شىمكەنت قالاسى «دوستىق» شاعىن اۋدانىندا ءورت ءسوندىرۋ دەپوسىنىڭ اشىلۋ ءراسىمى ءوتتى. سالتاناتتى شاراعا ۆيتسە-مينيستر ۆ.بوجكو مەن وبلىس اكىمى ب.اتامقۇلوۆ قاتىستى.

اشىلۋ سالتاناتىندا ءسوز العان وبلىس باسشىسى وڭىرىمىزدە جىل سايىنعى تۇرعىنداردىڭ وسىمىنە بايلانىستى ازاماتتاردىڭ قاۋىپسىزدىگى، سونداي-اق توتەنشە جاعدايلاردى ەسكەرتۋ مەن ونى جويۋدى قولعا الۋ باستى ماسەلەلەر ەكەندىگىن ايتتى.

ءبىزدىڭ ايماققا 118 ءورت ءسوندىرۋ دەپوسى قاجەتتى بولسا، ونىڭ 47-ءسى عانا وسىندا ورنالاسقان.

وسىنى ەسكەرگەن وبلىس اكىمى توتەنشە جاعدايلار دەپارتامەنتى ماتەريالدىق-تەحنيكالىق بازانى نىعايتۋعا، جاڭا ءورت ءسوندىرۋ دەپوسىنىڭ قۇرىلىسىنا قارجى قاراستىرۋ قاجەتتىگىن ايتتى. وسىعان بايلانىستى بۇگىندە قر بيۋدجەتتىك كودەكسىنە مينيسترلىكتەر مەن ۆەدومستۆولاردان تولىقتىرۋلار جونىندە ساۋالدار جاسالۋدا.

«سىيىمدىلىعى التى اۆتوكولىككە ارنالعان جاڭا ءورت ءسوندىرۋ ءبولىمىنىڭ قۇرىلۋى قوسىمشا جۇمىس ورىندارىن اشۋعا جول اشادى. بۇل تۇرعىنداردى جۇمىسپەن قامتۋ جونىندەگى ستراتەگيانىڭ جۇزەگەگە اسۋىنا ىقپال ەتەدى. ءورت ءسوندىرۋ دەپوسىنىڭ ىسكە قوسىلۋى وسىنداعى ءتيىستى بولىمشەلەردىڭ توتەنشە جاعدايلاردا جەدەل ءارى ۇيىمداسقان تۇردە اۋىزدىقتاۋىنا مۇمكىندىك بەرەدى. بۇل ءوز كەزەگىندە ماتەريالدىق شىعىندار مەن ادام ءولىمىنىڭ مەيلىنشە از بولۋىنا ىقپال ەتپەك»،- دەدى ءوز سوزىندە ۆ.بوجكو.

ايماق باسشىسى ءورت قاۋىپسىزدىگى جۇيەسىنىڭ تۇراقتى جۇمىس جاساۋىنا وبلىس اكىمدىگى تاراپىنان بارلىق جاعداي جاسالاتىنىن سەندىردى.

ايتا كەتۋ كەرەك، وڭتۇستىك قازاقستان وبلىسىنىڭ اۋماعىندا سوڭعى 30 جىل ىشىندە بۇل سالىنعان دەپو ءبىرىنشى بولىپ وتىر. ءتورت قاباتتان تۇراتىن ءورت ءسوندىرۋ دەپوسى زاماناۋي تالاپتارعا ساي قۇرال-جابدىقتارمەن، تۇرمىستىق تەحنيكالارمەن، تۇرعىن جاي بولمەلەرىمەن قامتاماسىز ەتىلگەن. نىساننىڭ اۋماعىندا وقۋ عيماراتى، كاسىبي بىلىكتىلىكتەرىن شىڭداۋعا ارنالعان سپورت الاڭى دا بار.

جاڭا ءورت ءسوندىرۋ ءبولىمى «دوستىق» شاعىن اۋدانىنىڭ جانە 58 500 حالقى بار جاقىن ورنالاسقان ەلدى مەكەندەردىڭ ورتكە قارسى قورعاۋدى قامتاماسىز ەتەدى.

وقو اكىمىنىڭ ءباسپاسوز قىزمەتى

Abai.kz