استاناداعى  «قاڭعىباس» دەپۋتاتتار  5 جۇلدىزدى پەكين پالاس قوناق ۇيىندە كۇنىنە 120 مىڭ تەڭگە تولەپ تۇرىپ جاتىر دەگەن اقپارات ەل ىشىندە قىزۋ-تالقىعا ءتۇسىپ جاتىر. 

ول ءۇشىن مەملەكەتىمىز قازىنادان 169 713 392,86  تەڭگە ءبولىپ،  تەندەر جاريالاپ، ونى الگى قىتاي قوناق ءۇيى ۇتىپ الىپتى. قر پارلامەنتىنىڭ شارۋاشىلىق باسقارماسى دەپۋتاتتارعا ارنالعان مەملەكەتتىك تۇرعىن ءۇي قورىن «جاڭا دەپۋتاتتارعا» ۇلەستىرگەنگە دەيىن وسىنداي ۋاقىتشا قادامعا بارعان.

قر پارلامەنتىنىڭ شارۋاشىلىق باسقارماسى جانە مەملەكەتتىك ساتىپ الۋلار باسقارماسىنىڭ باسشىسى باقادىل قونقاشەۆ مىرزا مەملەكەتتىك تەندەردى «سولاكس» كومپانياسى ۇتىپ العانىن ايتقان.

سايلاۋ دوداسىندا داۋىس جينايمىز دەپ شارشاپ قالعان دەپۋتاتتاردى دەمالدىرۋ ءۇشىن الگى قىتاي قوناق ءۇيى 3,5 پايىزدىق جەڭىلدىك ۇسىنعان. ەندى سۋ جاڭا دەپۋتاتتار Soluxe Astana (Beijing Palace) قوناق ۇيىنە جايعاسادى ەكەن.

اۋەلدە بۇل «فەيك» اقپارات بولۋى مۇمكىن دەگەنىمىزبەن، اقيقاتى وسى بولدى. جاڭادان سايلانعان، استانادان ازىرگە باسپانا تيە قويماعان دەپۋتاتتار مەملەكەت بيۋدجەتىنەن كۇنىنە 120 مىڭ تەڭگە جامباس پۇل تولەتىپ وسى قوناق ۇيدە جاتىر. قوناقۇيىنىڭ اتى باسقا ەمەس، پەكين دەپ اتالادى.

بۇل اقپاراتتى كوممۋنيستىك پارتيا دەپۋتاتى ايقىن قوڭىروۆ مىرزا دا راستاپ، «Bnews.kz-كە» سۇحبات بەرىپتى.

«مەن ءوز پاتەرىمدى تاپسىرعان جوقپىن، قازىر دە سول ءۇش بولمەلى پاتەردە تۇرىپ جاتىرمىن. جاڭا كەلگەن دەپۋتاتتاردىڭ پاتەرلەرى دايىن بولعان سوڭ ولار سوندا كوشەدى. ءبىزدىڭ فراكتسيادان (قازاقستان حالىقتىق كوممۋنيستىك پارتياسى – اۆت.ەسكەرتپەسى) يرينا سميرنوۆا قوناق ۇيگە ورنالاستى. وزگەلەرى وسىندا قالادا تۇرادى»، - دەيدى بۇعان دەيىنگى شاقىرىلىمدا دەپۋتات بولعان ايقىن قوڭىروۆ.

سونىمەن جاپ-جاڭا دەپۋتاتتاردىڭ قازىر تۇرىپ جاتقان جەرىن ءبىز دە قاراپ كوردىك.

ەڭ باستىسى دەپۋتاتتاردىڭ اس ءمازىرى دە «سۋپەر» ەكەن. مىسالى بۇل قوناق ۇيدە ءبىر ادامعا ارنالعان تۇستىك استىنڭ ورتاشا باعاسى 5100 تەڭگەدەن 15 000 تەڭگەگە دەيىن جەتەدى ەكەن. قوناق ءۇيدىڭ 23- قاباتىنداعى اينالمالى مەيرامحانادا تاماق ءىشىپ وتىرىپ، جاڭا سايلانعان دەپۋتاتتار ەلوردانىڭ تىنىس-تىرشىلىگىمەن تانىسا الادى ەكەن.

بۇل 5 جۇلدىزدى وتەل استانانىڭ قاق ورتاسىندا ورنالاسقان. وتەل فاسادى قىتاي ستيلىندە. جوعارى قاباتتا قالاعا كورىنىسى بار مەيرامحانا راسىمدەلگەن. سونىمەن قاتار،ءستيلدى باسسەين جانە وتەل قىزمەتشىلەرىنە اۆتوكولىكتەردى پاركوۆكالاۋدىڭ تەگىن قىزمەتى بار. ءار دىبىسيزوليرلەنگەن نومىردە جانە Beijing Palace Soluxe Astana وتەلىندە جالپاق ەكراندى تەلەديدار، جانە قوناق بۇرىشى بار. ءمارمار ۆانناسىندا ءسىز حالاتتار مەن دارەتحانا زاتتارىن تابا الاسىز. Great Wall مەيرامحاناسىندا گۋرماندار ءۇشىن قىتاي تاعامدارى ساتىلادى. ەۋروپا اس ءۇيى Madonna اس ۇيىندە. ءار تاڭ سايىن جەڭىل تاڭعى اس بەرىلەدى. وتەل استانانىڭ اكىمشىلىك ورتالىعىندا ورنالسقان. وتەل مينيسترلىكتەر ۇيىنەن جانە اق وردادان 5 مينۋتتىق قاشىقتىقتا ورنالاسقان. قوناقتاردى Palace Soluxe سپا سالونىندا سىلاۋ جاساۋعا شاقىرادى، مۇندا دجاكۋزي جانە بۋ مونشاسى بار. بۇدان باسقا، جاقسى جابدىقتالعان ترەناجەر زالى بار.

(سۋرەتتەر پەكين پالاس قوناق ءۇيىنىڭ رەسمي سايتىنان الىندى)

ايتپاقشى، رەسمي سايتىندا «پەكين پالاس» دەپ جازىلعان قوناق ءۇي قىتايلىق «حۋا يوۋ» كومپانياسىنا تيەسىلى ەكەن. ال «حۋا يوۋ» الەمنىڭ ەڭ ۇلكەن 50 مۇناي كومپانياسىنىڭ ىشىندە 7-ورىندا تۇرعان قىتاي ۇلتتىق مۇناي كومپانياسىنىڭ (CNPC) مەنشىگىنە كىرەدى.

 Abai.kz