سەيسەنبى, 5 ناۋرىز 2024
بيلىك 4179 0 پىكىر 2 قاراشا, 2015 ساعات 03:00

شىمكەنتتە «Rixos حاديشا شىمكەنت-2015» ۆەلوشەرۋى ءوتتى

قازاقستاننىڭ ۆەلوقاۋىمداستىعى مەن شىمكەنت قالاسى اكىمدىگىنىڭ قولداۋىمەن «Rixos حاديشا شىمكەنت-2015» ۆەلوشەرۋى ءوتتى. «Rixos Khadisha Shymkent» قوناقۇيىندەگى سالتاناتتى اشىلۋ راسىمىنەن سوڭ، ساپ تۇزەگەن اۋەسقوي ۆەلوسپورتشىلار دىنمۇحامەد قوناەۆ داڭعىلىمەن ناۋرىز الاڭىنان كەرى قايتىپ، مارەگە جىلدام جەتۋگە تىرىستى، - دەپ حابارلايدى اباي پورتالى شىمكەنت قالاسى اكىمى اپپاراتىنىڭ ءباسپاسوز قىزمەتىنە سىلتەمە جاساپ.   

قازاقستاننىڭ ۆەلوقاۋىمداستىعى مەن شىمكەنت قالاسى اكىمدىگىنىڭ قولداۋىمەن «Rixos حاديشا شىمكەنت-2015» ۆەلوشەرۋى ءوتتى. «Rixos Khadisha Shymkent» قوناقۇيىندەگى سالتاناتتى اشىلۋ راسىمىنەن سوڭ، ساپ تۇزەگەن اۋەسقوي ۆەلوسپورتشىلار دىنمۇحامەد قوناەۆ داڭعىلىمەن ناۋرىز الاڭىنان كەرى قايتىپ، مارەگە جىلدام جەتۋگە تىرىستى. ۆەلوشەرۋشىلەردىڭ قۇرامىندا لوندونداعى XXX جازعى وليمپيادا ويىندارىنىڭ جەڭىمپازى الەكساندر ۆينوكۋروۆ، بوكستان وليمپيادا چەمپيونى، «Astana Arlans» كومانداسىنىڭ باس ديرەكتورى سەرىك ساپيەۆ، ۆەلوسيپەد سپورتىنان اتلانتا XXVI وليمپيادا ويىندارىنىڭ چەمپيونى زۋلفيا زابيروۆا قاتىستى. ۆەلوشەرۋ جولىنىڭ جالپى ۇزاقتىعى — 15 شاقىرىمدى قۇرادى. قاتىسۋشىلار مارەگە جەتكەن سوڭ قوناق ءۇي اۋماعىندا قايىرىمدىلىق اۋكتسيونى وتكىزىلدى. 
وندا سپورتتىق شەرۋدە بەلسەندىلىك تانىتقان قاتىسۋشىلارعا العىس حاتتار مەن باعالى سىيلىقتار تابىستالدى. ءارى داڭىقتى سپورتشىلاردىڭ سپورتتىق كيىمدەرى اۋكتسيونعا شىعارىلدى. اتاپ ايتار بولساق، الەكساندر ۆينوكۋروۆتىڭ ارنايى جاسالىنعان «Vino» برەندىندەگى ۆەلوسيپەدى 1 ميلليون 650 مىڭ تەڭگەگە ساتىلدى. بۇعان قوسا جەكە توپتاماسىنان بىرنەشە ۆەلوكويلەكتەر ساۋدالاندى. سونىمەن قاتار داڭىقتى بوكسشى سەرىك ساپيەۆتىڭ حالىقارالىق سايىستاردا كيەتىن بوكس قولعابى 150 مىڭ تەڭگەنىڭ ۇستىندە باعالاندى. 
بۇل رەتكى قايىرىمدىلىق ۆەلوشەرۋىنىڭ جانە اۋكتسيوننىڭ ماقساتى ۆەلوسپورتتىڭ دامۋى، سالاۋاتتى ءومىر سالتىن ناسيحاتتاۋ، جاستاردى وسى سپورت تۇرىنە كوپتەپ تارتۋ. قايىرىمدىلىقتان تۇسكەن بارلىق قارجى قازاقستاننىڭ جاستار سپورت مەكتەپتەرى ءۇشىن ۆەلوسيپەد جانە جابدىقتار ساتىپ الۋعا جۇمسالادى. 

 Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 946
الاشوردا

قوجانوۆ مەجەلەۋ ناۋقانىندا

بەيبىت قويشىباەۆ 647
عيبىرات

قايسار رۋحتى عازيز جان

مۇحتار قۇل-مۇحاممەد 1355