سەيسەنبى, 21 قىركۇيەك 2021
بىلگەنگە مارجان 3546 0 پىكىر 13 مامىر, 2016 ساعات 13:42

BBC 10 جىل بۇرىن بايقاۋسىزدا تىكەلەي ەفيرگە بوتەن ادامدى شىعارىپ جىبەرگەن

10 جىل بۇرىن جۇمىسسىز گاي گوما لوندوننىڭ باتىسىندا ورنالاسقان ۆۆس تەلەورتالىعىنا IT-مامانى رەتىندە اڭگىمەلەسۋگە شاقىرىلعان بولاتىن. وسى كەزدە ارنايى كۇتۋ بولمەسىندە ستۋدياعا كەلىپ تىكەلەي ەفيردە Apple مەن بيتلز اۋەندەرىن يەدەنەتىن Apple ستۋدياسى اراسىنداعى بولىپ جاتقان سوت پروتسەسىنە قاتىستى ءوز ويىن ءبىلدىرۋ ءۇشىن ينتەرنەت ەكسپەرتى گاي كەۆني دايىندالىپ وتىرعان بولاتىن. 

 
سول كەزدە گاي كەۆنيدى كۇتۋ بولمەسىنەن شاقىرىپ كەلۋگە ءتيىستى تەلەستۋديا قىزمەتكەرىنىڭ قاتە نۇسقاۋىمەن ولار ساراپشىنى باسقا جەردەن ىزدەي باستاعان ەكەن. ال ونىڭ وتىرعان جەرىن سۇراعان كىسىگە اكىمشىلىك قىزمەتكەرى سەنىمدى تۇردە ءارى بىرنەشە رەت گاي گومانى نۇسقاعان. الايدا تەلەستۋديا قىزمەتكەرى گاي كيۋنيدى فوتوسۋرەتتەن كورىپ، ونىڭ اققۇبا ءارى بويى الاسا ەكەندىگىن بىلەتىن ەدى. بىراق ۋاقىتتىڭ تىعىز بولۋىنا بايلانىستى، ول ءوزىن قاتەلەسكەن شىعارمىن دەپ ويلاپ، كونگولىق جىگىتتى ستۋدياعا تىكەلەي ەفيرگە شىعارىپ سالادى.

ودان ءسال ۋاقىت بۇرىن ول قوناقتان: ء«سىزدىڭ اتىڭىز شىنىمەن دە گاي ما؟» دەپ تە سۇراپ الادى. ال گوما بولسا وعان: ء«دال سولاي» دەپ جاۋاپ قاتىپ، وسىدان كەيىن قىزمەتكەر ونىڭ ءدال سول قوناق ەكەنىنە تۇپكىلىكتى سەنەدى.
وسىلايشا ول گاي گومانى BBC News 24 ستۋدياسىنا الىپ كەلەدى. وعان اسىقپاي، ماكياج جاساپ، تەلەكامەرا الدىنا وتىرعىزىپ، ميكروفوندارىن دا بەكىتىپ بەرەدى. ءبىرازدان سوڭ تىكەلەي ەفير دە باستالىپ، جاڭالىقتار جۇرگىزۋشىسى كارەن بوۋەرمان كورەرمەندەرگە گومانى ينتەرنەت-تەحنولوگيالار سالاسىنداعى ساراپشى گاي كەۆني دەپ تانىستىرعان مەزەتتە عانا، گوما ۇلكەن قاتەلىكتىڭ ورىن العانىنا كوزى جەتىپ، ءبىراز ۋاقىت سوزگە كەلە الماي قالادى. ونىڭ وسى ساتتەگى ءتۇرى دە كادردا انىق بايقالادى. بىراق سوعان قاراماستان، ول ءوزىنىڭ فرانتسۋزدىق اكتسەنتىمەن ارالاسقان اعىلشىن تىلىندە Apple Corps پەن Apple Studio اراسىنداعى سوت ىسىنە بايلانىستى جانە ونىڭ سالدارى مۋزىكالىق يندۋستارياعا قالاي اسەر ەتەتىندىگى جونىندەگى وزىنە قويىلعان سۇراقتارعا شاماسى كەلگەنشە جاۋاپ بەرىپ، "ساراپشى" ءرولىن ءساتتى ورىنداپ شىعادى. 

ەگەر اتالعان ۆيدەودا گاي گومانىڭ تاڭقالىسى كورسەتىلگەن كادردى ەسەپكە المايتىن بولساق، ينتەرۆيۋدىڭ شىنايى بولعانىنا كەۆنيدى جاقىن تانىمايتىنداردان باسقالارى ەش كۇمان كەلتىرمەيتىن شىعار. ال كيۋنيدىڭ ءوزى بولسا كۇتۋ بولمەسىندە وتىرىپ، ء«وزىن» تەلەديداردان كورىپ، ەسىنەن تانىپ قالا جازداپتى.

ايتا كەتۋ كەرەك، گاي گوما ءوزىنىڭ اتىشۋلى ينتەرۆيۋىنەن قىرىق مينۋت وتكەننەن كەيىن ون مينۋتقا سوزىلعان اڭگىمەلەسۋگە شاقىرىلىپ (نەگىزگى ماماندىعى بويىنشا), الايدا ونىڭ قورىتىندىسى بويىنشا گاي جۇمىسقا قابىلدانباعان كورىنەدى. ايتسە دە، گوما وسى وقيعادان كەيىن ءارتۇرلى تەلەشوۋلاردىڭ («دجوناتان روسسپەن بىرگە جۇمانىڭ كەشى»، «Prince’s Trust»، Channel 4, CNN, BBC World News ت.ب) جۇلدىزىنا اينالىپ شىعا كەلدى. نازارلارىڭىزعا ينتەرۆيۋدىڭ ۆيدەو نۇسقاسىن ۇسىنامىز:

دەرەككوزى: kaznews.mn

Abai.kz

 

 

0 پىكىر