سەيسەنبى, 18 اقپان 2020
دەپ جاتىر 3214 0 پىكىر 26 قاڭتار, 2016 ساعات 12:46

ءان ۇرلاعىش انشىلەرگە قاتىستى تاعى دا داۋ شىقتى

وسى كۇنى قاي سالا بولماسىن بۇگىنگىدەي باسەكە قىزعان شاقتا جولى بولماعان، ءوز ورىندارىن تابا الماعان كەيبىر «ماماندار» وزگە بىرەۋدىڭ تۋىندىسىن «ۇرلاپ الىپتى»، دەگەندى ءجيى ەستيتىن بولدىق. مۇنداي جاعدايلار اسىرەسە ونەرپازدار اراسىندا ءىشىنارا كەزدەسىپ تۇرادى. ناقتىراق ايتقاندا، جۋىردا الەۋمەتتىك جەلىدە ءان ۇرلاۋعا قاتىستى تاعى دا داۋ شىقتى. ونداعى باس كەيىپكەردىڭ رولىندە ونەر بايگەسىنە كەشە عانا قوسىلعان «ادەمى-اي» توبى. بۇل توپ مۇشەلەرى بەتتەرى شىرىمكپەستەن بەلگىلى سازگەر، ءانشى روزا القوجانىڭ ءتول تۋىندىسى «ساعىنىش» ءانىن وزدەرىنىڭ ءتول تۋىندىسى ەتىپ كورسەتىپ، كوپشىلىك نازارىنا اۋديو نۇسقاسىن ۇسىنعانى سول-اق ەكەن تالعامى جوعارى تىڭدارمان سىنىنىڭ استىندا قالدى. اڭگىمەنىڭ القيساسى مىندا: وندا «ادەمى-اي» توبىنىڭ قىزدارى «ساعىنىش» ءانىنىڭ اۆتورى رەتىندە جەڭىس پاريمبەكوۆ دەپ كورسەتكەنىمەن، ال ءسوزىن ەش وزگەرتپەستەن قالدىرىپتى. ارينە كەز كەلگەن ءانشى ورىنداۋىنداعى ءاننىڭ تانىمال بولعانىن قالايدى. بۇل – زاڭدى قۇبىلىس. الايدا تانىمالدىقتى ويلاپ اردان اتتاماعان ابزال. ەگەر انشىلەر اراسىندا بەلگىلى ءبىر كەلىسىم بولسا، وندا اڭگىمە باسقا.

توپ مۇشەلەرىنىڭ ايتۋىنشا، ولار بۇل ءاننىڭ روزا القوجاعا تىكەلەي قاتىسى بار ەكەنىن بىلە تۇرا، ونەرگە ەش قاتىسى جوق تارازدىق جەڭىس پاريمبەكوۆكە جاڭا نۇسقاسىن جازدىرۋعا تاپسىرىس بەرگەن ەكەن. «روزا اپكەنىڭ انىنەن حابارىم بولدى. ول جونىندە مەن سازگەرگە الدىن الا ايتقان بولاتىنمىن. جەڭىس مىرزا وسى انگە ۇقساتىپ ءوز نۇسقاسىن ءجىبىردى. ال ءبىز ونى قابىل الدىق. شىندىعىندا ول كىسىنىڭ ونەرگە ەش قاتىسى جوق»،- دەپ الەۋمەتتىك جەلى ارقىلى اقتالعانداي بولدى. 
وسى داۋعا قاتىستى جاۋاپ قاتقان روزا القوجا: «اقىننىڭ سوزىنە ءبارى ءان جازا بەرەدى عوي. الايدا ءاندى ابايلاپ ۇرلاعان ءجون بولار. ەلدىڭ قىزىعۋشىلىعىن تۋدىرمايمىن دەپ مەن سول داۋدان قاشىپ ەدىم. بىراق جاعداي ۋشىققاننان كەيىن ارالاسۋىما تۋرا كەلدى. ءبىر دۋەت مەنىڭ ءدال وسى انىمە ۇقساتىپ əن جازدىرىپتى. ەلدە ۇيات دەگەن قالمادى. Əن ۇناسا سۇراماي ما؟! بەرەر ەدىك قوي. ىڭىرسىعان əن-سىماقتى كوبەيتپەي!. ارالارىندا ءاندى ءسال سوزىپ ءان قىلا بەرەتىن بولعان. سوعان قاراعاندا بۇل توپقا پيار اۋاداي قاجەت بولعانى كورىنىپ-اق تۇر. مۇندا شەرحان مۇراتۇلى باۋىرىما وبال بولدى. سەبەبى ول بۇل انگە 3 جىل بۇرىن كليپ تە تۇسىرگەنى بەلگىلى. نەگىزىنەن مەن ول ءاننىڭ ورانجيروۆكاسىنا دا، ورىندالۋىنا دا ارالاسقانمىن»،- دەپ نازىن ءبىلدىردى.

دەرەككوز: alashainasy.kz

0 پىكىر