شىمكەنتتە   قوس باسىلىمىنىڭ اتىمەن اتالاتىن تاعى ءبىر اللەيا اشىلدى. ونى دا   جۋرناليستەر قامقورلىعىنا الماق.

– جۋرناليستەر اللەياسىنىڭ اشىلۋى بىزگە كورسەتىلگەن قۇرمەت ءارى ۇلكەن جاۋاپكەرشىلىك. بۇل قالامىزدىڭ دامۋىنا ۇلكەن ۇلەس قوسقان قوس باسىلىم رەداكتسياسى ۇجىمىنىڭ، جالپى وڭتۇستىك ءوڭىرى جۋرناليستەرىنىڭ ەڭبەگىن باعالاۋ دەپ ەسەپتەيمىن. قالا اكىمدىگىنىڭ جۋرناليستەردى قولداۋىنىڭ ناتيجەسىندە اشىلعان اللەيا شىمكەنتتىكتەردىڭ سۇيىكتى دەمالىس ورنىنا اينالادى دەگەن ۇمىتتەمىز، – دەدى «شىمكەنت اقپارات ورتالىعى» جشس-ءنىڭ ديرەكتور-باس رەداكتورى ايگۇل قاپباروۆا.
جۋرناليستەر جانە سالتاناتتى شاراعا جينالعان قاۋىم جاڭا اللەياعا العاشقى كوشەتتەردى وتىرعىزاتىن بولادى.

مۇنىڭ الدىندا شىمكەنت ساياباقتارىندا تەگىن ينتەرنەت  بولاتىنىن   “توقتاما” سايتىنا سىلتەمە جاساي وىتىرىپ حابارلاعان ەدىك.  بۇل حاباردا شىمكەنتتەگى 4 ساياباق پەن 2 اللەيادا تەگىن، ءليميتسىز Wi-Fi ينتەرنەت قىزمەتىن ىسكە قوسىلعانى ايتىلعان.  

ينتەرنەتكە تەگىن قوسىلاتىن ۋاي-فاي نۇكتەلەر: “اباي”، “تاۋەلسىزدىك”، “جەڭىس”، ورتالىق ساياباقتاردا جانە  “جاستار”، ء“نۇرسات” اللەيالارىندا بار.

 1. “اباي” ساياباعى

 “داڭق” مەموريالى ماڭىندا Shymkent Wi-Fi ارقىلى ينتەرنەتكە قوسىلۋ مۇمكىن بولمادى. نوۋتبۋك ەكرانىنا “بۇل قوسىلۋ شەكتەلگەن” دەگەن جازۋ قايتا-قايتا شىعا بەردى. كەي جەرلەرىندە ءتىپتى بايلانىس جوعالىپ كەتىپ وتىردى. سمارتفون ارقىلى دا بايلانىس ورناتىلمادى.

2. “جاستار” اللەياسى

“ابايا” ساياباعىنا كورشىلەس جاتقان “جاستار” اللەياسىندا  دا Shymkent Wi-Fi ورناتىلعان. الايدا، اللەيانىڭ ع. ىلياەۆ كوشەسى جاعىنداعى قاقپاسى ماڭىنان Shymkent Wi-Fi نۇكتەسى تابىلمادى. ءۇش رەت ىزدەدىك. تابىلمادى.

ورتالىق ساياباق

قالا جۇرتشىلىعىنىڭ ءجيى كەلەتىن، اعاشتارىنىڭ كولەڭكەسى قويۋ ساياباقتاردىڭ ءبىرى – ورتالىق ساياباق.

ساياباق ورتاسىنداعى سۋبۇرقاقتىڭ  جانىنا وتىرىپ، Shymkent Wi-Fi دىڭ جىلدامدىعىن سىنادىق. Shymkent Wi-Fi نۇكتەسى تابىلدى. بىراق، “بۇل قوسىلۋ شەكتەلگەن” دەپ جازۋ شىقتى.

