قازاقستان پرەزيدەنتى نۇرسۇلتان نازارباەۆتىڭ جارلىعىمەن ولجاس سۇلەيمەنوۆكە «قازاقستاننىڭ ەڭبەك ەرى» اتاعى بەرىلدى. بۇل تۋرالى اقوردانىڭ ءباسپاسوز قىزمەتىنەن حابارلادى.

و.و.سۇلەيمەنوۆكە جوعارى دəرەجەلى ەرەكشەلىك بەلگىسى – «قازاقستاننىڭ ەڭبەك ەرى» اتاعىن بەرۋ تۋرالى قازاقستان پرەزيدەنتىنىڭ جارلىعى:

قاۋلى ەتەمiن:

1. وتاندىق ادەبيەتتى دامىتۋعا قوسقان ايرىقشا ۇلەسى، سونداي-اق بەيبىتشىلىك پەن ازاماتتىق كەلىسىمدى نىعايتۋعا باعىتتالعان بەلسەندى قوعامدىق قىزمەتى ءۇشىن اقىن، قوعام قايراتكەرى ولجاس ومارۇلى سۇلەيمەنوۆكە جوعارى دارەجەلى ەرەكشەلىك بەلگىسى – «قازاقستاننىڭ ەڭبەك ەرى» اتاعى بەرىلسىن.

2.  وسى جارلىق قول قويىلعان كۇنىنەن باستاپ قولدانىسقا ەنگىزىلەدى.

ەسكە سالا كەتسەك، بۇگىن ولجاس سۇلەيمەنوۆ 80 جاسقا تولدى. بۇعان دەيىن بەلگىلى ورىس اقىنىنىڭ ءبىر سۇحبات بارىسىندا “قازاقستان ءۇشىن تولىق تاۋەلسىزدىك ۇلكەن قاتەر” دەگەنى قوعامدا نارازىلىق تۋدىرعان ەدى.

Abai.kz