رەسەيدىڭ سەلولىق باستاۋىش مەكتەپتەرىنىڭ بىرىندەگى مۇعالىم ەڭبەكاقىسىن ايلاپ الا الماي شارشاپ ءجۇرىپ، ءبىر كۇنى پۋتينگە شاعىم حات جازىپ جىبەرەدى.

ارادا اپتا وتكەندە مۇعالىمگە «موسكۆا. كرەمل. پرەزيدەنت پۋتيننەن» دەگەن ۇلكەن جاشىك اكەپ بەرىلەدى. مۇعالىم ءماز بوپ اشىپ قاراسا: ادەمى تەلەديدار، ادەمى راديوقابىلداعىش، ءبىر بۋما گازەت، بەس قۇتى كونسەرۆى جاتىر! ء«ا، ۆلاديمير ۆلاديميروۆيچ تەلەديدار ارقىلى ماعان سالەم جولداعان شىعار!» دەپ كوڭىلدەنىپ، ىسكە قوسا قويادى. ەكراندا، ارينە، پۋتين. ءبىر توپتىڭ ورتاسىندا دەموكراتيا، ادام قۇقى تۋرالى سويلەپ وتىر. مۇعالىم باسقا ارنانى اشادى: پۋتين امەريكا قۇراما شتاتتارىن جامانداپ سويلەپ وتىر. مۇعالىم باسقا ارنالاردىڭ ءبارىن بىرىنەن سوڭ ءبىرىن اشادى. بارىندە پۋتين سويلەپ وتىر. مەكتەپ جايىندا ءبىر اۋىز ءسوز جوق.

«ۆلاديمير ۆلاديميروۆيچ ايتارىن الدە راديو ارقىلى جولداعان شىعار؟» دەپ ويلاعان مۇعالىم راديوارنالاردى دا تۇگەل تىڭدايدى. بارىندە دە – ءپۋتيننىڭ اعىل-تەگىل ءسوزى. ءبىلىم، وقۋ، مەكتەپ تۋرالى ەشتەڭە ايتپاعان.

مۇعالىم: «مەنىڭ شاعىمىما جاۋابى الدە گازەتتە شىعار؟» دەپ گازەتتەردى شولىپ شىعادى. بارىندە دە ء–پۋتيننىڭ ەكىدەن-ۇشتەن سۋرەتتەرى، قۇلاش-قۇلاش سوزدەرى، ءپۋتيندى اسپانداتىپ ماقتاعىشتاردىڭ ماقالالارى.

«بۇل قالاي؟!.».

سول ساتتە كورشىسى كىرىپ كەلىپ:

– ەي، ۆانيا! ساعان پۋتيننەن سىيلىق كەلىپتى دەيدى عوي، ماعان نەگە ايتپادىڭ؟ كانە، كورسەتشى! – دەيدى.

– جىبەرگەندەرى، مىنە، مىنالار، – دەپ مۇعالىم ءمان-جايدى ايتىپ، قولىن سىلتەي سالادى.

– ۆانيا، جوقتان وزگەگە رەنجىپ قايتەسىڭ، ودان دا، كانە، كونسەرۆىلەردى اشايىق!

– جو-جوق، ولاردان دا پۋتين شىعا كەلە مە دەپ قورقىپ وتىرمىن...

***

تروتسكي – اعىلشىنداردىڭ جانسىزى..

بەريا – اعىلشىنداردىڭ جانسىزى.

اندروپوۆ – اعىلشىنداردىڭ جانسىزى.

بەرەزوۆسكي دە – اعىلشىنداردىڭ جانسىزى بولىپتى.

پۋتين شە؟ ول شىنىمەن ابۆەر مە؟

***

رەسەي پرەزيدەنتى پۋتين سايلاۋ جۇيەسىن جەتىلدىرۋدە. ەندى پرەزيدەنت پەن پرەمەر-مينيستر ءبىرىن-ءبىرى كەزەك-كەزەك ۇسىنۋمەن سايلانا بەرەدى. بۇل ءتارتىپ – حالىقتى سايلاۋعا دايىندالىپ اۋرە بولۋدان ساقتاۋ.

***

رەسەيدىڭ ورتالىق سايلاۋ كوميسسياسى ەل پرەزيدەنتى سايلاۋىنا مىناداي ءتورت تارماقتى بيۋللەتەن جاسادى:

1.پۋتين.

2.ۆلاديمير.

3.ۆلاديميروۆيچ.

4.مۇنداعى كانديداتتاردىڭ ەشقايسىسىنا قارسى ەمەسپىن.

