كۇنى كەشە عانا قر ءماجىلىسى دەپۋتاتتارى بەسىنشى شاقىرىلىمداعى پارلامەنتتى تاراتۋ تۋرالى مەملەكەت باسشىسىنا ۇسىنىس ءبىلدىردى. بۇل تۋرالى سايتىمىز العاشقىلاردىڭ ءبىرى بولىپ حابارلادى. الايدا ءماجىلىستىڭ ۇسىنىسى ءالى تولىق ماقۇلدانعان جوق. ارينە، سوڭعى شەشىمدى ەلباسى نۇرسۇلتان ءابىشۇلى قابىلدايدى.

قازاقستاننىڭ كونستيتۋتسيالىق نورمالارىنا سايكەس، پارلامەنت تاراتىلعاننان كەيىن ەكى ايدىڭ ىشىندە جاڭا پارلامەنت جاساقتالۋى ءتيىس. مەرزىمىنەن بۇرىن وتەتىن پارلامەنت سايلاۋى تۋرالى ەل ىشىندە ءتۇرلى قاۋەسەت ءسوز تاراۋدا. ءبىر توپ بەلسەندىلەر ء«ماجىلىس تارقاتىلعانىمەن، قۇرام وزگەرمەيدى» دەگەن پىكىردى ۇستانسا، ەندى بىرەۋلەر مەرزىمىنەن بۇرىن پارلامەنت سايلاۋىن وتكىزۋدىڭ تيىمدىلىگىن العا تارتۋدا. دەگەنمەن، سايلاۋ ءۇشىن جاسالاتىن سايلاۋعا قاتىستى سوڭعى شەشىمدى مەملەكەت باسشىسى نۇرسۇلتان نازارباەۆ قر پارلامەنتىنىڭ قوس پالاتاسىنىڭ سپيكەرلەرى جانە پرەمەر-مينيسترمەن اقىلداسىپ بارىپ شىعارادى. بۇل تۋرالى «abai.kz» پورتالى «informburo.kz» سايتىنا سىلتەمە جاساي وتىرىپ حابارلايدى.

«ارينە، ەلباسى دەپۋتاتتاردىڭ ءماجىلىستى مەرزىمىنەن بۇرىن تاراتۋ تۋرالى ۇسىنىسىنان حاباردار. بىراق، بۇل ماسەلەگە قاتىستى شەشىم شىعارىلعان جوق. بۇل ءۇشىن مۇقيات ساراپتاما (اناليز) جۇرگىزىلۋى ءتيىس. نۇرسۇلتان ءابىشۇلى شەشىم قابالداردا ءبىرىنشى كەزەكتە قوعامنىڭ پىكىرىمەن ساناسادى. ەگەر قوعام تاراپىنان قولداۋ بولاتىن بولسا، ءماجىلىستىڭ ۇسىنىسىن قابىلداۋى مۇمكىن»،  -دەدى قر پرەزيدەنتىنىڭ ءباسپاسوز-حاتشىسى داۋرەن اباەۆ مىرزا. سونىمەن قاتار، اباەۆ مىرزانىڭ ايتۋىنشا، مەملەكەت باسشىسى بۇل ماسەلەنى قوس پالاتا سپيكەرلەرىمەن جانە پرەمەر-مينيسترىمەن بىرگە وتىرىپ تالقىلايدى. تەك سودان كەيىن عانا ناقتى شەشىم قابىلداناتىن بولادى.

