وڭتۇستىك قازاقستان وبلىسىنىڭ اكىمى بەيبىت اتامقۇلوۆ اۋىر اتلەتيكادان الەم چەمپيوناتىنىڭ كۇمىس جۇلدەگەرى جازيرا جاپپارقۇل مەن ونىڭ باپكەرى – اۋىر اتلەتيكادان قر ەڭبەك سىڭىرگەن شەبەرى ۆ.ءنيۋدى ماراپاتتادى، - دەپ حابارلايدى اباي-اقپارات وڭتۇستىك قازاقستان وبلىسى اكىمدىگىنىڭ ءباسپاسوز قىزمەتىنە سىلتەمە جاساپ.
بۇگىن ءوڭىر باسشىسى بەيبىت اتامقۇلوۆ اۋىر اتلەتيكادان قر ەڭبەگى سىڭگەن سپورت شەبەرى جازيرا جاپپارقۇل مەن ونىڭ باپكەرى - اۋىر اتلەتيكادان قر ەڭبەگى سىڭگەن سپورت شەبەرى ۆ.ءنيۋدى قابىلدادى.
كەزدەسۋدە وبلىس اكىمى جازيرا جاپپارقۇلدى تاياۋدا عانا امەريكانىڭ حيۋستون قالاسىندا وتكەن اۋىر اتلەتيكادان ەرەسەكتەر مەن ايەلدەر اراسىنداعى الەم چەمپيوناتىندا جەڭىپ العان كۇمىس جۇلدەسىمەن قۇتتىقتاپ، 4 ميلليون تەڭگەنىڭ قارجىلاي سەرتيفيكاتىن تابىستادى. ال باپكەرى ۆ.نيۋگە 1 ميلليون تەڭگەنىڭ قارجىلاي سىيلىعى بەرىلدى.
باسقوسۋدا ايماق باسشىسى وڭىرىمىزدەگى سپورت سالاسىنداعى جۇمىستاردىڭ جوعارى دەڭگەيدە اتقارىلىپ جاتقانىن ايتىپ، سپورتشىلارعا العىسىن ءبىلدىردى.
ەسكە سالايىق، وسى جىلدىڭ 20-29 قاراشا ارالىعىندا امەريكانىڭ حيۋستون قالاسىندا اۋىر اتلەتيكادان ەرەسەكتەر مەن ايەلدەر اراسىندا الەم چەمپيوناتى وتكەن بولاتىن. قازاقستان رەسپۋبليكاسىنىڭ ۇلتتىق قۇراما ساپىندا وڭتۇستىكقازاقستاندىق 4 سپورتشى قاتىسىپ، ناتيجەسىندە جازيرا جاپپارقۇل 69 كەلى سالماقتا 2-ورىندى جەڭىپ الىپ ريو-دە-جانەيرو وليمپياداسىنا جولدامانى جەڭىپ العان ەدى.
ايتا كەتەيىك، وڭتۇستىك قازاقستان وبلىسى سپورتشىلارىنىڭ قورجىنىندا ريو-دە-جانەيرو وليمپياداسىنا، ازىرگە، 12 جولداما بار. وسى كورسەتكىش بويىنشا وڭتۇستىك ءوڭىرى رەسپۋبليكادا كوش باستاپ تۇر. جولدامانىڭ سانى جىل سوڭىنا دەيىن مۇنان دا ارتۋى مۇمكىن. وتكەن جىلى وبلىس سپورتشىلارىنىڭ قانجىعاسىندا 10 جولداما بولعان ەدى.
وقو اكىمىنىڭ ءباسپاسوز قىزمەتى
Aباي-اقپارات