“تاۋەلسىزدىك ” ساياباعى

وڭتۇستىك جۇرتشىلىعىنىڭ ماقتانىشى – “تاۋەلسىزدىك” ساياباعى. ساياباقتىڭ ءوزىندىڭ ەرەك اۋراسى بار. ء مان-ماعىناعا يە سيمۆوليكالىق بەلگىلەر مول. الايدا، “تاۋەلسىزدىك” ساياباعىنداعى Shymkent Wi-Fi نۇكتەسى ء بىزدىڭ يەلىكتەگى نوۋتبۋكتى ينتەرنەتكە جالعاۋعا “قۇلىقسىزدىق تانىتتى”.

“جەڭىس” ساياباعى

اۋماعى شاعىن “جەڭىس” ساياباعىنداعى Shymkent Wi-Fi نۇكتەسىنىڭ ينتەرنەتكە قوسىلۋ جىلدامدىعى السىزدىك تانىتتى. ينتەرنەت بايلانىسى بار. الايدا، سايتتاردى اشۋ  جىلدامدىعى تومەن. “جەڭىس” ساياباعىندا Shymkent Wi-Fi نۇكتەسى ارقىلى ينتەرنەتكە قوسىلۋ ورىندالدى. قوسىلۋ جىلدامداعىن تەكسەرۋ speedtest.net سەرۆيسى ارقىلى مۇمكىن بولماعانىمەن، انالوگتىق سەرۆيستەر جىلدامدىقتى شىعارىپ بەردى. بۇل ناتيجەنىڭ قانشالىقتى راس ەكەندىگى كۇماندى. ويتكەنى، جىلدامدىق كورسەتكىشى ءتاۋىر بولعانىمەن، سايتتاردىڭ اشىلۋى وتە باياۋ.

 ء“نۇرسات” اللەياسى

جاڭا مەكەندەگى جاڭا اللەياعا ورناتىلعان Shymkent Wi-Fi نۇكتەسىنىڭ ينتەرنەتكە قوسىلۋ جىلدامدىعى كوڭىلدەن شىقتى. سايتتار تەز اشىلدى.

ء“نۇرسات” اللەياسى

اۋەلدە Shymkent Wi-Fi تەگىن ينتەرنەت جەلىسى ىسكە قوسىلعاندا، ءار ساياباقتاعى نۇكتەنى 300-دەن 1000 ادامعا دەيىن ءبىر مەزگىلدە پايدالانا الادى دەپ حابارلانعان ەدى. ينتەرنەت جىلدامدىعى سەكۋندىنا 8 مەگابيت بولادى دەپ ايتىلعان. بىراق، تەكسەرۋ بارىسىندا ەشبىر ساياباقتان جىلدامدىعى سەكۋندىنا 8 مەگابيت بولاتىن بايلانىس تىركەلمەدى.

“اباي” مەن “جەڭىس” ساياباقتارىندا جانە ء“نۇرسات” اللەياسىندا Shymkent Wi-Fi نۇكتەسى ارقىلى ينتەرنەتكە قوسىلۋ ورىندالدى. “تاۋەلسىزدىك” ساياباعىندا نوۋتبۋكپەن ينتەرنەتكە قوسىلۋ مۇمكىن بولمادى. بىراق، سمارتفونمەن سايتتاردى “ارالاپ شىقتىق”.  ورتالىق ساياباق پەن جاستار اللەياسىندا Shymkent Wi-Fi ارقىلى ينتەرنەتكە قوسىلمادى.

ەسكە سالساق، شىمكەنتتەگى ساياباقتار مەن  اللەيالارعا تەگىن Wi-Fi ينتەرنەت نۇكتەلەرىن ورناتۋ جۇمىستارىمەن “Payda innovations” جشس اينالىستى. بيۋدجەتتەن 8 ملن تەڭگە ءبولىندى.

ايتپاقشى، ساياباقتار مەن اللەيالارداعى جۇرتشىلىقتان مۇندا تەگىن Wi-Fi ينتەرنەتى بار ەكەنىن بىلەتىن، نە  بىلمەيتىنىن سۇراستىرعان ەدىك. جاۋاپ بەرگەن  كىسىلەردىڭ باسىم بولىگى حابارسىز بولىپ شىقتى. وسى سەبەپتى دە تەگىن Wi-Fi نۇكتەلەرى بار ورىنداردا حابارلاندىرۋ تاقتايشالار ىلىنسە دەگەن تىلەك بار.

Abai.kz