شىمكەنتتە بيىل جاڭا جىلدىق بەزەندىرۋگە قارجى بولىنبەيدى. وسىعان دەيىن بەزەندىرۋ جۇمىستارىنا ء بولىنگەن 80 ميلليون تەڭگە قايىرىمدىلىققا جۇمسالاتىن بولادى. بۇل تۋرالى abai.kz پورتالى قالا اكىمدىگىنىڭ ءباسپاوز قىزمەتىنە سىلتەمە جاساي وتىرىپ حابارلادى.

شاھار باسشىسى عابيدوللا ءƏبدىراحىموۆتىڭ ۇسىنىسىمەن بۇدان بۇرىن شىرشا بەزەندىرۋ جۇمىستارىنا بولىنگەن 80 ميلليون تەڭگەنىڭ جۇمسالۋ ماقساتى تۋرالى ماسەلە شمكەنت قالالىق ء ماسليحاتىندا قايتا قارالعان.  

باسقوسۋداعى تالقىلاۋ ناتيجەسىندە مۇنشا قارجى ەندى 5500-گە جۋىق جەتىم جəنە əلەۋمەتتىك از قامتىلعان وتباسىنىڭ بالالارىنا كومەك كورسەتۋگە باعىتتالاتىن بولىپ شەشىلدى.

وسىلايشا جاڭا جىل قارساڭىندا الەۋمەتتىك از قامتىلاتىن بالالار قىسقى كيىم-كەشەكتەرمەن قامتاماسىز ەتىلمەك.

جەلتوقسان ايى كەلەر كەلمەس قازاقستاندا جاڭا جىلعا وراي قالانى بەزەندىرۋ مەملەكەتتىك دەڭگەيدە قاراستىرىلىپ، ارلەۋشىلەردىڭ جۇمىس اۋقىمى كەڭەيە تۇسەدى. وڭدى-سولدى شاشىلىپ جاتقان ميلليوندار، قالاشىعىمەن قوسا ەرىپ كەتكەن ميلليوندار... سويتە تۇرا، بىزدە داعدارىس دەپ داۋرىعامىز- اۋ كەلىپ. ەندى ءبىر اپتادان كەيىن الاشتىڭ ۇلىق مەرەكەسى تاۋەلسىزدىك كۇنى بولادى. ەلدىڭ ەگەمەندىگىن اسپەتتەيتىن ەڭ قاسيەتتى مەرەكە جاڭا  جىلدىڭ كولەڭكەسىندە قالىپ كەلەدى دەپ وكىنىشتەن وزەگىمىز ورتەنىپ ءجۇر.

بيىل جاڭا جىلدىق  شىرشا ءۇشىن قاي ءوڭىر ميلليون تەڭگە بولگەلى وتىر؟

راس، ءتاۋ ەتەر قاسيەتتى كۇننىڭ كوك  تيىندىق قۇنىن قالدىرماعان ۇكىمەتتىڭ شىرشاسى شىرقىمىزدى بۇزدى. ءتىپتى، وبلىس باسشىلارى شىرشا جاعۋدان جارىس ۇيىمداستىرعانداي دالاقپايلانىپ جاتقانى دا جاسىرىن ەمەس. بيىلعى جىلى وڭىرلەردە شىرشا قۇنى  18 ميلليون مەن 138 ميلليوننىڭ اراسىندا بولماق. ال، وسىنشا كولمەدەگى ميلليوندار كوكتەمگە جەپتەي ەرىپ كەتىپ جاتىر. مىسالى، استانا قالاسىندا ميلليون تەڭگەگە سالىنىپ جاتقان مۇز قالاشىعى ءبىر-اق كۇننىڭ ىشىندە ەرىپ كەتتى. سوعان قاراماستان، كۇنى كەشە عانا بەگىلى بولعانداي قوستاناي وبلىسىنىڭ باسشىلارى ورتالىق الاڭدا دا قۇنى 1  ميلليونعا باعالانعان مۇز قالاشىعىن سالۋدا.

جالپى، جاڭا جىلعا دەگەن دايىندىقتى ەكى اي بۇرىن باستاۋ ادەتى ءبىزدىڭ شەنەۋنىكتەردىڭ قانىنا ءسىڭىپ العان سياقتى. راس، نۇر وتان پارتياسى توراعاسىنىڭ ءبىرىنشى ورىنباسارى  اسقار مىرزاحمەتوۆ پەن ونىڭ كەڭەسشىسى بەرىك ءۋالي مىرزالار باستاما كوتەرىپ، تاۋەلىزدىك كۇنىنە دەيىن شىرشا جاعۋدان باس تارتۋعا ۇندەگەن بولاتىن. الايدا، اسەكەڭنىڭ وزىنە قۇلاق اساتىن كىم بار؟..

ال، مەملەكەتتىڭ يدەولوگياسىن ونداي ادامدار جۇرگىزىپ وتىرعان جەردە، ولاردىڭ ءتالىم-تاربيە، ۇگىت-ناسيحات، باعىت-باعدار، ءىس-ارەكەتىن كورگەن، وعان كوزى، قۇلاعى، بويى، بولمىسى ۇيرەنگەن بىلايعى جۇرت تا ولار اينالعان شەڭبەردەن شىعا المايتىنى انىق. قازىرشە ءبارىمىز شىرشانى اينالعان شەڭبەردىڭ بويىندا ءجۇرمىز. ال، كۇندەردىڭ كۇنى سول شەڭبەر بۇزىلعاندا عانا تاۋەلسىزدىكتى تورىمىزگە شىعاراتىن حالگە جەتەمىز. شىندىق وسى.

نۇرگەلدى ابدىعانيۇلى

Abai.kz