سارسەنبى, 1 ءساۋىر 2020
دەپ جاتىر 3014 0 پىكىر 5 قاڭتار, 2016 ساعات 18:24

مس سايلاۋبەك جۇرەتىن قىزىنىڭ بار ەكەنىن جانە كەلەسى جىلى ۇيلەنەتىنىن مالىمدەدى

تۇسىنىكسىز تىلىمەن الدىمەن عالامتور جۇلدىزىنا اينالىپ، كەيىننەن “ونەرىمەن” حالىققا جاقسى تانىلعان مس سايلاۋبەك 2016 جىلى ۇيلەنگىسى كەلەتىن نيەتىن ءبىلدىردى. بۇل تۋرالى رەپەر “كەشكى كەزدەسۋ” باعدارلاماسىندا اڭگىمەلەدى.

رەپ ورىنداۋشىسى سۇيىكتىسىنىڭ كىم ەكەنىن، قاي سالادا قىزمەت اتقاراتىنىن قۇپيا ۇستاۋدى ءجون كوردى. جۇرگىزۋشىنىڭ “جارىڭىزعا ارناپ “دەنى دۇرىس” ءان شىعاراسىز با؟ دەگەن سۇراعىنا ول بولاشاقتا قازاق تىلىندە 2-3 ءان دايىندايتىنىن جەتكىزدى.

ء“وزىمنىڭ ديدجەيلەرىم بار. سولار ماعان جازىپ بەرەدى”، – دەپ قىسقا قايىردى سايلاۋبەك.

سول ارادا ستۋدياعا قوناق رەتىندە شاقىرىلعان جاس ءانشى سەرىكبول سايلاۋبەك تانىمال رەپەرگە وزدەرىنەن كەڭەس سۇراۋعا بولاتىنىن ايتا كەتتى. ءارتىس ارىپتەسىنە ءجون سىلتەپ، جول كورسەتۋگە دايىن ەكەنىن مەڭزەدى.

ديدجەيلەر ەشقاشان دا ءسوز جازا المايدى، ولاردىڭ سوزدەرىنىڭ ءبارى وتىرىك
“بۇل كىسىنىڭ ونەردەن حابارى جوق شىعار. سول ءۇشىن بىزدەن كەلىپ اقىل-كەڭەس سۇراسا جاقسى. ديدجەيلەر ەشقاشان دا ءسوز جازا المايدى، ولاردىڭ سوزدەرىنىڭ ءبارى وتىرىك. سوندىقتان ونەر سالاسىندا اقىن-جازۋشى اعالارىمىز بار. سول كىسىلەر عانا دۇرىس ءسوز جازادى”، – دەيدى سەرىكبول سايلاۋبەك.

سونداي-اق، سەرىكبول رەپەر ارىپتەسىن تارازداعى كونتسەرتىندە بىرگە ونەر كورسەتۋگە شاقىرعانىن دا اتاپ ءوتتى. ونداعى ماقساتى، مس سايلاۋبەكتىڭ ونەرگە دەگەن كوزقاراسىن وزگەرتۋ ەكەن.

باعدارلاما بارىسىندا وتاندىق رەجيسسەر اسقار بيسەمبين مس سايلاۋبەكتىڭ “دارىندى” ەكەنىن مويىنداپ، “جىل جاڭالىعى” اتاعىنا لايىق ەكەنىن ايتتى.

اقپارات: NUR.KZ

0 پىكىر