بەيسەنبى كۇنى الماتى وبلىسىنداعى قوي شارۋاشىلىعىن ودان ارى وركەندەتۋگە بايلانىستى تاعى ءبىر شەشۋشى ءارى ناقتى قادام جاسالدى. ناقتىراق ايتقاندا، «جەتىسۋ» الەۋمەتتىك-كاسىپكەرلىك كورپوراتسياسى» ۇلتتىق كومپانياسى» اكتسيونەرلىك قوعامى  اتىنان وسى كورپوراتسيا باسقارماسى توراعاسىنىڭ ورىنباسارى نۇرلان وماروۆ پەن  «جەتىسۋ» قوي وسىرۋشىلەردىڭ ايماقتىق قاۋىمداستىعىنىڭ اتىنان وسى قاۋىمداستىقتىڭ پرەزيدەنتى كەڭەسحان ءابدىلدانوۆ قازاقستان رەسپۋبليكاسى ۇكىمەتىنىڭ 2006 جىلعى 31 مامىرداعى №483 «ايماقتىق الەۋمەتتىك-كاسىپكەرلىك كورپوراتسيالارىن قۇرۋ تۇجىرىمداماسى تۋرالى» قاۋلىسىنى نازارعا الا وتىرىپ، الماتى قالاسى اينالاسىندا  ازىق-تۇلىك بەلدەۋىن جاساۋ باعدارلاماسى اياسىندا «الماتى ايماعىندا قوي شارۋاشىلىعىن دامىتۋ» جوباسىن جۇزەگە اسىرۋ جونىندەگى مەموراندۋمعا قول قويدى.

بەيسەنبى كۇنى الماتى وبلىسىنداعى قوي شارۋاشىلىعىن ودان ارى وركەندەتۋگە بايلانىستى تاعى ءبىر شەشۋشى ءارى ناقتى قادام جاسالدى. ناقتىراق ايتقاندا، «جەتىسۋ» الەۋمەتتىك-كاسىپكەرلىك كورپوراتسياسى» ۇلتتىق كومپانياسى» اكتسيونەرلىك قوعامى  اتىنان وسى كورپوراتسيا باسقارماسى توراعاسىنىڭ ورىنباسارى نۇرلان وماروۆ پەن  «جەتىسۋ» قوي وسىرۋشىلەردىڭ ايماقتىق قاۋىمداستىعىنىڭ اتىنان وسى قاۋىمداستىقتىڭ پرەزيدەنتى كەڭەسحان ءابدىلدانوۆ قازاقستان رەسپۋبليكاسى ۇكىمەتىنىڭ 2006 جىلعى 31 مامىرداعى №483 «ايماقتىق الەۋمەتتىك-كاسىپكەرلىك كورپوراتسيالارىن قۇرۋ تۇجىرىمداماسى تۋرالى» قاۋلىسىنى نازارعا الا وتىرىپ، الماتى قالاسى اينالاسىندا  ازىق-تۇلىك بەلدەۋىن جاساۋ باعدارلاماسى اياسىندا «الماتى ايماعىندا قوي شارۋاشىلىعىن دامىتۋ» جوباسىن جۇزەگە اسىرۋ جونىندەگى مەموراندۋمعا قول قويدى.
