دۋشانبە: مىڭنان استام تاجىك يم-گە قوسىلدى
تاجىكستان بيلىگى 1 مىڭعا تارتا تاجىك ازاماتى سيريا مەن يراكتاعى "يسلام مەملەكەتى" (يم) ەكسترەميستىك ۇيىمىنىڭ قاتارىنا ءوتىپ كەتكەنىن مالىمدەدى.
بۇل سان - دۋشانبە بۇعان دەيىن كەلتىرگەن كورسەتكىشتەن ەكى ەسە كوپ. تاجىكستان ىشكى ىستەر ءمينيسترى رامازون راحيمزودانىڭ حابارلاۋىنشا، سيريا مەن يراكتان 61 تاجىك ازاماتى قايتىپ ورالعان. 148 تاجىكستاندىق سيريا مەن يراكتاعى سوعىستا قازا تاپقان.
بۇعان دەيىن تاجىكستان پرەزيدەنتى ەمومالي راحمون يم-گە وتكەن تاجىكستاندىقتار اراسىندا 21 ستۋدەنت بارىن مالىمدەگەن. راحمون ەلدەگى جانە شەت مەملەكەتتەردەگى مەشىتتەر مەن باسقا دا ءدىني ينستيتۋتتار ادامداردى ەكسترەميستىك توپتار قاتارىنا تارتۋدا ۇلكەن ءرول اتقاراتىنىن ايتقان.
اباي-اقپارات
