رەسەي فەدەراتسياسى مەملەكەتتىك دۋماسىنىڭ اتىنان قازاقستانداعى ءماجىلىس پەن ءماسليحات سايلاۋىنا باقىلاۋشى رەتىندە كەلگەن ەكس-بوكسشى نيكولاي ۆالۋەۆ سايلاۋداعى ورەسكەل زاڭ بۇزۋشىلىقتى بايقاعانىن ايتتى،-دەپ حابارلايدى Tengrinews.kz ءتىلشىسى.

استاناداعى سايلاۋ ۋچاسكەلەرىنىڭ بىرىنە باقىلاۋشى بولىپ قاتىسقان دۋما دەپۋتاتى ۆالۋەۆ سايلاۋ پروتسەسسىندەگى ورەسكەل زاڭ بۇزۋشىلىقتى بايقاعان.

ماسقارا بولعاندا رەسەيلىك دەپۋتات  باقىلاۋشى بولىپ وتىرعان سايلاۋ ۋچاسكەسىنە ءوزىنىڭ جەكە باسىن كۋالاندىراتىن قۇجاتى جوق ازاماتشا كەلگەن. ال ۋچاسكەدەگى ۇيىمداستىرۋشىلار قۇجاتسىز كەلگەن ازاماتشاعا سايلاۋ بيۋلەتەنىن بەرگەن.

تىلشىلەرگە سۇحبات بەرگەن رەسەيلىك دۋما دەپۋتاتى، سايلاۋ باقىلاۋشىسى ءام ەكس-بوكسشى نيكولاي ۆالۋەۆ جالپى العانداعى قازاقستانداعى سايلاۋ پروتسەسسىنىڭ ۇيىمداستىرۋ جۇمىستارىنا وڭ باعاسىن بەرگەن.

«تاڭ ازاننان سايلاۋ ۋچاسكەلەرىنە ازاماتتار كەلدى. ءبىزدىڭ ۋچاسكەنىڭ وزىندە 5-10 پايىز داۋىس بەرۋشەلىر قاتىسىپ ۇلگەردى. ال ارىپتەستەرىمىزدىڭ حابارلاۋىنشا، كەيبىر ۋچاسكەلەردە حالىقتىڭ ۇشتەن ءبىر بولىگى داۋىس بەرگەن. ۇيىمداستىرۋ جوعارعى دەڭگەيدە»،-دەيدى-ۆالۋەۆ.

قازاقستانداعى سايلاۋ جۇيەسىمەن ءجىتى تانىس دۋما دەپۋتاتىنىڭ ەلىمىزدەگى مۇنداي پروتسەسستەرگە تورەلىك ەتۋدە تاجىربيەسى مول.

ەستەرىڭىزدە بولسا، نيكولاي ۆالۋەۆ وتكەن جىلعى كەزەكتەن تىس وتكىزىلگەن پرەزيدەنت سايلاۋى كەزىندە دە باقىلاۋشى ميسسياسىن ورىنداعان.

ال قازاقستان پرەزيدەنتتىگىنە ەكى دۇركىن ۇمىتكەر اتانعان ەكس-گەنەرال عاني قاسىموۆ ەلىمىزدەگى سايلاۋ كومپانيالاردىڭ جۇمىسىنا كوڭىلى تولمايتىنىن جەتكىزگەن.

«كەزىندە مەن دە حالىقتىڭ الدىندا ءسوز سويلەپ،  سايلاۋ ناسيحاتتارىنا قاتىسقانمىن. وسى جولى مەن ەشبىر كانديداتتى تىڭداعان دا، كورگەن دە جوقپىن. سەبەبى، ەشبىرىنىڭ ءۇنى ماعان جەتكەن جوق. جۇمىسىمدا دا، تۇرعىلىقتى مەكەن-جايىمدا دا تىنىشتىق. ناتيجەسىندە مەن بۇلاردىڭ قايسىسىنا داۋىس بەرەتىنىمدى بىلمەيمىن. جالپى داۋىس بەرگەنىم ءجون بە دەپ ويلايمىن. داۋىس بەرەتىن بولسام، نە ءۇشىن دەگەن سۇراق تۋادى. ولار مەنى ىزدەگەن جوق، مەنىڭ پىكىرىمە قىزىققان دا جوق. ولاردىڭ سايلاۋ الدى باعدارلامالارى مەنى سەندىرگەن جوق. وسىلايشا بىرىنشە رەت نە ىستەرىمدى بىلمەي وتىرمىن»،-دەپ جازادى قاسىموۆ مىرزا ءوزىنىڭ Instagram پاراقشاسىندا.

ايتا كەتەتيىك، بۇگىن جالپى قازاقستان جۇمحۋريەتىندە تاڭعى ساعات 07:00-دەن باستاپ ءماجىلىس پەن ءماسليحات دەپۋتاتتىعىنا ۇمىتكەرلەردى سايلاۋ باستالدى. قازاقستاندىقتاردىڭ الدىندا دوداعا تۇسكەن التى پارتيانىڭ قايسىسى ماجىلىستەگى مايلى كرەسلولارعا جايعاساتىنى ەندى سالدەن كەيىن بەلگىلى بولادى. بيلىك باسىنداعى «نۇر وتان» الدىن-الا دودا ليدەرى اتانىپ ۇلگەرگەن، ءتىپتى. دەموكراتيالىق «اق جول» دا ماجىلىستەگى بۇرىنعى ورىندارىن ساقتاپ قالۋ ءۇشىن تالاسۋدا. سەكسەندەگى اقساقالدىڭ كورەگەندىگىمەن كوپ داۋىسىنا ءۇمىتتى كومۋنيستەر دە، بيلىكتىڭ نەگىزگى وپپازيتسياسى دەپ ەسەپتەلەتىن جالپى ۇلتتىق سوتسيال دەمكوراتتار دا دودادا. ۇلكەن دودادان ەنشى الىپ قالۋعا ءۇمىتتى جانە ەكى پارتيا – حالىقتىق دەموكراتيالىق «اۋىل» مەن ازىرگە ۇلكەن ساياساتتاعى جاپ-جاڭا ەسىم «بىرلىك» تە حالىق داۋسىنا تەلمىرىپ وتىر.

نۇرگەلدى ابدىعانيۇلى

Abai.kz