كوكتەم سايىن قازاق قوعامىندا قوس تاقىرىپ قاي­تا­را قويىرتپاقتانىپ جاتادى. ءبىرىنشىسى، 14 اق­پان - «اۋ­ليە ۆالەنتين كۇنى»، ەكىنشىسى، 8 ناۋرىز - حالىق­ارا­لىق ايەلدەر كۇنى. شىنتۋايتىنا كەلگەندە، بۇل ات­ال­عان قوس مەيرامنىڭ دا تاريحى جەتىسىپ تۇرعان جوق. ونىڭ ۇستىنە ەكەۋى دە قازاققا جات، زورلىقپەن تا­ڭىل­عان داتالار. ءورىستىلدى نەمەسە ورىسقول قازاق با­ۋ­ىر­لارىم، ارينە، كەڭىردەكتەرىن سوزىپ، ءۋاج ايتا جا­ت­ار، بىراق، ءبارىبىر، بارىنىكى بوس ءسوز، قۇر قوقان-لوققى...

«ۇرا بەرسەڭ، سايتان دا ولەدى» دەمەكشى، اۋليەنىڭ كۇنى كۇڭگىرتتەنە باستاعان سىڭايلى، تەك باسىنا ورىس­شىل­دىق ءوتىپ كەتىپ، جۇرەگىنە قارا داق سالعان توپالاڭ تو­بىر عانا 14 اقپاندا قولدارىنا جۇرەكتىڭ سۋرەتى سا­لىنعان تيتىمدەي وتكرىتكالارىن ۇستاپ، الاقتاپ ءجۇر...

ەڭ قيىنداۋى، 8 ناۋرىزدىڭ ناۋبەتى بولىپ تۇر. اعا بۋىن ايىقپاستاي ۋلانىپ، ورتا بۋىن وڭباي وماقاسقان، ءتىپتى، جاس بۋىننىڭ بۋىنىنا ءتۇسىپ كەتكەن ايەلدەر كۇنى، ءبىر قاراعاندا، زيان-زوبالاڭنان ادا، شايماشۋاق كوكتەمنىڭ كوڭىلدى بەتاشارى سەكىلدى. دەي تۇرعانمەن، 8 ناۋرىزدىڭ تاريحى دا تارامىستانىپ جاتىر. تەك، اناعا دەگەن قۇرمەت قانا قازاقتىڭ ءتىلىن كۇرمەلتىپ، ەكپىنىن ەڭسەلەتىپ وتىر.

نەگىزى، 8 ناۋرىز - گۇل ساتۋشىلاردىڭ ناعىز مەيرا­مى. ءسىرا، وسى بيزنەستىڭ وكىلدەرى وسى ءبىر-اق كۇندە ءبىر جىلدىق قورىن جيناپ الاتىن شىعار. قۇربان ايت­ىندا قوي ساۋدالاۋشىلار و دۇنيەنىڭ ساۋابىنان گورى، بۇ دۇنيەنىڭ قالاۋىنا جەڭىلىپ جاتسا، 8 ناۋرىزدا گۇل ساتۋشىلاردىڭ قۇدايى بەرىپ قالادى. قىزعانىش جوق، ەڭبەك ەتكەن ەسەلەپ جەسىن، بىراق، تاعى دا ۇيات پەن يماندى اتتاپ كەتەتىنىمىز قالاي؟!. قالتاسى جۇقا ءبىر-اق تال گۇل العانعا الارا قاراپ، قالتاسى مەن قار­نى قامپيىپ، بىرنەشە كارزىڭكە گۇل شوعىرلارىن ساۋ­دا­لاعاننىڭ الدىندا قۇرداي جورعالايتىنىمىز قالاي؟..

«مەيرامنىڭ تاريحى» دەمەكشى، 8 ناۋرىز تۋرالى ويىن بىلدىرگەن بەلگىلى تەلەجۋرناليست سەرىك اباس-شاح اعامىز كوگىلدىرلەر مەن ەركەكشورالاردىڭ ويلارى مەن قولدارىنان شىققان زاتتاردى ەركىن قولدانا بەرۋگە شاقىرىپتى. مەنىڭشە، «سپورنىي ۆوپروس»...

داۋسىز ماسەلە، 8 ناۋرىز جايلى قازاق قوعامىندا بىرجاقتى تۇجىرىم جوق. ءبىر كۇندىك قۇرمەتتىڭ «قادىرى» قالاي باياندى بولسىن! اياۋلى انا مەن ارداقتى ارۋ كۇن سايىن، ءسات سايىن قۇرمەتكە لايىق.

قاجىمۇقان عابدوللا

Abai.kz