سۇراقتى وسىلاي توتەسىنەن قويۋعا تۋرا كەپ تۇر. مويىنداۋ كەرەك، قاراكوزدەرىمىز دە ەتەكتىڭ شۇبەرەگىن ۇنەمدەۋدەن باسەكەگە اسا قابىلەتتىلىگىمەن كوزگە ءتۇسىپ ءجۇر. مىنە، كوكتەم باستالدى، ەندى ولار كەزەكتى رەت جاپپاي پىسىناي باستايدى. نەگە؟ سەبەبىن ەشكىم، ءتىپتى، سول تەرشەڭ ارۋلاردىڭ وزدەرى دە ءتۇسىندىرىپ بەرە المايتىن شىعار.
ونىڭ ۇستىنە امەريكالىق سەكسولوگتاردىڭ مىنا تۇجىرىمى ەستى شىعارادى: “نازىك جىنىستىلاردىڭ كوپ بولىگى بەلگىلى ءبىر دەڭگەيدە – ەكسگيبيتسيونيست!” كەلىسكىڭ كەلمەيدى. قازاقتىڭ قىزدارى، ياعني، مەنىڭ قارىنداستارىم، تاندەرىن وزگەلەردىڭ تاماشالاعانىنان ءلاززات الادى دەگەن وي ۇلتتىق سەزىمگە اجەپتەۋىر سالماق ويتكەنى. ويتپەيىن دەسەڭ، سولاردىڭ ويلانباستان، زامانانىڭ ساسىق جەلىن سامالداي كورىپ، سىرتتان تاڭىلعانعا توپاس ىلەسىپ كەتۋى ءىشتى اشىتىپ بارا جاتىر. ءار نارسەنىڭ اپوگەيى بولادى. ەتەكتىڭ جوعارى، جاعانىڭ تومەن جىلجۋى قاي شاماعا دەيىن جالعاسارى بەلگىسىز بوپ تۇر قازىر.
كۇندەردىڭ كۇنى ايتەۋىر ءبىر تۇسقا كەپ توقتاي ما، الدە ادامزات بالاسىن، ونىڭ ىشىندە قازاقتىڭ قىزدارىن لىپاسىز قالدىرىپ، ۋاليبەك ايتپاقشى، جىپكە اينالىپ بارىپ، ءۇزىلىپ تۇسە مە؟ ونسىز دا، قازىر ۇشى كورىنبەگەن ءۇش-اق نۇكتە قالدى. 
ەكسگيبيتسيونيزمگە قايتا كەلەيىك. سونىمەن، ىستىعى تاسىعانىن سىلتاۋ ەتىپ، ساناسى سان اشۋعا جەتىپ جۇرگەن قىز-قىرقىن الگى قازۇۋقالاشىقتاعى مانياكپەن سىرقاتتاس بوپ شىقتى ما؟ ولاي بولسا، ايانىشتى. ولاردى ەمدەپ الۋ بۇ ءدۇنيا تىرشىلىگىندە قولىمىزدان كەلمەيتىن شىعار. ويتكەنى، تىم كوپ. ءارى بۇل سىرقات جۇقپالى ما دەيمىن. ۆيرۋسى قالالىق جەردە كوپ سەكىلدى. ىستىق جانە قاراڭعى جاعدايلاردا تەگى قوزاتىن سياقتى.
مۇمكىن، ولاردىكى جالعان ەكسگيبيتسيونيزم بولار. ياعني، ول دا قۇلىن مۇشەسىن كورسەتۋگە دەگەن قۇلشىنىستىڭ ءبىر ءتۇرى، بىراق سانالى تۇردە. بۇل اۋرۋدان گورى بۇزاقىلىق ارەكەتكە (حۋليگانستۆو) كوبىرەك سايكەس كەلەدى. ونداي جاعدايدا، بىزدەگى “كيىنگەن جالاڭاشتاردىڭ” رەسەيدەگى مەملەكەتتىك مۇراجايلاردا جاپپاي جىنىستىق قاتىناس سەانسىن وتكىزگەن (سەكسكە قويىلعان قوعامدىق شەكتەۋلەرگە قارسىلىق رەتىندە) “ۆوينا” توبىنان; جۇلدىز ەكەنى، جەزوكشە ەكەنى بەلگىسىز الەسيا موليبۋ نەمەسە پەريس حيلتون سياقتىلاردان نە ايىرماسى قالادى؟

مۇرات ەسجاننىڭ جازباسىنان
Namys.kz