ازاتتىق راديوسىنىڭ (وزبەك قىزمەتى) سىزدەن Telegram رۋبريكاسىنا جىبەرىلگەن ۆيدەودا تاشكەنتتىك قۇقىق قورعاۋ قىزمەتكەرلەرىنىڭ جەزوكشەلەر ءۇيىنىڭ بىرىنە رەيد جۇرگىزىلگەنى كورسەتىلگەن.

وندا ازاماتتىق كيىمدەگى شۇعىل قىزمەتكەر مەن جەرگىلىكتى ۋچاسكەلىك ينسپەكتوردىڭ جەزوكشەلەر ءۇيىنىڭ ءبىر بولمەسىنە باسىپ كىرگەنى بايقالادى. ينسپەكتور ترانسسەكسۋال ەر ادام مەن ونىڭ جانىنداعى تاعى ءبىر ەكى ەر ازاماتتى ۇرىپ، بالاعاتتايدى.

كەيبىر مالىمەتتەر بويىنشا، رەيد وزبەك استاناسىنداعى چيلانزار اۋدانىندا ورىن العان. ۆيدەونى رەيدتكە قاتىسۋشىلاردىڭ ءبىرى ءتۇسىرىپ العان. ۆيدەودا ايەل كيىمىن كيگەن ەر ادام قۇقىق قورعاۋ ورگاندارى قىزمەتكەرلەرىنە جىبەرۋىن ءوتىنىپ جاتىر. «وتىنەمىن، جىبەرىڭدەر، مەنىڭ وتباسىم بار»، - دەيدى ول.

الايدا جاۋاپ رەتىندە شۇعىل قىزمەتكەرلەر ونى اياعىمەن تەۋىپ، بەتىنە پىشاق تاقاپ: «قازىر وسى تۇرىڭمەن ىشكى ىستەر بولىمىنە باراسىڭ»،- دەيدى.

اتالعان ۆيدەو قۇقىق قورعاۋ ورگاندارى قىزمەتكەرلەرىنىڭ زورلىق-زومبىلىق ارەكەتىن كورسەتىپ قانا قويماي، ءداستۇرلى ەمەس سەكسۋالدى قارىم-قاتىناسقا دەگەن كوزقاراسىن كورسەتەدى. وزبەكستاندا زاڭعا سايكەس ءداستۇرلى ەمەس سەكسۋالدى ازشىلىق زاڭمەن قۋدالانادى. الايدا قۇقىق قورعاۋ قىزمەتكەرلەرىنە سەكسۋالدى ازشىلىققا قارسى قانداي دا ءبىر كۇش قولداۋنعا تىيىم سالىنعان. 

اباي-اقپارات