قر مادەنيەت جانە سپورت مينيسترلىگىنىڭ قولداۋىمەن ورالحان بوكەي اتىنداعى كوركەمسوز وقۋ شەبەرلەرىنىڭ XYIII رەسپۋبليكالىق بايقاۋى وتەدى، - دەپ حابارلايدى اباي-اقپارات مينيسترلىكتىڭ ءباسپاسوز قىزمەتىنە سىلتەمە جاساپ.

سونداي-اق، بۇگىن قازاقستان رەسپۋبليكاسى مادەنيەت  جانە سپورت مينيسترلىگى تىلدەردى دامىتۋ جانە قوعامدىق-ساياسي  جۇمىس كوميتەتى ورالحان بوكەي اتىنداعى كوركەمسوز وقۋ شەبەرلەرىنىڭ ءحVىىI رەسپۋبليكالىق بايقاۋىن وتكىزۋ جونىندەگى ەرەجەسىن جاريالانىپ وتىر.

ءبىز سول ەرەجەنى تولىعىمەن وقىرمان نازارىنا ۇسىنۋدى ءجون ساناپ وتىرمىز.

1. جالپى ەرەجەلەر

1. ورالحان بوكەي اتىنداعى كوركەمسوز وقۋ شەبەرلەرىنىڭ ء حVىىI رەسپۋبليكالىق بايقاۋى (بۇدان ءارى – بايقاۋ) قازاقستاندا تۇرىپ مەكەندەپ جاتقان دياسپورلاردىڭ تىلدەرى كۇنىنە وراي باعىتتالعان.

2. بايقاۋدى وتكىزۋدىڭ ماقساتتارى:

1) مەملەكەتتىك ءتىلدىڭ قولدانىلۋ اياسىن كەڭەيتۋ;

2) ءتىل مادەنيەتىن كوتەرۋ;

3) كوركەم ادەبيەتتى ناسيحاتتاۋدى جانداندىرۋ;

4) تالاپتى جانە تالانتتى جاستاردى تابۋ.  

3. بايقاۋ مەملەكەتتىك تىلدە وتەدى.

4. بايقاۋ ەكى كەزەڭدە وتكىزىلەدى.

1) ءبىرىنشى كەزەڭ – وبلىستاردا جانە استانا، الماتى قالالارىندا
2016 جىلعى 10 تامىزعا دەيىن وتەدى.

2) ەكىنشى كەزەڭ – رەسپۋبليكالىق بايقاۋ، 2016 جىلعى قىركۇيەك-قازان ايلارىندا وتەدى.

5. بايقاۋعا 18-35 جاس ارالىعىنداعى قازاقستان رەسپۋبليكاسىنىڭ ازاماتتارى قاتىسا الادى. بۇرىنعى رەسپۋبليكالىق بايقاۋلاردىڭ جەڭىمپازدارى مەن جۇلدەگەرلەرى (باس جۇلدە، ءى، ءىى، ءىىى ورىن يەگەرلەرى) وسى بايقاۋعا قاتىستىرىلمايدى.

 2. بايقاۋدى وتكىزۋدىڭ ءتارتىبى

6. قازاقستان رەسپۋبليكاسى مادەنيەت جانە سپورت مينيسترلىگىنىڭ 

تىلدەردى دامىتۋ جانە قوعامدىق-ساياسي جۇمىس كوميتەتى (بۇدان ءارى – كوميتەت) بايقاۋدىڭ ۇيىمداستىرۋشىسى بولىپ تابىلادى.

7. بايقاۋدى وتكىزۋ تۋرالى حابارلاندىرۋ وڭىرلىك، رەسپۋبليكالىق باق-تا جاريالانادى جانە قازاقستان رەسپۋبليكاسى مادەنيەت جانە سپورت مينيسترلىگىنىڭ رەسمي سايتىندا ورنالاستىرىلادى.

8. وبلىستار مەن استانا جانە الماتى قالالارىنىڭ جەرگىلىكتى اتقارۋشى ورگاندارى (تىلدەردى دامىتۋ باسقارمالارى) ءبىرىنشى كەزەڭنىڭ جەڭىمپازدارى تۋرالى مالىمەتتى ەكىنشى كەزەڭگە قاتىسۋ ءۇشىن كوميتەتكە 2016 جىلعى
10 تامىزعا دەيىن ۇسىنادى.

9. بايقاۋ مىناداي تاپسىرمالاردان تۇرادى:

1) پروزالىق شىعارمادان ءۇزىندى وقۋ;

2) پوەزيالىق شىعارما وقۋ.

10. بايقاۋدا قازاقتىڭ بەلگىلى اقىن-جازۋشىلارىنىڭ كەز كەلگەن شىعارمالارىن وقۋعا بولادى.

11. بايقاۋ شارتتارى:

1) ءماتىندى وقۋ ۋاقىتى 3 مينۋتتان اسپاۋى كەرەك;

2) دايىن فونوگراممالاردى پايدالانۋعا تىيىم سالىنادى;

3) ۇمىتكەرلەر ماتىندەردى جاتقا بىلۋلەرى شارت.

 3. بايقاۋعا قاتىسۋشىلاردى باعالاۋ

12. بايقاۋعا قاتىسۋشىلاردىڭ جۇمىسىن باعالاۋ جانە جەڭىمپازدار مەن جۇلدەگەرلەردى انىقتاۋ ءۇشىن قازىلار القاسى قۇرىلادى. قازىلار القاسىنىڭ قۇرامىن كوميتەت انىقتايدى. قازىلار القاسىنىڭ قۇرامى ءتىل مەن ادەبيەت، پەداگوگيكا سالالارىنىڭ عالىمدارى، زيالى قاۋىم وكىلدەرى، مادەنيەت جانە ونەردىڭ بەدەلدى قايراتكەرلەرىنەن تۇرادى. ساندىق قۇرامى 5-7 ادامنان اسپاۋى ءتيىس.   

13. قازىلار القاسى شەشىم شىعارۋ بارىسىندا كەلەسى كريتەريلەردى باسشىلىققا الادى:

1) كوركەم ءماتىندى وقۋ شەبەرلىگىنە;

2) داۋىس مانەرىنە جانە ءتىل تازالىعىنا;

3) كوركەم ءماتىندى تاڭداۋ تالعامىنا;

4) ساحنالىق بەينە جانە وقۋ مانەرى;

5) ساحنالىق كيىم سانىنە.

14. بايقاۋدىڭ جەڭىمپازدارى مەن جۇلدەگەرلەرى قازىلار القاسىنىڭ داۋىس بەرۋ قورىتىندىسى بويىنشا ايقىندالادى.

15. بايقاۋ جەڭىمپازدارى مەن جۇلدەگەرلەرى ارنايى ديپلومدارمەن، العىسحاتتارمەن جانە اقشالاي سىيلىقتارمەن ماراپاتتالادى.

مەكەنجايى: استانا قالاسى، ورىنبور كوشەسى، 8, 15-كىرەبەرىس، قازاقستان رەسپۋبليكاسى مادەنيەت جانە سپورت مينيسترلىگىنىڭ
تىلدەردى دامىتۋ جانە قوعامدىق-ساياسي جۇمىس كوميتەتى.

بايلانىس تەلەفوندارى: 8 (7172) 74-09-85, 74-05-03, 74-14-97, 40-83-67.

Abai.kz