سەنبى, 29 اقپان 2020
46 - ءسوز 3000 0 پىكىر 26 قاڭتار, 2016 ساعات 12:43

بۇ زاماندا "جارماق" بولىپ ءومىر ءسۇرۋ كەرەك

ءبىزدىڭ قوعامدا "جارماق " بولىپ ءومىر ءسۇرۋ كەرەك. Əيتپەسە بولمايدى! كەشە كوزىم əبدەن جەتتى.

الدىمەن سۋپەرماركەت. وتە اسىعىس بولدىم، الاتىنىم ءبىر عانا زات، ونىڭ ءوزى تابىلسا. قول سومكەممەن كىردىم، ەشتەڭە الماي 3 مينۋتتا شىقتىم. ەكى كۇزەتشى ارتىمنان قۋىپ جەتىپ، سومكەمدى تەكسەردى. زاڭ جۇزىندە تەكسەرۋگە قۇقى جوق. بىراق داۋلاساتىن ۋاقىت جəنە جوق. اشتىم. ۇرى ەمەس ەكەنىمدى دəلەلدەدىم.

"تسون"-عا باردىم، مەكەن جاي انىقتاماسىن سۇرادىم. جەكە كۋəلىكسىز بەرمەيمىن دەپ شاق-شاق ەتتى. كۋالىكتىڭ كوشىرمەسى بار. ال ءوزى كىتاپحانادا... "Eqov-تان كۋəلىكسىز دە الام عوي" دەسەم، "پوجالىستا، الا بەر" دەيدى.

اشۋ قىسىپ، كەشەگى "اپتاعا" العان كىتاپتارىمدى الىپ "ۇلتتىق كىتاپحاناعا" كەلدىم. "كيىممەن، سومكەمەن كىرمە" دەيدى. كيىم تۇسىنىكتى، سومكە شە؟ "ونسىز دا 3 مىڭ كىتاپ ۇرلاندى" دەپ رەنجىدى "گاردەروبششيتسا" اپاي. "قۇرداس، رەنجىمەشى ەندى" دەپ سوزگە ارالاستى كۇزەتشى. "قۇداي-اۋ، قالاي رەنجىمەيمىن، تاپا -تال تۇستە ۇرى قىپ تۇرساڭدار".

مەكتەپكە كەلدىم. 8 شارشى مەتر كىرەبەرىستە 20 شاقتى ادام تۇر. كلاسقا كىرمەي-اق، قويدىم، بىراق دالىزگە نەگە كىرۋگە بولمايدى؟ ءبىر بولىگىڭ يماندى، يناباتتى بولسا، ەكىنشىسى كوكدولى بولۋ كەرەك. Əيتپەسە جۇرەسىڭ ءوستىپ، كۇدىكتى قۇساپ... بيۋروكراتيا شەكتەن شىققان. پوليكلينيكا، بولنيتسا تۋرالى ايتپاي -اق قويايىن. كەيدە وسىنىڭ ءبəرى ءبىزدىڭ ءومىردى قيىنداتۋ ءۇشىن، تۇرمىستىق دەڭگەيدەن وزگە ەشتەڭە ويلاۋعا ۋاقىت قالدىرماس ءۇشىن əدەيى ىستەلگەن كەدەرگى سياقتى كورىنىپ كەتەدى. ..

اينۇر ومار
Facebook-تەگى پاراقشاسىنان

0 پىكىر