***

ءپۋتيننىڭ دزيۋ-دو تۋرالى كىتابى گەرمانيادا نەمىس تىلىندە باسىلىپ شىقتى، اتى – «ماين كامپف» («مەنىڭ كۇرەسىم»).

***

ارميان راديوسىنا ماسكەۋدەن سۇراق:

– قوعامعا ماسكۇنەم قاۋىپتى مە، الدە ناشاقور قاۋىپتى مە؟

– جىلداپ تىرپ ەتپەي وتىرا بەرەتىن پرەزيدەنت قاۋىپتى.

***

رەسەي تەلەارنالارىنان كورەتىنىڭ: كينوسەريال، اۋا رايى، پۋتين، پۋتين، كينوسەريال، پۋتين، پۋتين، اۋا رايى.

***

– پۋتين مىرزا، پرەزيدەنتتىك ايلىقاقىڭىز 3 مىڭ دوللار ەكەن، ال بانكتەگى ەسەپشوتىڭىزدا 40 ميلليارد دوللار بار كورىنەدى، ول قالايشا؟

– ءا، مەن ايانبادىم: الا بەردىم، الا بەردىم!

***

ءپۋتيندى جاقسى كورۋ – زاڭدىلىق; جەك كەرۋ – قىلمىس.

***

پۋتيننەن قورىققان دارەتحاناعا بارماس.

***

ءپۋتيننىڭ رەفورما باعدارلاماسى:

1.حالىقتى بايىتۋ، باقىتتى ەتۋ.

قوسىمشاسى: بەكىتىلگەن ءتىزىم تىركەۋلى.

***

پۋتين: «بىزدە باعانى كوتەرۋگە ەشقانداي سەبەپ جوق، سوندىقتان سەبەپسىز كوتەرىلە بەرەدى».

***

پۋتين، مەدۆەدەۆ، سوبيانين (ماسكەۋدىڭ مەرى) سويلەسىپ وتىر.

مەدۆەدەۆ: ەندى 40 جىلدان كەيىن رەسەي ماڭگىلىك ەل، ال حالقى باي بولادى.

سوبيانين: ونى ءبىزدىڭ كورە المايتىنىمىز وكىنىشتى-اق!

پۋتين: وكىنبە، كورە المايتىنىمىز جاقسى.

***

وباما: پۋتين مىرزا، سەن گۋبەرناتورلار مەن مەرلەردى تاعايىندايدى ەكەنسىڭ، ولاردى دەموكراتيالىق جولمەن حالىق سايلاۋعا ءتيىس قوي؟

پۋتين: حالىققا سەنۋگە بولمايدى، كەز كەلگەن بىرەۋدى سايلاي سالادى.

***

ءپۋتيننىڭ «حالىقتىق فرونتىنا» بيىل جىل اياعىنا دەيىن مۇشە بولىپ ۇلگىرگەندەرگە سىيلىققا ونىڭ سايلاۋ الدىنداعى ۋادەسىنىڭ 10-ى بەرىلەدى.

***

باتىس ءباسپاسوزىنىڭ ءتىلشىسى:

– پۋتين مىرزا، ءسىز ازاماتتىق قوعامنىڭ قالىپتاسۋىن قاداعالاپ وتىراسىز با؟

– قاداعالاپ، اڭدىپ، قولعا ءتۇسىرىپ، تۇرمەگە جىبەرىپ وتىرامىن.

***

– پۋتين مىرزا، ءسىز قاشانعا دەيىن پرەزيدەنت بولا بەرەسىز؟

– كەرەك كىسىلەرىمنىڭ ءبارىن بايىتىپ بولعانشا.

***

– رەسەيدى جۇماققا اينالدىرۋ مۇمكىن بە؟

– ابدەن مۇمكىن.

– ول ءۇشىن...

– ول ءۇشىن: ءپۋتيندى قۇداي، شەنەۋنىكتەردى پەرىشتە، اسكەريلەردى اۋليە، پوليتسەيلەردى اۋەيى، ال حالىقتى قۇدايدىڭ قۇلى دەپ جاريالاۋ كەرەك.

***

ءپۋتيننىڭ سوزدەرىن تىڭداپ وتىرعانىڭدا، ونى باسقا ەلدىڭ پرەزيدەنتى ەكەن دەپ قالاسىڭ.

رەسەيدىڭ ينتەرنەت-سايتتارىنان تاڭداپ الىپ، تاقىرىپ قويىپ ۇسىنعان – عابباس قابىشۇلى

 «وبششەستۆەننايا پوزيتسيا» (پروەكت «DAT» №34 (305) وت 08 وكتيابريا 2015 گ.