بۇل ماسەلە جاقىندا كاليفورنياداعى جاپپاي ادام ءولىمى وقيعاسىنان سوڭ وزەكتى بولا باستادى.

دجونسوننىڭ سوزىنشە، شابۋىلعا قاتىستى دەپ كۇدىكتەلگەن تاشفين ماليك ەسىمدى ايەل 2014 جىلى امەريكالىق ازاماتپەن وتباسىن قۇرۋ ءۇشىن ەلگە كەلۋگە رۇقسات ەتىلگەن 519 پاكىستان ازاماتىنىڭ قاتارىندا بولعانى انىقتالعان سوڭ، وسى ەرەجەنى وزگەرتۋ ماسەلەسى تۋعان.

اقش مەملەكەتتىك دەپراتارمەنتىنىڭ دەرەگىنشە، 2014 جىلى شەتەل ازاماتتارىنا 9,9 ميلليون ۆيزا بەرىلگەن، ونىڭ ىشىندە 36 مىڭ ادام كۇيەۋ مەن قالىڭدىق ۆيزاسىن العان.

تاشفين ماليك جانە ونىڭ كۇيەۋى سايد ريزۆان فارۋك جەلتوقساننىڭ 2-دە سان-بەرناردينوداعى مۇگەدەكتەر ورتالىعىنا شابۋىل جاسادى دەپ ايىپتالعان. ول كەزدە 14 ادام قازا تاۋىپ، 20-دان استامى جارالانعان ەدى. شابۋىل جاساعاندار پوليتسيامەن اتىس كەزىندە وققا ۇشتى.

اباي-اقپارات