ۋكراينانىڭ ەكونوميكالىق دامۋ مينيسترلىگى رەسەي قاڭتاردىڭ 4-نەن باستاپ، ءوز اۋماعى ارقىلى وتەتىن ۋكراين تاۋارلارىنىڭ ءترانزيتىن تولىق توقتاتقانى تۋرالى حابارلادى. اتالعان جاعداي بۇعان دەيىن شىققان پرەزيدەنت ۆلاديمير ءپۋتيننىڭ بۇيرىعى بويىنشا قالىپتاستى. ۋكراين تارابى بۇل وقيعانى "اشىق ەمەس، قيسىنسىز جانە كەمسىتەتىن" دەپ اتاپ، رەسەيدى دۇنيەجۇزىلىك ساۋدا ۇيىمى اياسىندا موينىنا العان مىندەتتەمەلەردى ورىنداماي وتىرعانى ءۇشىن ايىپتادى.

پۋتين قاڭتاردىڭ 1-دە ۋكراينادان كەلەتىن ترانزيتتىك جۇك تاسىمالىن رەتتەيتىن جارلىققا قول قويعان بولاتىن. وندا رەسەي ارقىلى قازاقستانعا باراتىن ۋكراين تاۋارلارىنىڭ  تەك بەلورۋسسيا اۋماعىمەن وتە الاتىنى كورسەتىلگەن. بۇدان بولەك، تاسىمالداۋشى گلوناسس ناۆيگاتسيالىق جۇيەسى نەگىزىندەگى سەكىلدى تەك ەرەجەدە كورسەتىلگەن ايقىنداۋشى قۇرالداردى پايدالانۋى ءتيىس.

سونىمەن بىرگە، 2016 جىلى قاڭتاردىڭ 1-نەن باستاپ رەسەي مەن ۋكراينا اراسىنداعى ەركىن ساۋدا ايماعى تۋرالى كەلىسىم دە توقتاتىلدى. بۇل ۋكراينا مەن ەو اراسىنداعى ەركىن ساۋدا ايماعى تۋرالى كەلىسىمگە قارسى جاۋاپ بولىپ وتىر.