بۇدان بۇرىندارى جازعانىمىزداي، «جەتىسۋ» الەۋمەتتىك-كاسىپكەرلىك كورپوراتسياسى – بۇل اتقارۋشى جانە زاڭ شىعارۋشى بيلىكپەن، بيزنەسپەن بەلسەندى تۇردە ىنتىماقتاستىقتا جۇمىس جۇرگىزەتىن الماتى قالاسى مەن وبلىسىندا ارەكەت ەتەتىن ايماقتىق دامىتۋ ينيستيۋتى. كورپوراتسيا الماتى ايماعىنىڭ ەكونوميكالىق جانە الەۋمەتتىك دامۋىنا تىڭ سەرپىلىس، جاڭا قارقىن بەرۋ ءۇشىن قۇرىلعان. ونىڭ كوممەرتسيالىق كورپوراتسيالاردان باستى ايرماشىلىعى الىنعان كىرىس سول كورپوراتسيا قۇرىلعان ايماقتىڭ تۇرعىندارىىڭ تۇرمىسى مەن جاعدايىن جاقسارتۋعا باعىتتالعان الەۋمەتتىك، ەكونوميكالىق جانە مادەني باعدارلامالاردى جۇزەگە اسىرۋدى قارجىلاندىرۋعا جۇمسالادى.  الماتى مەن الماتى ايماعى – اسا ءىرى قارجىلىق، ساۋدالىق جانە قىزمەت كورسەتۋ بويىنشا اگلومەراتسيا. اسا ۇلكەن ترانزيتتىك مۇمكىندىككە يە، جاعرافيالىق ورنالاسۋىنىڭ قولايلىلىعىمەن، تابيعي رەسۋرستارىنىڭ مولدىعىمەن ەرەكشەلەنەدى. وسىعان وراي «جەتىسۋ» اكك-نىڭ ايماقتى دامىتۋ جونىندەگى جوسپارلارى سول مۇمكىندىكتەردى تولايىم ءارى ءتيىمدى پايدالانۋعا نەگىزدەلگەن. سونداي جوسپارلاردىڭ ءبىرى – قوي شارۋاشىلىعىن دامىتۋعا بايلانىستى قول قويىلىپ وتىرعان وسى مەوراندۋم دەسەك ارتىق ايتقاندىق بولا قويماس. كەلىسىمگە سايكەس، «جەتىسۋ» الەۋمەتتىك-كاسىپكەرلىك كورپوراتسياسى» ۇلتتىق كومپانياسى» اق ءوزىنىڭ ەنشىلەس كاسىپورنى «جەتىسۋاگروساۋدا» جشس ارقىلى جوبانى قارجىلاندىرۋ مەن جان-جاقتى قولداۋدى، جوبا نەگىزىندە ايماقتاعى ونىمدىلىگى جوعارى قوي باسىن كوبەيتۋدى، قوسىمشا جۇمىس ورىندارىن اشۋدى قولعا الادى. ال «جەتىسۋ» قوي وسىرۋشىلەردىڭ ايماقتىق قاۋىمداستىعى ءوز كەزەگىندە ونىمدىلىگى جوعارى قويلاردى ساتىپ الۋ مەن ىرىكتەۋگە قاتىسا وتىرىپ، ساتىپ الىنعان اسىل تۇقىمدى قويلاردى الماتى ايماعى شارۋا قوجالىقتارى اراسىندا ورنالاستىرۋدى ۇيىمداستىرادى. شارۋا قوجالىقتارىندا دايىندالعان دورەكى ءجۇندى «وتاۋ ۇشتوبە» جشس-نە جەتكىزۋدى قامتاماسىز ەتەدى. سونىمەن بىرگە «وتاۋ ۇشتوبە» جشس-نە جۋىلعان ءجۇندى وتكىزۋگە كومەكتەسىپ، «وتاۋ ۇشتوبە» جشس-دەگى كيىز ءۇي ءوندىرىسى ءۇشىن وسى كاسىپورىن مەن سەمەيدەگى ءجۇندى العاشقى وڭدەۋدەن وتكىزۋ كاسىپورنى اراسىنداعى كيىز جەتكىزۋگە بايلانىستى ارىپتەستىك قارىم-قاتىناستى قالپىنا كەلتىرۋگە اتسالىسادى. ەگەر ويعا العاندار تولىققاندى جۇزەگە اسسا، جەتىسۋ جەرىندەگى قوي شارۋاشىلىعى جاڭا قارقىنمەن دامىپ، شوپان اتادان الىناتىن ونىمدەردىڭ بارلىعىن جەرگىلىكتى جەردە قايتا وڭدەۋدەن وتكىزۋگە داڭعىل جول اشىلادى.

بولات اباعان، الماتى وبلىسى.