ترامپ پرەزيدەنت بولۋ قۇقىعىنان ايرىلۋى مۇمكىن
2016 جىلعى اقش پرەزيدەنتى سايلاۋىنا قاتىساتىن رەسپۋبليكالىق پارتيانىڭ ۇمىتكەرىنىڭ ءبىرى - دونالد ترامپتىڭ مۇسىلمانداردى اقش-قا كىرگىزبەۋ تۋرالى مالىمدەمەسى اق ءۇيدىڭ سىنىنا ۇشىرادى.
اق ءۇي ءباسپاسوز حاتشىسى دجوش ەرنەستتىڭ باعالاۋىنشا، مۇناداي پايىمداۋلار ونى پرەزيدەنت بولۋ قۇقىعىنان ايىرادى.
اق ءۇي ءباسپاسوز حاتشىسى مۇنداي ۇسىنىستىڭ ترامپتى دودا جولىنان "شىعاراتىنىن" جانە ونىڭ سايلاۋالدى ناۋقانى "تاريحتىڭ شاڭ باسقان بۋمالارىن" ەسكە تۇسىرەتىنىن ايتتى.
ترامپ بولعان وقيعالاردىڭ اراجىگىن ايىرعانعا دەيىن بارلىق مۇسىلماندى اقش-قا مۇلدەم كىرگىزبەۋ كەرەكتىگىن مالىمدەگەن ەدى. جەلتوقساننىڭ 7-دە ترامپ مۇنداي شارانى وتكەن اپتادا كاليفورنيادا ادامدارعا وق اتقان ەرلى-زايىپتى مۇسىلمان وتباسىنىڭ ىسىنەن كەيىن ۇلتتىق قاۋىپسىزدىكتى جاقسارتاتىن ءادىس ەسەبىندە ۇسىندى.
اباي-اقپارات
