زاڭعا ەنگەن وزگەرىستەر بويىنشا، رەسەيدە 2014 جىلدىڭ 1 قاڭتارىنان باستاپ كورسەتىلگەن نەمەسە تۇسىرىلگەن فيلمدەردى ۋكراينادا تاراتۋعا تىيىم سالىنادى. زاڭدى رادانىڭ 237 دەپۋتاتى جاقتاعان. بۇعان دەيىن ۋكراينادا رەسەيدىڭ كۇش قۇرىلىمدارىن ناسيحاتتايتىن بارلىق فيلمگە تىيىم سالىنعان ەدى.

زاڭعا تۇسىنىكتەمە بەرەتىن جازبادا: "زاڭ جوباسى ۋكراينانىڭ اقپاراتتىق سالاداعى قاۋىپسىزدىگىن باسقىنشى ەل پايدالاناتىن ناسيحاتتىڭ كەز كەلگەن ءتۇرىن ۋكراينادا تاراتۋعا شەكتەۋ قويۋ ارقىلى قورعايتىن قۇقىقتىق تەتىكتەردى جەتىلدىرۋدى كوزدەيدى", – دەلىنگەن.

زاڭ اۆتورلارى ونىڭ ۋكراينانىڭ ۇلتتىق قاۋىپسىزدىگىن كۇشەيتەتىنىن جانە قوعامداعى سەپاراتيستىك كوڭىل-كۇيدى باسۋعا كومەكتەسەتىنىن جانە مەملەكەتتىڭ بەدەلىن كوتەرەتىنىن ايتادى.

اباي-اقپارات