داعدارىس؟! ءسىرا، قازاققا قول بولىپ پا؟ ءبىز ءبىر ايالدامانىڭ ءوزىن – 10 ميلليونعا ورناتىپ تاستادىق. استاناداعى اسا قىمبات ايالدامالار بۇگىنگى كۇننىڭ باستى تالقىسىنا اينالدى.

جاقىندا ەلوردا كوشەلەرىنە IT ايالدامالاردىڭ ورناتىلعانى تۋرالى قازاقستاندىق باق جارىسا جازعان بولاتىن. بۇل ايالدامالار قىستىڭ قاقاعان ايازىندا وزدىگىمەن جىلىتىلاتىنىن بىلاي قويعاندا، جاڭا تەحنولوگيالارمەن تولىقتاي جابدىقتالعان-مىس.  ىشىنە ءبىر كىرگەندە 30 ادام ەركىن سىيىپ كەتەدى ەكەن. تەك باعاسى ءبىراز سەنىمسىزدىك تۋدىرادى. سەبەبى، جەرگىلىكتى بيلىك مۇنداي اقىلدى ايالدامالاردىڭ بىرەۋىن 10 ميلليون تەڭگەگە ورناتقان. بۇل تۋرالى Today.kz حابارلاعان.

«مۇنداي ايالدامالارعا مەملەكەتتىك بيۋدجەتتەن ارنايى قارجى قاراستىرىلماعانىمەن، قىستا جىلى، تەگىن WiFi ت.ب. تەگى جاننىڭ راحاتى. جىلىتۋ ماۋسىمىندا ينفراقىزىل ساۋلەلەر ارقىلى جىلىتىلادى. جولاۋشىلار قاۋىپسىزدىگى ءۇشىن ايالدامالاردا بەينەباقىلاۋ ورنالاستىرىلعان.»، -دەيدى استانا قالالىق جولاۋشىلار تاسىمالى جانە اۆتوموبيلدىك جولدار باسقارماسىنىڭ وكىلدەرى.

ءيا، استاناداعى اقىلدى ايالدامالاردىڭ سۇلۋىنان جىلۋى دەگەنىمىزبەن، تەك بىرەۋىنىڭ ءوزى – 10 ميلليون تەڭگەنى نەمەسە 35 960 اقش دوللارىن قۇراعان. تىم قىمبات ەمەس پە؟

ال جاقىندا استاناعا ءىس ساپارمەن كەلگەن رف كراسنويارسك قالاسى، سۆەردلوۆسك اۋدانى اكىمنىڭ ورىنباسارى  الەكسەي يساەۆ IT ايالدامالاردىڭ جاڭاسىنا ەمەس، باعاسىنا تاڭ قالعانىن جاسىرمادى.

رەسەيلىك شەنەۋنىكتىڭ ايتۋىنشا، ونىڭ وبلىسىندا ءدال وسىنداي ايالدامالار بار-جوعى 300 دوللارعا نەمەسە 4800 دوللارعا ورناتىلعان. باعا ايىرماشىلىعى بولماسا، تۇپ-تۋرا بىزدىكىندەي ەكەن.

ايتپاقشى، رەسەيلىك شەنەۋنىك، 35 مىڭ دوللارعا مۇنداي ايالدامانىڭ بەسەۋىن ورناتۋعا بولاتىنىن ايتىپ، كۇلىپ كەتكەن.

استانالىقتاردىڭ وزدەرى جەرگىلىكتى بيلىك سول ءبىر جىلى ايالدامانى ورناتۋ ءۇشىن 10 ميلليون جۇمساعانىنا سەنبەيدى. ءتىپتى، بىرەۋلەرى مۇنى كۇلكىلى دەيدى.

ال جوبا اۆتورلارى قالا ىشىندە ءدال وسىنداي 85 اقىلدى ايالدامانى ورناتۋدى جوسپارلاپ وتىرعان كورىنەدى. سونىمەن قاتار، جىل سوڭىنا دەيىن استاناداعى اقىلدى ايالدامالاردىڭ جالپى سانى – 25-كە جەتەدى. بۇل دەگەنىڭىز 250 ميلليون تەڭگە مە؟ سوندا استانا قالاسىنىڭ اكىمى جاقسىبەكوۆ مىرزا كىمدى الداپ وتىر؟ ءيا، ءوستىپ ءجۇرىپ داعدارىس دەيمىز،ءا! ەلباسى مىندەتتەگەن ۇنەمدەۋ ساياساتى قايدا قالدى؟ ادىلبەك جاقسىبەكوۆ مىرزا ارزانىڭ دۇنيەسىن نە ءۇشىن قىمباتقا ورناتۋدا؟ بۇل جالقى سۇراققا كىم جاۋاپ بەرەدى؟.. 

نۇرگەلدى ابدىعانيۇلى

Abai.kz