وزبەكستاندا ميليتسيونەر بانك تونادى
ميليتسيا قىزمەتكەرى باسشىلىق ەتكەن ۇيىمداسقان قىلمىستىق توپ وزبەكستاننىڭ حورەزم وبلىسى باعات اۋدانىنداعى «ميكروكرەديتبانككە» شابۋىل جاساعان. قاراقشىلار وزدەرىمەن الىپ كەتكەن 45 قاپتا 16 ميلليونان استام سۋم نەمەسە 2 600 اقش دوللارىنان ءسال اساتىن اقشا بولعان.
بانكتىڭ باسشىلىعىنا جاقىن دەرەككوز ورتالىق ازيا جاڭالىقتار قىزمەتىنە ولاردىڭ بانك عيماراتىنا كەلتىرگەن زالالىنىڭ اقشالاي شىعىنى ودان الدەقايدا كوپ ەكەنىن حابارلادى. شابۋىل جاساۋشىلار عيماراتتىڭ ارت جاعىنداعى ءبىرىنشى قاباتتاعى تەمىر قورشاۋلاردى سىندىرىپ كىرگەن، دابىل قوڭىراۋلارىن، سەيفتەردى باسقا دۇنيەنى تالقانداعان.
قىلمىس ءىزى سۋىماي اشىلعان جانە بارلىق 45 قاپ اقشا بانككە قايتارىلدى، ەندى توناۋشىلار 16 جىلعا باس بوستاندىقتارىنان ايىرىلۋى مۇمكىن. بۇل وقىس وقيعا وزبەكستاندا بانكتەردىڭ وزىندە قولما قول اقشانىڭ تاپشى ەكەنىن انىق كورسەتىپ بەردى.
وزبەكستاننىڭ اقپارات قۇرالدارىنا جۇمىسشىلار مەن ءىرى ستراتەگيالىق نىسان قىزمەتكەرلەرىنىڭ جالاقىسىن تولەۋگە جانە زەينەتكەرلەرگە زەينەتاقى بەرۋگە قولما قول اقشانىڭ جەتپەيتىنى تۋرالى شاعىمدار كوپتەپ تۇسەدى. بۇعان دەيىن بىرنەشە رەت كوپتەگەن وزبەكستاندىقتىڭ شەتەلدەگى تۋىستارى جولداعان اقشا اۋدارىمدارىن بانكتەردەن الا الماي جۇرگەندەرى تۋرالى حابارلانعان ەدى.
اباي-اقپارات
