقارماسى.

2.    جالپى ەرەجە:

كونكۋرسقا وبلىستىڭ ۇزدىك جانە اۋەسقوي فوتوگرافتارى قاتىسا الادى.

3.    كونكۋرس ماقساتى:

سۋرەت تىلىندە وبلىستىڭ الەۋمەتتىك-ەكونوميكالىق دامۋ سەرپىنىن، تۋريزم سالاسىنداعى جەتىستىكتەردى، كاسىپكەرلىك جانە تاۋەلسىزدىك العاننان بەرى وبلىس اكىمشىلىگىمەن ۇيىمداستىرىلعان ءىس-شارالار مەن    وبلىستىڭ ماڭىزدى وقيعالارىن كورسەتۋ.
سونىمەن قاتار، وبلىس تۇرعىندارىنىڭ شىعارماشىلىق الەۋەتىن ارتتىرۋ جانە تۇرعىنداردى وبلىستىڭ قوعامدىق ماڭىزدى وقيعالارىنا تارتۋ.

4. كونكۋرس 4 كەزەڭنەن تۇرادى:

-  كونكۋرس تاقىرىبىنا ساي ءوتىنىم جانە جۇمىستاردى قابىلداۋ;
-  كونكۋرسقا قاتىسۋشالىردىڭ ونەرلەرىنىڭ فوتو جارمەڭكەسى;
- قازىلار القالارىنىڭ كونكۋرستىق جۇمىستارىن قاراۋ جانە جۇلدەگەردى انىقتاۋ;
- سالتاناتتى ماراپاتتاۋ ءراسىمى.

5.    كونكۋرستىڭ جۇلدەگەرىن انىقتايدى: 

كاسىپقوي فوتوگرافتاردان قۇرالعان قازىلار القاسى، قوعامدىق ۇيىم وكىلدەرى جانە ۇيىمداستىرۋ القاسى.

6.  كونكۋرس جۇلدەگەرىن باعالاۋ ولشەمى:

- ۇسىنىلعان جۇمىستىڭ كونكۋرس  تاقىرىبىنا ساي بولۋى;
- ۇسىنىلعان جۇمىستىڭ اشىقتىعى جانە ايقىندىعى;
- ۇسىنىلعان جۇمىستىڭ مازمۇنى جانە ساپاسى;
- تۇپنۇسقالىعى;
- حالىقتىڭ جالپى قابىلداۋى;
- فوتوسۋرەتتەر كاسىبي نەمەسە جارتىلاي كاسىبي فوتواپپاراتقا ءتۇسىرىلىپ، ۇسىنىلاتىن سۋرەت جوعارعى دەڭگەيدە بولۋى ءتيىس;
- سۋرەتتىڭ كولەمى ا-3 فورماتىندا، قاعاز تۇردە جانە ەلەكتروندى تۇپنۇسقالارى (jpeg) فورماتىندا;
- ۇسىنىلعان جۇمىس كونكۋرسقا قاتىسۋشىنىڭ، كونكۋرس تاقىرىبى جانە جۇمىس اتاۋى جازىلعان فايلدا بولۋى ءتيىس; 
- كونكۋرسقا قاتىسۋشى سۋرەتتەر سانىن شەكتەۋسىز ۇسىنا الادى;
- اۆتورلىق قۇقىقتىڭ بۇزىلۋىنا بايلانىستى كونكۋرسقا قاتىسۋشى زاڭبۇزۋشىلىقتى ءوز موينىنا الادى;
- بارلىق ۇسىنىلعان جۇمىستار يەسىنە قايتارىلمايدى جانە رەتسەنزيالانبايدى، كونكۋرستى ۇيىمداستىرۋشىلاردىڭ مەنشىگىندە كوممەرتسيالىق ەمەس كورسەتۋگە  قالادى.

7.  كونكۋرسقا قاتىسا المايدى:

- فوتو سۋرەتتىڭ اۆتورى بولىپ تابىلمايتىن تۇلعا جانە وزگەنىڭ جۇمىسىن ۇسىنعان قاتىسۋشى;
- كونكۋرستى ۇيىمداستىرۋ مۇشەسى;
- قازىلار القاسى;
- كورسەتىلگەن مەرزىمنەن كەشىكتىرىپ ۇسىنعان قاتىسۋشى.

8. كونكۋرس جەڭىمپازدارى I, II, ءىىى ورىندارمەن ءار نوميناتسيالار بويىنشا ماراپاتتالادى:

-     «تاۋەلسىزدىكتىڭ 24 جىلدىعىندا ەلىمىزدىڭ جەتكەن جەتىستىكتەرى».
-     «تاۋەلسىزدىك جىلدارىنداعى قازاقستاننىڭ سۋرەتتەرى».
-     «ەڭبەك ادامى»;
-     «وڭتۇستىك ولكەسىنىڭ تابيعاتى»;
-     «كۇز سەنىڭ وبەكتيۆىڭدە»;
-     «وڭتۇستىكتىڭ وتكەنىنە ساياحات»;
-     «ۇرپاققا امانات»;
-     «يننوۆاتسيالىق جاڭالىقتار سۋرەتتە».
      كونكۋرس جەڭىمپازدارىنا ارنايى سىيلىقتارمەن ديپلومدار تابىستالادى.

9.  كونكۋرسقا قاتىسۋ وتىنىمدەرى ەرەجەگە سايكەس ۇسىنىلادى.

كونكۋرسقا قاتىسۋ وتىنىمدەرى 2015 جىلدىڭ 21 قازانىنان باستالدى.
قاتىسۋ وتىنىمدەرىن بەرۋ 2015 جىلدىڭ 31 قاراشاسىندا اياقتالادى.
ۇزدىك جۇمىس 2015 جىلدىڭ 13 جەلتوقساندا انىقتالادى.
سالتاناتتى ماراپاتتاۋ ءراسىمى 2015 جىلدىڭ 18 جەلتوقسانىندا ۇيىمداستىرىلادى.

10. بارلىق وتىنىمدەر كورسەتىلگەن مەرزىمگە سايكەس كەلەسى ادرەساتقا ۇسىنىلۋى ءتيىس: شىمكەنت ق.، «نۋرسات» م/ا، اكىمشىلىك ىسكەرلىك ورتالىق، وقو ىشكى ساياسات جانە ءدىن ىستەرى باسقارماسى، 409 كابينەت، تەل:247548, 87752252584.

Abai.kz

0 پىكىر

ۇزدىك ماتەريالدار

ادەبيەت

قاۋىرسىن

ءالىمجان ءاشىمۇلى 1632
ءالىپبي

لاتىن جايى

بيجومارت قاپالبەك 1707