سەنبى, 31 قازان 2020
COVID-19 قازاقستاندا. جۇقتىرعاندار — 111492. جازىلعاندار — 106187. قايتىس بولعاندار — 1825
ساياسات 7799 1 پىكىر 6 مامىر, 2016 ساعات 15:37

رەيتينگ: تاسماعامبەتوۆ تاعى دا كوش باستاپ تۇر

«ستراتەگيا» الەۋمەتتىك جانە ساياسي زەرتتەۋلەر ورتالىعى بيلىكتە جۇرگەن ەليتانىڭ رەيتينگىسىن جاريا ەتتى. ءبىر اتاپ وتەرى رەيتينگ ساۋالنامانىڭ ناتيجەسىندە شىعارىلعان. وعان 24 ساراپشى قاتىسىپتى. دالىرەگى ساراپشىلار دەگەنىمىز ساياساتكەرلەر، جۋرناليستەر مەن بيزنەسمەندەر جانە قوعامدىق ۇيىمنىڭ وكىلدەرى ەكەن.

سونىمەن 2016 جىلدىڭ ءبىرىنشى توقسانىنىڭ قورىتىندىسى بويىنشا قورعانىس ءمينيسترى يمانعالي تاسماعامبەتوۆ كوشباسشى بولىپ تابىلدى. قازاقستاندا وعان تەڭ كەلەتىن ساياساتكەر جوق بولىپ شىقتى (ايتا كەتەيىك، 42 شەنەۋنىكتەن تۇراتىن تىزىمدە ەلباسى جوق). ودان كەيىنگى ورىن پرەزيدەنت اكىمشىلىگىنىڭ جەتەكشىسى نۇرلان نىعماتۋلينگە بۇيىردى. ءۇشىنشى ورىندا پرەزيدەنتتىڭ شتاتتان تىس كەڭەسشىسى، اتىشۋلى ميللياردەر بولات وتەمۇراتوۆ، ءتورتىنشى ورىندا سەناتور، ۇلتتىق قاۋىپسىزدىك كوميتەتىنىڭ ەكس-توراعاسى نۇرتاي ابىقاەۆ، ال بەسىنشى ورىندا سەنات توراعاسى قاسىم-جومار توقاەۆ تۇر.

ءا.جاقسىبەكوۆ پەن ا.ەسىموۆ التىنشى، جەتىنشى ورىنداردى، ال ك.ءماسىموۆ سەگىزىنشى ورىندى يەلەندى. ق.بوزىمباەۆ ونىنشى، د.نازارباەۆا ون ءبىرىنشى، ءو.شوكەەۆ جيىرماسىنشى، ال «نۇر وتان» پارتياسى توراعاسىنىڭ ءبىرىنشى ورىنباسارى اسقار مىرزاحمەتوۆ 35-ءىنشى ورىنعا جايعاسىپتى.

يمانعالي تاسماعامبەتوۆ استانانىڭ اكىمى بولعان كەزدە وبلىس اكىمدەرىنىڭ رەيتينگىسىندە ىلعي ءبىرىنشى تۇراتىن. ول ۇكىمەتكە اۋىسقاننان كەيىن دە كوشباسشىلىق قاسيەتىن ساقتاپ قالدى. ال كەزىندە وبلىس اكىمدەرىنىڭ رەيتينگىسىندە ەكىنشى، ءۇشىنشى، ءتىپتى ءبىر جولى جىلدىڭ قورىتىندىسى بويىنشا «ۇزدىك اكىم» اتانعان وڭتۇستىك قازاقستان وبلىسىنىڭ بۇرىنعى اكىمى اسقار مىرزاحمەتوۆتىڭ رەيتينگىسى قىزمەت اۋىستىرعان سوڭ نەگە مۇنشالىقتى تومەندەپ كەتتى؟ بۇل نەگە بايلانىستى،  قىزمەتكە مە الدە گاپ رەيتينگتى جاساۋشىلاردا ما؟

ايتقانداي، رەيتينگتە ەڭ سوڭعى 42 ورىندا مادەنيەت جانە سپورت ءمينيسترى ارىستانبەك مۇحامەديۇلى تۇر.

دەرەككوز: oinet.kz

1 پىكىر