ەلباسىنىڭ «نۇرلى جول»باعدارلاماسى اياسىندا قالا تۇرعىندارىن باسپانامەن قامتاماسىز ەتۋ ماسەلەسىجاقسى قولعا الىنۋدا. وسىعان دەيىن قالامىزداعى بىرنەشە تۇرعىن ءۇي ەل يگىلىگىنە بەرىلىپ، كوپتەگەن جاننىڭ باسپانا ماسەلەسى تۇبەگەيلى شەشىلگەن ەدى. بۇل ءۇردىس تاعى دا  جالعاسىن تاۋىپ، كەشە قالانىڭ وڭتۇستىك باتىس قۇرىلىس ايماعىندا بوي كوتەرگەن ءبىر جانە ەكى بولمەلى 120 پاتەرلى قوس ءۇي ءوز يەسىن تاپتى،-دەپ حابارلايدى وبلىستىق «جەتىسۋ» گازەتى.

 تالدىقورعان قالالىق قۇرىلىس ءبولىمىنىڭ تاپسىرىسى، «ارلان – جوبا قۇرىلىس» جشس-ءنىڭ جوباسى بويىنشا مەردىگەر كومپانيا «ليۋمەن ەلەكترو ءىى» جشس-ءنىڭ قۇرىش قولدى قۇرىلىسشىلارى تۇرعىزعان كوممۋنالدىق ساناتتاعى قوس عيماراتتىڭ قۇرىلىس، اباتتاندىرۋ، باسقا دا ماقساتتاعى جۇمىستارىنا جەرگىلىكتى بيۋدجەتتەن قوماقتى قارجى يگەرىلىپتى.  سالتاناتتى شاراعا وبلىس اكىمى اماندىق باتالوۆ قاتىسىپ، ازاماتتارىنا پاتەر كىلتىن تابىستادى.

الدىمەن قۋانىش يەلە­رىن جاڭا قونىستارىمەن قۇتتىق­تاعان ءوڭىر باسشىسى ەلباسى­نىڭ قولداۋىمەن وبلىسى­مىزدا قۇرىلىس سا­لا­سىنىڭ قارقىنى ارتىپ، قالا اجارى ايشىقتالا تۇس­كەنىن ءسوز ەتتى. ءىرى جوبا­لاردىڭ قولعا الى­نىپ، ساۋ­لەتى جاراسقان ەڭسەلى عيما­رات­تار­دىڭ ارت-ارتىنان بوي كوتەر­گەنىن دە نازاردان تىس قالدىر­مادى. الداعى ۋاقىتتا ەل يگىلى­گىنە بەرى­لەتىن وندىرىستىك، الەۋ­مەت­تىك، مادە­ني-رۋحاني نىسان­داردى اي­تىپ ءوتتى. 

– ەلباسىنىڭ تاپسىرما­سىمەن وڭىرىمىزدە ءىرى-ءىرى جو­با­لار اتقارىلۋدا. بۇگىنگە دەي­ىن بىرنەشە ءۇيدى قالا­داعى باسپا­ناعا مۇقتاج جاندارعا تابىس­تادىق. وعان وزدەرىڭىز كۋا بول­دىڭىزدار. مىنە، سول يگىلىك بۇگىندە جالعاسىن تاۋ­ىپ وتىر. الداعى جوسپارلا­رىمىزدا اۋ­قىم­دى. كەلە­شەكتە وسى وڭ­تۇستىك باتىس تۇرعىن ءۇي ايما­عىنان بالا­باقشا، مەكتەپ، تەاتر عيما­راتى، سالتانات سا­را­يى، كور­مە زالى، تاعى دا باسقا نى­سان­دار سالىنادى. ابات­تان­دىرۋ جۇمىسى دا قالا­نىڭ باسقا شاعىن اۋدان­دارى­نان وزگەشە بولادى. دەمەك، بۇل جەرگە سالى­ناتىن جاڭا عيما­راتتار قالانىڭ كوركىن ارت­تىرىپ، جەرلەستە­رىمىزدىڭ قۋا­نى­شىن ەسەلەي تۇسەدى، – دەي كەلە ءۇي يەلەرىنە پاتەر كىلتىن تابىس ەتتى.

