اقش سانكتسيانى تاعى ءبىر جىلعا ۇزارتتى
اقش پرەزيدەنتى باراك وباما ۋكراينا وقيعاسىنان كەيىن رەسەيگە سالعان سانكتسيانى تاعى دا ءبىر جىلعا ۇزارتتى.
اق ءۇي تاراتقان حابارلامادا رەسەيدىڭ ۋكرايناعا قاتىستى قازىرگى ساياساتى مەن ارەكەتى بۇل ەلدىڭ بەيبىت ومىرىنە، ەگەمەندىگىنە جانە تەرريتوريالدىق تۇتاستىعىنا تولىقتاي قاۋىپ ءتوندىرىپ، دەموكراتيالىق ۇدەرىستەردىڭ جۇرۋىنە كەدەرگى كەلتىرەدى دەلىنگەن.
سونىمەن بىرگە وندا قالىپتاسقان جاعداي اقش-تىڭ ۇلتتىق قاۋىپسىزدىگى مەن سىرتقى ساياساتىنا توتەنشە قاۋىپ توندىرەتىندىگى ايتىلعان.
اقش سانكتسينى 2017 جىلدىڭ 6 ناۋرىزىنا دەيىن ۇزارتقان.
مۇنان وزگە 2014 جىلى وباما ۋكرايناداعى جاعدايعا جانە رەسەيدىڭ قىرىمدى اننەكسيالاۋىنا بايلانىستى ءۇش قۇجاتقا قول قويعان.
اباي-اقپارات
