تاڭەرتەڭ جۇمىسقا كىرىسپەس بۇرىن قىزمەتتەگى قازاقستاندىقتاردىڭ ءبارى دەنە شىنىقتىرۋمەن اينالىسۋى كەرەك دەپ ەسەپتەيدى ءماجىلىس دەپۋتاتتارى. بۇگىن ۇكىمەت ساعاتىندا قر مادەنيەت جانە سپورت ءمينيسترىن تىڭداعان حالىق قالاۋلىلارى مۇنى زاڭمەن بەكىتۋگە دايىن ەكەندىكتەرىن ايتىپ وتىر، -دەپ حابارلايدى sn.kz پورتالى.

ايتا كەتەيىك، بۇگىن دەپۋتاتتار الدىندا مينيستر ارىستانبەك مۇحامەديۇلى بايانداما وقىپ، ەلىمىزدەگى سپورت سالاسىنىڭ جەتىستىكتەرىن جانە پروبلەمالارىن تىزبەكتەپ بەردى.

"جۇمىس بارىسىندا قوزعالىستىڭ تىم از بولۋى سالدارىنان ءبىزدىڭ دەنساۋلىعىمىزدى ناعىز كاسىبي دارىگەرلەر دە ساقتاپ قالا المايدى. ءبىز ءۇشىن وزگە بىرەۋ ەشقاشان دەنە شىنىقتىرۋىن جاساپ، ارتىق تاعامنان دا ءبىز ءۇشىن بىرەۋ باس تارتپايدى. دەنىمىزدىڭ ساۋ بولۋىن ەڭ الدىمەن ءوزىمىز قالاۋىمىز كەرەك. سوندىقتان جارنامالىق ناۋقان جۇرگىزۋ قاجەت", - دەيدى دەپۋتات امانجان جامالوۆ.

ونىڭ ايتۋىنشا، باتىس ەلدەرىندە ادام قاندايدا ءبىر جەتىستىككە جەتۋى ءۇشىن دەنە ءبىتىمى سۇلۋ بولۋى كەرەك. "ال، بىزدە كەرىسىنشە، قارىن بايلاۋ سانگە اينالىپ بارادى" دەدى حالىق قالاۋلىسى.

ارىستانبەك مۇحامەديۇلى بولسا دەپۋتاتتارمەن كەلىسەتىنىن، ول ءۇشىن قازاقستاننىڭ سپورتتىق جەتىستىكتەرىن حالىق اراسىندا كەڭىنەن ناسيحاتتاۋ كەرەكتىگىن ايتتى. 

ال، تاعى ءبىر ماجىلىسمەن باقىتكۇل حامەنوۆا بولسا مينيستردەن ەلىمىزدەگى مەكەمەلەردىڭ بارىنە تاڭەرتەڭگى جاتتىعۋلاردى مىندەتتەۋدى سۇرادى.

"كسرو تۇسىندا بۇكىل ەلدە كاسىپوداقتار جۇمىس ىستەدى جانە قوعامدىق گيمناستيكاعا ول كەزدە ۇلكەن ءمان بەرىلتىن. ناتيجەسى جاسان بولعان جوق. اسىرەسە، تاڭەرتەڭنەن كەشكە دەيىن كەڭسەدە قيمىلسىز وتىراتىن مەملەكەتتىك قىزمەتكەرلەرگە پايداسى مول. ەگەر مۇنى قازىر زاڭمەن بەكىتىپ، قىزمەتكەرلەردىڭ كۇندەلىكتى داعدىسىنا اينالدىرساق ولار اتقارىپ جاتقان جۇمىستىڭ ساپاسى ارتادى دەپ ويلامايسىز با؟" دەپ سۇرادى حامەنوۆا بايانداما وقىعان مينيستردەن.

مۇحامەديۇلى بولسا مەمقىزمەتكەرلەردى تاڭەرتەڭگى 8-دەن باستاپ ماجبۇرلەپ گيمناستيكامەن اينالىستىرۋ مينيسترلىكتىڭ قولىنان كەلمەيتىنىن ايتتى.

Abai.kz