ءانشى مەرۋەرت تۇسىپباەۆا «استانا» ارناسىنىڭ «سىرلاسۋ» باعدارلاماسىندا انشىلەردىڭ تەلەجۇرگىزۋشىلىكپەن اينالىساتىنىن قاتاڭ سىنادى، دەپ حابارلايدى Baistars.kz. «ەتىكشى — ەتىك تىكسىن، جۋرناليست — باعدارلاما جۇرگىزسىن. قازىردە انشىلەر باعدارلاما جۇرگىزەدى: نە ديكتسيا جوق، نە وي جوق، نە ينتەللەكت جوق. بەتى ادەمى انشىلەردى جۇرگىزۋشى قىپ قويادى، ال ولار بولسا نە ايتىپ وتىرعانىن وزدەرى دە بىلمەيدى. نەگە ول وتىرادى؟ ويتكەنى ول تانىمال، ال جۋرناليست تانىمال ەمەس. اتام زاماننان باعدارلامانى جۋرناليستەر جۇرگىزەتىن، سول وزدەرى جۇرگىزسىن. ءانشى ءانىن ايتسىن، ءبيشى ءبيىن بيلەسىن، قارجىگەر اقشا ساناسىن. مەملەكەتىمىزدىڭ رۋحاني اقساپ جاتاتىنىنىڭ ءبىر سەبەبى دە وسى» — دەدى مەرۋەرت تۇسىپباەۆا.

سونىمەن قاتار، ول ونەرگە سىرتتان كەلەتىن ونەرپازداردى جاقتىرمايتىنىن ءبىلدىردى. ء«بىز ونەر جولىنا تۇسۋدەن بۇرىن ءبىلىم الدىق: كوللەدج، اكادەميا، اسپيرانتۋرا. ءار ساتىدان وتتىك. ال ونەردە جۇرگەن كەي ادامدار نوتانى دا بىلمەيدى. ودان «تونيكا، سۋبدومينانتا، دومينانتا دەگەن نە» دەپ سۇراشى، ولار بىلمەيدى. ول تەك ەسترادادا عانا ەمەس، كينودا دا سىرتتان كەلگەن ادامدار كوپ. نەگە ءبىزدىڭ قازاقتىڭ كينوسىمەن كوپ كورەرمەن اۋەستەنبەيدى؟ ويتكەنى بىزگە كينوعا، سەريالعا سىرتتان ادامداردى اكەلە سالادى. بىزدە وسى قازاقبايشىلىق جايلاعان. ونەردە وسى بولماسا ەكەن دەيمىن» — دەپ اشىندى تۇسىپباەۆا.

سوڭعى كەزدەرى اكتەرلىك قىرىنان تانىلىپ جۇرگەن ءارتىس قازاقستاندا كينويندۋستريا دامىسا، ەسترادادان مۇلدە كەتكىسى كەلەتىنىن دە جاسىرمادى.

Abai.kz