ۇلتتىق وپپوزيتسيالىق قوزعالىستىڭ جەتەكشىسى، «ەگەمەن كىرگىزستان» پارتياسىنىڭ ليدەرى بەكتۋر اسانوۆ قىرعىزستان پرەزيدەنتى المازبەك اتامباەۆتى سوتقا بەردى. ول بىشكەكتىڭ اۋدانارالىق سوتىنا مەملەكەت باسشىسىن اكىمشىلىك جاۋاپقا تارتۋ تۋرالى شاعىم ءتۇسىردى.

اسانوۆتىڭ پىكىرىنشە، پرەزيدەنت سايلاۋ الدىندا ءوزى ليدەرى بولىپ تابىلاتىن قىرعىزستاننىڭ سوتسيال-دەموكراتيالىق پارتياعا (قسدپ) اشىق قولداۋ كورسەتىپ، كونستيتۋتسياعا قايشى ارەكەت جاساعان. 

ول مىسال رەتىندە المازبەك اتامباەۆتىڭ 27 شىلدەدە جۋرناليستەر الدىندا سويلەگەن سوزىندە قسدپ-نىڭ پرەزيدەنتتىك پارتيا ەكەنىن ەسكە سالىپ، ۇمىتكەرلەر ءتىزىمى جاڭاراتىنىن ايتىپ قالعان. ودان بولەك شاعىمدا پرەزيدەنتتىڭ 2013 جىلدىڭ 16 جەلتوقسانىندا ايتقان «ەگەر قسدپ پارلامەنتتەن 25 ەمەس، 60 ماندات يەلەنگەندە، ەلدە تۇراقتىلىق تەزىرەك ورناۋشى ەدى» دەگەن سوزدەرىن كورسەتىپتى. 

«ەگەمەن كىرگىزستان» پارتياسى بيىلعى پارلامەنت سايلاۋىنا قاتىسۋعا نيەت تانىتقان. بىراق كەپىلگە 5 ميلليون سوم تولەي الماعاندىقتان ورتالىق سايلاۋ كوميسسياسى بۇل پارتيانى تىركەمەدى. سوت وسك شەشىمىن دۇرىس دەپ تانىعان.

اباي-اقپارات