مينسكىدە جەكسەنبى كۇنى كەشكىسىن، پرەزيدەنت سايلاۋىنا داۋىس بەرۋ اياقتالعان سوڭ، بىرنەشە ونداعان ادام بەلورۋسسيانىڭ ۇكىمەت ءۇيى الدىندا رۇقسات ەتىلمەگەن اكتسياعا شىقتى.

جيىنعا سونىمەن بىرگە قۇقىق قورعاۋ قىزمەتكەرلەرى مەن قولدارىندا داۋىس ۇدەتكىشتەرى بار شتات وكىلدەرى دە بولدى. ءبىر-بىرلەرىنە قارسى ەشقانداي بەلسەندى ارەكەت جاسامادى.

ورتالىق سايلاۋ كوميسسياسىنىڭ (وسك) حابارلاۋىنشا، لۋكاشەنكونى سايلاۋعا قاتىسقانداردىڭ 83,49 پايىزى قولداپ داۋىس بەرگەن. سايلاۋعا داۋىس بەرۋ قۇقىعى بار ازاماتتاردىڭ 86,7 پايىزى قاتىسقان. ال قالعان ءۇش ۇمىتكەر سەرگەي گايدۋكەۆيچ بەس پايىزدان استام داۋىس السا، تاتيانا كوروتكەۆيچ — بەس پايىز، نيكولاي كۋلاحوۆيچ — ءبىر جارىم پروتسەنت داۋىس جيناعان. ەكزيتپۋلدىڭ مالىمەتى بويىنشا، «بارلىعىنا قارسى» داۋىس بەرگەندەر – جەتى پايىز.  

1994 جىلدان بەرى بەلورۋسسيانى باسقارىپ كەلە جاتقان الەكساندر لۋكاشەنكو بەسىنشى رەت قايتادان پرەزيدەنت بولىپ سايلاندى.

اباي-اقپارات