بۇل جولعى ءباسپاسوز جيىنىنا كەلەتىن جۋرناليستەر سانى رەكوردتىق كورسەتكىشكە جەتتى. پرەزيدەنتپەن كەزدەسۋگە رەسەيلىك جانە شەتەلدىك باق-تىڭ 1390 قىزمەتكەرى تىركەلگەن.پرەزيدەنتتىڭ ءباسپاسوز حاتشىسى دميتري پەسكوۆتىڭ حابارلاۋىنشا، بىرنەشە جۋرناليست تىركەۋدەن وتپەي قالعان. الايدا ولاردىڭ ەسىمدەرىن اتاۋدان باس تارتتى.

رەسەيلىك جۋرناليستەر ءبىرىنشى كەزەكتە، مۇناي باعاسىنىڭ قۇلدىراۋىنا بايلانىستى ەلدەگى الەۋمەتتىك ماسەلەلەر مەن ەكونوميكانىڭ جالپى جاعدايى تۋرالى سۇراقتار قويادى دەپ كۇتىلۋدە. ساراپشىلاردىڭ پىكىرىنشە، شەتەلدىك باق وكىلدەرىن رەسەيدىڭ سىرتقى ساياساتتاعى قادامدارى، سيرياداعى جاعداي مەن تۇركيامەن اراداعى شيەلەنىس قىزىقتىرادى. 

جىل سايىن ۇلكەن ءباسپاسوز كونفەرەنتستسياسىن وتكىزۋدى ۆلاديمير پۋتين 2001 جىلى باستادى. 2008 جىلعى جۋرناليستەرمەن كەزدەسۋى مۇزاقتىعى جاعىنان رەكورد ورناتتى. ول كەزدە پۋتين 4 ساعات 40 مينۋت ىشىندە 106 سۇراققا جاۋاپ بەردى.

اباي-اقپارات