بۇنداي سايكەسسىزدىك نەمەسە كەزدەيسوقتىق بولا بەرۋى مۇمكىن. مىسالى، ءبىز تومەندە تاماشالاعالى وتىرعان بەينەجازبا بەينەجازباداعى باستى كەيىپكەر - قر پرەمەر-ءمينيسترى كارىم ءماسىموۆتىڭ جەكە مۇراعات قورىنان وسىدان ءبىراز ۋاقىت بۇرىن تابىلىپ، دايىندالىپ، ءتىپتى، مونتاجدالىپ قويعان دەلىك. بىراق، وكىنىشكە قاراي، بەينەجازبا بۇگىن، ياعني، 20-شىلدە كۇنى پرەمەردىڭ Instagram جەلىسىندەگى پاراقشاسىنا شىقتى. ال، بۇگىن قازاقستان حالقى 5 بىردەي ارىسىن و دۇنيەگە شىعارىپ سالىپ، ازا تۇتۋدا. الماتى قالاسىنىڭ بەيبىت ءومىرىن ساقتاپ قالۋ ءۇشىن جاندارىن قۇربان ەتكەن ەرلەردىڭ وتباسىنا، تۋعان-تۋىسىنا مەملەكەت باسشىسى كوڭىل ايتتى.

 پەرمەردىڭ "پرەمەراسىنان" ونىڭ ستۋدەنتتىك شاعىن كورىپ وتىرمىز. قازاقستاننىڭ بولاشاق ۇكىمەت باسشىسى 1985-1988 جىلدارى رەسەيدىڭ پاتريس لۋمۋمبا اتىنداعى حالىقتار دوستىعى ۋنيۆەرسيتەتىن ءتامامدادى. 80-جىلدارى بەيجىڭ ءتىل ينستيتۋتىندا قىتاي ءتىلىن مەڭگەرگەن، ۋحان زاڭ ۋنيۆەرسيتەتىندە جانە كولۋمبيا ۋنيۆەرسيتەتىندە تاعىلىمدامادان وتكەن. سودان كەيىن قازاقستانداعى تۇرار رىسقۇلوۆ اتىنداعى قازاق ەكونوميكالىق ۋنيۆەرسيتەتى مەن قازاق مەملەكەتتىك باسقارۋ اكادەمياسىندا ءبىلىم الدى.

Abai.kz