جاقىندا abai.kz پورتالىندا رەسەيلىك رەجيسسەر «الماتىنى رەسەي قۇرامىنا قوسىپ جىبەردى» اتتى ماقالا جارىق كورگەن بولاتىن (http://abai.kz/post/view?id=5141). بۇگىن سول "گولوسا بولشوي سترانى" اتتى داۋلى ءفيلمنىڭ رەجيسسەرى تاير مامەدوۆ گەوساياسي-يدەولوگيالىق مىسقىنداعى فيلم تيزەرىنە قاتىستى Tengrinews.kz-كە تۇسىنىكتەمە بەرگەن. تۇسىنىكتەمەدە ايتىلعانداي، رەسەيلىك رەجيسسەر ءفيلممنىڭ اكىمشىلەرى تاراپىنان اعاتتىق كەتكەنىن مويىنداعان. 

«كينو – بۇل كۇردەلى پروتسەسس. وندا ءبىر عانا ەمەس، كوپتەگەن دەپارتامەنتتەر جۇمىس جاسايدى. سونداي-اق، ۇلكەن ۇجىم بولعان سوڭ، قاتەلىكتەر دە بولىپ تۇراتىنى دا قالىپتى جاعداي. ءبىزدىڭ جارنامالىق روليكتى ازىرلەگەن ارىپتەستەرىمىز گەوگرافيالىق قاتەلىكتەر جىبەرگەن ەكەن. ءبىز مۇنى وزگەرتەمىز. كينودا بۇل جەرلەرى مۇلدەم بولمايدى. كەشىرىم وتىنەمىز، ايىپ ەتپەڭىزدەر جانە بۇل ءۇشىن ۋايىمداماساڭىزدار دا بولادى»، - دەيدى رەسەيلىك رەجيسسەر تاير مامەدوۆ.

ال وسىنىڭ الدىندا، قر مادەنيەت جانە سپورت ءمينيسترى ارىستانبەك ءمۇحاماديۇلى داۋلى تيزەرگە قاتىستى ءوزىنىڭ مالىمدەمەسىن جاساعان بولاتىن (http://abai.kz/post/view?id=5154). مينيستر مىرزا قر سىرتقى ىستەر مينيسترلىگى قاندايدا ءبىر جاعداي ورىن الا قالاتىن بولسا، رەسەيگە نارازىلىق نوتاسىن جىبەرۋگە دايار ەكەنىن ايتقان بولاتىن.

ءيا، كينو بۇگىنگى كۇنىڭ نەگىزگى يدەولوگيالىق قۇرالى ەكەنى ءسوزسىز. كينو ارقىلى بۇگىن، جەتىلىپ  كەلە جاتقان وسپىرىمدەر تاربيە الاتىنى دا راس. ال بۇگىنگىدەي الاعاي دا بۇلاعاي كەزەڭدە – رەسەيلىك وداقتاستارىمىزدىڭ قازاق دالاسىنا كوز الارتىپ، تاۋەلسىز مەملەكەتىمىزدىڭ سولتۇستىك وڭىرلەرىنە شۇيلىگىپ وتىرعانى دا جاسىرىن ەمەس. تسەنزۋرا  شىنجىرىنا باعىنبايتىن الەۋمەتتىك جەلىلەردە جات پيعىلدى توپتار اشىپ، شوۆينيستىك نيەتتەرىن تانىتىپ وتىرعانى تاعى راس.

ەندىگى جەردە ساياسي شابۋىلدار جاساۋ ءۇشىن – ونەردى، ونىڭ ىشىندە كينونى قولدانعانىنىڭ كۋاسى بولعانىمىز قىنجىلتادى. ايتارىن ايتىپ، ايرانىن توگىپ بولىپ، ء«بىز گەوگرافيادان ساۋاتسىز ەدىك» دەگەنىنە جول بولسىن.

كورەرمەندەر نازارىنا  كەلەسى جىلدىڭ قاڭتار ايىندا شىعاتىن رەسەيلىك ءفيلمنىڭ تيزەرى، دالىرەك ايتساق ونىڭ يدەولوگيالىق مىسقىنى قازاقستاندىق بەلسەندىلەردىڭ نارازىلىعىن تۋعىزعان. ءتىپتى، الەۋمەتتىك جەلى قولدانۋشىلارى اتالمىش ءفيلمدى قازاقستان تەرريتورياسىندا كورسەتۋگە تىيىم سالۋعا ۇندەگەن پاراقشالار دا از ەمەس.

سەبەبى، رەسەيلىك رەجيسسەردىڭ ۇسىنىپ وتىرعان  يدوەلوگياسى مەن استارى – كەشەگى كەڭەستىك كەزەڭدى اشىق نۇسقاعان. سەبەبى، جاڭا تۋىندىدا رەسەيدىڭ بىرنەشە قالاسىمەن قاتار، قازاقستاننىڭ الماتى قالاسى، ارمەنيانىڭ ەرەۆان قالاسى، بەلورۋسيانىڭ مينسك قالاسى، گرۋزيانىڭ تبليسي قالالارى قازىرگى رف-نىڭ قۇرامداس بولشەگى دەپ كورسەتىلگەن.

نۇرگەلدى ابدىعانيۇلى

Abai.kz