برەيۆيك ناۋرىز ايىندا نورۆەگيالىق بيلىكتى ادام قۇقىقتارى جانە ولاردىڭ بوستاندىعىن قورعاۋ جونىندەگى ەۋروپالىق كونۆەنتسيانىڭ ەرەجەلەرىن بۇزىپ وتىر دەپ سوتقا شاعىمدانعان بولاتىن. ول بيلىك ءوزىن تۇرمەدە وقشاۋلاپ ۇستاۋعا ءتيىستى ەمەس دەپ سانايدى.

سوت برەيۆيكتىڭ ارىزىنىڭ جارتىسىن قاناعاتتاندىرمادى. بيلىك ونىڭ جەكە ءومىرى مەن وتباسىلىق ومىرىنە قول سۇقپادى دەگەن قاۋلى شىعاردى.

سوت برەيۆيكتىڭ ءوتىنىشىن جارتىلاي قاناعاتتاندىرىپ، وعان 331 مىڭ نورۆەگيالىق كرون (40 مىڭ دوللار) وتەماقى تولەۋ جونىندە شەشىم شىعاردى.

2011 جىلى برەيۆيك وسلودا جارىلىس ۇيىمداستىرعان. وسىدان كەيىن جاستار لاگەرىندە وق اتىپ، كەم دەگەندە 77 ادام قايتىس بولدى. بۇل نورۆەگيا تاريحىندا ەكىنشى دۇنيەجۇزىلىك سوعىستان كەيىنگى ورىن العان قاندى وقيعا بولاتىن. برەيۆيك 21 جىلعا باس بوستاندىعىنان ايىرىلعان.