سايلاۋ تۋرالى ءسوز ايتالا باستاعان سوڭ، ءبىز قازقاستاندىق ساياساتكەرلەر مەن ۇسىنىس ءبىلدىرۋشى تاراپتىڭ پىكىرلەرىن بىلگەن ەدىك. قازاقستاندىق باق-تا بەلسەندى ءارى وتكىر پىكىرلەرىمەن بەلگىلى دەپۋتات ازات پەرۋاشەۆ مىرزاعا حابارلاستىق. ول: - ءبىز ءماجىلىستىڭ بۇل ۇسىنىسىن قولدايمىز. پارلامەنتتەگى بارلىق فراكتسيا دەپۋتتارى بۇل ماسەلەنى تالقىعا سالعاندا ءبىر اۋىزدان قولداۋ تاپتى. بۇل جەردەگى ماڭىزدى جايت: حالىقتىڭ قولداۋى مەن حالىقتىڭ تاڭداۋى ماڭىزدى. حالىق قاي پارتيانى قولدايدى؟ قاي پارتيا ءارى قاراي جۇمىس ىستەۋى كەرەك. وسىنداي قيىن كەزەڭدە حالىققا دا وڭاي سوقپاسى انىق. مەنىڭشە، مەرزىمىنەن بۇرىن سايلاۋ وتكىزىلۋى كەرەك. ۇلتتىق بيزنەستىڭ پارتياسى رەتىندە ءبىز بەسىنشى شاقىرىلىمداعى قر پارلامەنتى ءماجىلىسىن تاراتىپ، مەرزىمىنەن بۇرىن سايلاۋ وتكىزۋدى قولدايمىز»، - دەدى ازات پەرۋاشەۆ مىرزا.

ءبىز جولداعان حابارلاماعا بەسىنشى شاقىرىلىمنىڭ دەپۋتاتى مۇرات ابەنوۆ مىرزا دا بەيجايلىق تانىتپاعانداي سىڭاي بىلىدىرگەن ەدى باستاپقىدا.. ايتكەنمەن دە، الەۋمەتتىك جەلىدەگى پاراقشاسىنا جولداعان حاتىمىزدى وقىعان ەكس-دەپۋتات كوممەنتاري بەرۋدەن بىردەن باس تارتتى. «جوق، مەن ايتپاي-اق، قويايىن. مەن ءوزىم بەسىنشى شاقىرىلىمنىڭ دەپۋتاتىمىن. ماعان كوممەنتاري بەرۋگە بولمايدى» دەپ قىسقا قايىردى. دودا سايىن دۇرلىگەتىن دەپۋتاتاردان تۇشىمدى جاۋاپ الا الماعان كۇيىمىزبەن تاعى ءبىر ءماجىلىس دەپۋتاتى مۇحتار تىنىكەەۆ مىرزاعا قوڭىراۋ شالدىق. اڭگىمەنىڭ اۋانىن ايتىپ، ءوزىمنىڭ «اbai.kz» سايتىنان حابارلاساپ تۇرعانىمدى جەتكىزدىم. «چتو زا سايت تاكوي، «Abai.kz»؟ ا، كازاحسكويازىچنىي چتو لي؟» - دەن باستاعان مۇحتار مىرزانىڭ قازاق ءتىلدى بۇقارالىق اقپارات قۇرالدارىن وقىمايتىنىن نەمەسە تانىمايتىنىن اڭعاردىق. دەگەنمەن، ەكى-ءۇش مينۋتىن ءبولىپ، سۇراعىمىزعا جاۋاپ بەرگەنى ءۇشىن تاعى راحمەتىمىزدى ايتتىق. «بىرىنشىدەن، ءبىز ەندى عانا ۇىنىس جاسادىق. ءالى بەلگىسىز. سوڭعى شەشىمدى ەلباسى نۇرسۇلتان ءابىشۇلى قابىلدايدى. پرەمەر-مينيسترمەن كەڭەسكەننەن كەيىن عانا سايلاۋ وتە مە، وتپەي مە، بەلگىلى بولادى. سوندىقتان، قازىر بىردەڭە دەپ بولجام ايتۋعا ەرتە دەپ ويلايمىن»،-دەدى مۇحتان تىنىكەەۆ مىرزا.

سايلانىپ، سودان سوڭ وزدەرى سايلانعان ءماجىلىستىڭ جۇمىسىن مەرزىمىنەن بۇرىن توقتاتىپ، تاعى دا سايلاۋدىڭ دوداسىنا ءتۇسىپ كەتە بەرەتىن دەپۋتتارامىز، مىنە، وسىلاي دەپ جاتىر. V شاقىرىلعان پارلامەنت ءماجىلىسىنىڭ سايلاۋىن كەزەكتەن تىس وتكىزۋ ماسەلەسى ءسوز بولعان ەكەن، ونىڭ تاياۋدا بىرجاقتى شەشىم تابارى دا داۋىسىز. ءيا، ول شەشىم تۋرالى دا جۋىق ارادا جۇرتتى قۇلاعدار ەتەتىن بولامىز.

نۇرگەلدى ابدىعانيۇلى

Abai.kz