جۇما, 29 ناۋرىز 2024
الاشوردا 6208 0 پىكىر 4 قازان, 2015 ساعات 21:03

بالتانىڭ تەمىر باسى ارقىلى شەتەلگە جەتكەن شىندىق

 

بۇگىندە اڭىزدان اقيقاتقا اينالعان سوناۋ 1986 جىلعى جەلتوقساندا الماتىداعى قازاق جاستارىنىڭ باس كوتەرۋلەرىنە تىكەلەي ارالاسىپ، كوزسىز ەرلىككە بارعان مىنا ءبىر ازاماتتاردىڭ دا ەرلىگىن ەسكە العان ءجون سياقتى.

الاشتىڭ اردا ۇلدارى: فيلوسف-عالىم، ساياسي كۇرەسكەر سابەتقازى اقاتاي مەن ەتنوگراف-عالىم، ساياسي كۇرەسكەر جاعدا بابالىقۇلى سول ءبىر قاھارلى كۇندەرى جەكە باستارىنىڭ قاۋىپ-قاتەرىنە قاراماي، جاستارمەن بىرگە الاڭعا بارىپ، كەيىن جەلتوقسان تۋرالى شىندىقتى ەگجەي-تەگجەيلى زەرتتەپ، جيناعان قۇجاتتارىن الماتىنىڭ ءار تۇكپىرىنە جاسىرىپ، كگب تاراپىنان قۋعىنعا تۇسكەندەرى ءوز الدىنا تاۋسىلمايتىن ءبىر اڭگىمە.

اسىرەسە، سابەتقازا اقاتاي مەن جاعدا بابالىقۇلىنىڭ جەلتوقسان تۋرالى شىندىقتى الىس شەتەلدەگىلەرگە جەتكىزۋ جولىنداعى ارەكەتتەرى كىمدى دە بولسا تاڭ قالدىرادى.

ماسەلەن، وسى ەكى ازامات الماتىداعى جەلتوقسان كوتەرىلىسى تۋرالى مالىمەتتەردى فوتو-پلەنكاعا كىشىرەيتىپ ءتۇسىرىپ، ونى ارنايى ساتىپ العان بالتانىڭ تەمىر باستارىنا ەگەپ كىرگىزىپ، تەسىكتى قايتادان بالقىتىپ جاۋىپ، قىتايداعى، اراب ەلدەرىندەگى، باتىستاعى، اقش-تاعى تانىستارىنا "سالەم-ساۋقات" رەتىندە جونەلتۋلەرىندە كوزسىز ەرلىك جاتىر ەمەس پە؟.

سول "سالەم-ساۋقاتتاردىڭ" قىتايدان باسقا مەملەكەتتەرگە امان-ەسەن جەتىپ، ونداعىلار اشىپ-وقىپ، جەلتوقسان تۋرالى شىندىق الەم نازارىنا العاش رەت سولاي ىلىنگەنىن بۇگىندەرى بىرەۋ بىلسە، بىرەۋ بىلمەيدى. سول كەزدە سابەڭ تۇرعان ءۇيدىڭ پودۆالىنا كگب-دان جاسىرۋ ءۇشىن ارنايى تىعىلعان قۇجاتتاردىڭ قازىرگى تاعدىرى دا بەيماعلۇم كۇيىندە قالۋدا.

سابەتقازى مارقۇمنىڭ كوز جۇمعانىنا كوپ جىل بولدى. ال جاعدا بابالىقۇلى اقساقال  دا قايتىس بولعالى از جىل وتكەن جوق.

جۇماش كەنەباي

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610