بۇل تۋرالى قىتايدىڭ چجەنچجوۋ قالاسىندا جەلتوقساننىڭ 15-ءى كۇنى وتكەن شىۇ-نا مۇشە ەلدەر ۇكىمەتى باسشىلارى كەڭەسىنىڭ وتىرىسىندا وزبەكستان پرەمەر-ءمينيسترىنىڭ ءبىرىنشى ورىنباسارى رۋستام ازيموۆ مالىمدەدى.

قىتاي پرەمەر-ءمينيسترى لي كەتسيان شانحاي ىنتىماقتاستىق ۇيىمى شەڭبەرىندە ەركىن ساۋدا ايماعىن قۇرۋعا قاتىستى ناقتى شارالار جيىنتىعىن ازىرلەۋدى ۇسىنعان بولاتىن.

وزبەكتىڭ «جاحون» اقپارات اگەنتتىگىنىڭ حابارلاۋىنشا، رۋستام ازيموۆ قىتاي ۇكىمەتى باسشىسى ۇسىنعان باعىتتىڭ شىۇ-نىڭ 2025 جىلعا دەيىنگى دامۋ ستراتەگياسىندا كورسەتىلمەگەنىن العا تارتقان. بۇل ستراتەگيانى بيىلعى جىلدىڭ شىلدەسىندە ۋفا قالاسىندا مەملەكەت باسشىلارى قابىلداعان ەدى.

دەگەنمەن ازيموۆ، وزبەكستان شىۇ-نا مۇشە ەلدەر اراسىنداعى ساۋدا-ەكونوميكالىق بايلانىستاردىڭ ودان ءارى دامۋىن جانە وسى سالاداعى وزگە دە شارالاردىڭ جۇزەگە اسىرىلۋىن قالايتىنىن اتاپ كەتكەن.

اباي-اقپارات