بۇل جولى مۇمكىندىگى شەك­­­­تەۋلى جاندار، تولىق ەمەس وت­باسى مۇشەلەرى، اۋ­عان سو­عى­سىنىڭ اردا­گەر­لەرى، مەم­لەكەت­تىك قىزمەتتە، الەۋ­­مەت­تىك سالا­دا، ۇكى­مەت­تىك ەمەس ۇيىمدا، بيۋدجەتتىك مەكە­مەدە جۇمىس ىستەي­تىن­دەر باس­پا­نالى بولدى. وسى­دان-اق  ەلباسىنىڭ «نۇرلى جول» باع­دار­لاماسىنىڭ شا­را­پاتى بارلىق ساناتتاعى ادام­دار­عا ءتيىپ، ولاردىڭ الەۋمەتتىك الەۋەتىن ارت­تىرىپ، باسپا­ناعا دەگەن مۇقتاجدىعىن شە­شۋ­گە سەر­پىن بەرگەنىن اڭعار­دىق. اسى­رەسە، ءۇيلى بولعان­داردىڭ ەلبا­سىنا، وبلىس جانە قالا باسشى­لارىنا ري­زا­شىلىعى مول. ولار بىرىنەن سوڭ ءبىرى مىنبەرگە كوتە­رىلىپ، جۇرەك­جاردى لەبىزىن ءبىل­دىردى.

پاتەر كىلتىن تابىستاعان سوڭ وبلىس اكىمى اماندىق باتالوۆ كوپپەن بىرگە پاتەر­لەردى ارالاپ، قۇرىلىس جۇمى­سىنىڭ ساپاسىن كورىپ، ءۇي يەلەرىن قۇتتىقتادى. سول قاتاردا تولىق ەمەس وتباسى مۇشەسى، ەكى بولمەلى پاتەردىڭ يەسى اتانعان كۇلان جيناقوۆا مەن ءبىر بولمەلى پاتەرگە قولى جەتىپ، قۋانىشىن كوپپەن بو­لى­سۋگە اسىققان  قازاق-بري­تان تەحني­كالىق ۋنيۆەر­سيتە­تىنىڭ ستۋدەنتى، جەتىم بالا داريا ءابدى­راحمانوۆا جانە جاستايىنان ار­با­عا تاڭىل­عان، ءى توپتاعى مۇگەدەك ەل­مي­را سماعۇلوۆانىڭ وتباسىنا باس سۇق­قان ءوڭىر باسشىسى ولار­دىڭ داس­تار­قانىنان ءدام تاتتى.

كوپپەن بىرگە كوپشىلىكتىڭ قۋا­نىشتى كوڭىل كۇيىن كورە ءجۇرىپ، ەلباسىنىڭ تاپسىر­ماسىن بۇل­جىت­پاي اتقارىپ كەلە جاتقان وبلىس اكىمى امان­دىق باتالوۆ پەن قالا اكىمدىگىنە دەگەن جۇرت ىقى­لاسىنىڭ ەرەكشە ەكەنىن باي­قا­دىق. راسىندا، وسىنداي قيىن كۇندەردە جوقتان بار جاساپ، قار­جى كوزىن تاۋىپ، ءبىر جىلدا بىر­نەشە ءۇيدى تۇر­عىن­داردىڭ يگىلىگىنە تاپسى­رىپ، ءوڭىردىڭ باسپانا جەتىس­پەۋشىلىگىن شەشۋگە سەرپىن بەر­گەن وبلىس باسشىسىنا العىس­تان باس­قا ايتارىمىز جوق.

قاجەت انداس

Abai.kz